Maak 4:11 - WƖA TENIŊ

¹¹ Ŋɩɩ nɛ ʋ bʋla pɩba, “Ma nɩaa deemba nɛ Wɩa dagɛ wɩalɩŋ sɩ faa ʋ kuorii-la lɛ a pɩpa. Ama nɩalɩŋ sɩ hɛ dɩ-jalɩŋ, namagaba nɛ ʋ yie maga pɩba.

Maak 4:11 ပူးပေါင်းရင်းမြစ်များ

Matiu 11:25

Bʋa-la tɩtɩa lɛ Yesu guu yɩrɛ, “Mɩ Nyɩmma, ŋ nɛ ŋaa wɩa-nyuŋ arɩ tinteeŋ kala Tɩɩna. Mɩɩ lɔllʋŋ arɩ ŋ sɩ kɛŋ wɩalɩŋ ŋ sɩ joŋo faa a dagɛ nɩalɩŋ sɩ bɩ wɩaa jɩŋ, aŋ bɩ joŋo dagɛ nɩalɩŋ sɩ kɛŋ wʋjɩmɩŋ.

Matiu 13:16

Ma-na nyuŋ sɩma nɛ ma sɩaa sɩɩ na, ma dɩgɩlaa ma nɩnɩɩ.

Matiu 16:17

Ŋɩɩ nɛ Yesu bʋl, “Saamɔŋ, Jɔɔŋ bie, Wɩa jaŋ pɛ ŋ lɛ, wʋjɩmɩŋ deeŋ bɩ naga nuhuobiine nɛ pɩŋ. Ama mɩ Nyɩmma sɩ hɛ Wɩa-jaŋ nɛ pɩŋ.

Maak 3:23

Ŋɩɩ nɛ Yesu yɩrɛba a magɛ namagaba a pɩpɩba a bʋl, “Ɛɛ nɛ Sɩtaanɩ jaŋ wuo ŋaa a kiri ʋ tɩtɩa?

Maak 4:10

Yesu dʋndʋŋa sɩ ka, ʋ harɩ-tooroo fii arɩ balɩa-la arɩ nɩalɩŋ dɔnsʋŋ sɩ gollu, pɩɛsʋ namagaba-la bʋbʋɔŋ.

Maak 4:2

Ŋɩɩ nɛ ʋ magɛ namagaba a dagɛba wɩaa yʋgɛ. Ʋ namagaba-la dɔŋɔ nɛ ŋ-la: Ʋ sɩ,

Luuk 8:10

Yesu bʋla pɩba, “Ma nɩaa deemba nɛ Wɩa dagɛ ʋ kuorii-la bʋbʋɔŋ pa. Ama nɩ-daŋ kala, namagaba nɛ ʋ yie kaa dɩdagɛba. Ba yie nyilimi nyilimi aŋ bɩ kʋŋkala wuo na, a bɩra jegili jegili aŋ bɩ ba bʋbʋɔŋ wuo jɩŋ.

1 Kɔrɩntɩ Nɩaa 4:7

Kʋbɛɛ nɛ ŋaa ma yʋga kɩɩ ma dɔnsʋŋ? Wɩa dee bɩ kɩalɩŋ ma sɩ kɛnɛ joŋo pɩmaa? Dɩ Wɩa nɛ saa joŋo pɩma, bɛɛ nɛ tɩɩ ma bibigisi ma tɩtɩa lɛ arɩ ʋ dee bɩ joŋo pɩma?

2 Kɔrɩntɩ Nɩaa 4:6

Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.

Ɛfɛsɩs Nɩaa 1:9

Ʋ tʋɔtɔrʋŋ lɛ nɛ ʋ leŋ la jɩŋ ʋ wɩalɩŋ kala fa sɩ faa, wɩalɩŋ ʋ sɩɩ chɛ dɩ ʋ to Kirisito lɛ a ŋaa pɩla.

Koloosi Nɩaa 4:5

Dɩ ma nɛ hɛ nɩalɩŋ sɩ bɩ Yesu wɩaa laa dii tʋɔŋ, má jɩma kɛŋ ma tɩtɩa. Bʋa na-kala lɛ dɩ ma nɛ na wombiiŋ, má bʋl wɩaa pɩba.

1 Tɛsalonaaka Nɩaa 4:12

Dɩ ma nɛ ŋaa ŋɩɩ, nɩalɩŋ sɩ bɩ Wɩa wɩaa laa dii jaŋ zizilma. Ma bɩ jaŋ hɔnɔ gbɛrɛ nʋʋ dɩ ʋ pɩma ma kʋchɛɛlɛɛ.

1 Timoti 3:7

Wɩa nɩaa nɩhɩaŋ maga dɩ ʋ ŋaa nɩzɔŋ nɛ nɩalɩŋ sɩ bɩ Wɩa ka chʋɔlɛ teeŋ. Dɩ ŋɩɩ dee nɩaa jaŋ wuo chei ʋ yɩrɩŋ, dɩ Sɩtaanɩ to ŋɩɩ lɛ a bɛrɛ kɛnʋ.

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.