Maak 3:7 - WƖA TENIŊ

⁷ Yesu arɩ ʋ harɩ-tooroo sii a mʋ mʋgʋ-balɩŋ niiŋ. Nɩaa yʋgɛ a lɩɩ Galilii tinteeŋ a to ba harɩŋ. Dɔnsʋŋ ma lɩɩ Judiya tinteeŋ,

Maak 3:7 ပူးပေါင်းရင်းမြစ်များ

Matiu 10:23

Dɩ ba nɩɩ dɔgɩsɛma taŋ lɛ, má lɩɩ a fá mʋ taŋ dɔŋɔ. Mɩ bʋlaa pɩma arɩ ma bɩ jaŋ wuo tɩŋ tɩntɩmɩɩ-la dɛrɛ Iziral tasɩŋ kala lɛ, ka dɩ mɩ-na Nuhuobiine Bie-na kɔ.

Matiu 12:15

Yesu sɩ nɩa dɩ ba vʋʋra dɩ ba kpʋʋ ŋɩɩ, ʋ lɩɩ lee-la. Nɩ-daŋ to ʋ harɩŋ. Ŋɩɩ nɛ ʋ vaarɛ nɩalɩŋ fa sɩɩ wɩɩlʋ kala

Matiu 12:16

aŋ bʋla pɩba dɩ ba sɩ́ leŋe dɩ wɩɩŋ deeŋ teeli leriŋ.

Matiu 4:25

Nɩ-daŋ nɛ fa to Yesu harɩŋ. Dɔnsʋŋ lɩɩ Galilii tinteeŋ arɩ tasɩŋ fii. Dɔnsʋŋ ma lɩɩ Jerusalɛm sɩ hɛ Judiya tinteeŋ lɛ, dɔnsʋŋ ma lɩɩ Jɔdaŋ fuoŋ cholo sɛmɛ dɔŋɔ.

Maak 1:39

Ʋ sii a mʋ gɔllɛ Galilii tinteeŋ kala a jʋʋ Wɩɩchʋɔlɛ dɩɩsɩŋ aa bʋl Wɩa wɩaa aŋ pɛ kikiri jɩŋ-bɔŋŋɔɔ ma nɩaa lɛ.

Maak 1:45

Ama baal-la kɛŋ wɩɩ-la kaa lɩɩ a bʋla gaarɛ leriŋ kala. Ŋɩɩ nɛ Yesu bɩra bɩ wuo chaasa jʋʋ taŋ kala tʋɔŋ, ama ʋ yie mʋ hɔŋ pɔkɔŋ nyuŋ, ka nɩaa lɩɩ lee na-kala a kʋkɔ ʋ teeŋ.

Maak 3:20

Ŋɩɩ nɛ Yesu mʋ dɩa, nɩaa bɩra kʋ hilimi. Ʋ dɩ ʋ harɩ-tooroo paala bɩ chɩnɩŋ na dɩ ba dii kʋdiilee.

Maak 4:1

Ŋɩɩ nɛ Yesu mɩɩra mʋ hɔŋ Galilii mʋga-la niiŋ a dɩdagɛ nɩaa. Nɩaa yʋgɛ a kʋ gollu chu. Ba sɩ yʋga ŋɩɩ nɛ, ʋ sii mʋ jʋʋ lɩɩŋ daboro a hɔŋ lɩɩŋ tʋɔŋ. Ka nɩalɩŋ chɩŋ mʋga niiŋ.

Luuk 23:5

Ŋɩɩ nɛ nɩalɩŋ sɩɩ bʋl Yesu teeŋ ha pɛsɛ a bʋl, “Ʋ dagɛ nɩaa ba hɛ yuosuŋ Judiya tinteeŋ kala lɛ nɛ. Ʋ suomi Galilii lɛ nɛ, aŋ lɛɛlɛ kɔ Jerusalɛm ma ŋ-la.”

Luuk 6:12

Tapʋlɩɩ kʋbala Yesu jɩl peeliŋ nyuŋ dɩ ʋ chʋɔlɛ Wɩa. Ʋ chʋɔlɛ Wɩa ŋɩɩ deeŋ deeŋ taŋ pʋl.

Luuk 6:17

Ŋɩɩ nɛ Yesu arɩ ʋ nanzɔɔba-la lɩɩ peel-la nyuŋ kʋ tuu a chɩŋ tinteeŋ, dɩ ʋ harɩ-tooroo dɔnsʋŋ ma hɛ nɩmɛ a yʋgɛ. Nɩaa dɔnsʋŋ ma yʋga a hɛ nɩmɛ a lɩɩ Judiya tinteeŋ, dɔnsʋŋ lɩɩ Jerusalɛm, dɔnsʋŋ ma lɩɩ Taaya arɩ Sɩdɔŋ tinteeŋ a kpagɛ mʋgʋ-balɩŋ niiŋ.

Jɔɔŋ 7:41

Dɔnsʋŋ ma sɩ, “Ʋ nɛ ŋaa Kirisito, Nɩɩ-la Wɩa sɩ lɩɩsa.” Ama dɔnsʋŋ ma sɩ, “Nɩɩ-la Wɩa sɩ lɩɩsa bɩ jaŋ lɩɩ Galilii tinteeŋ.

Jɔɔŋ 7:52

Ŋɩɩ nɛ Farisii tɩmma-la pɩɛsʋ, “Ŋ ma ŋaa Galilii tɩɩna nɛɛ? Karɩmɛ Wɩa teniŋ, dɩ ŋ nɛ karɩma, ŋ jaŋ na arɩ Wɩa wʋlaabʋllʋ kala ha bɩ Galilii tinteeŋ lɩa.”

Tɩntɩŋŋaa 17:10

Taŋ sɩ bire, nɩalɩŋ sɩ laa Yesu wɩaa dii ŋaa Pɔɔl arɩ Saalas lɩɩ mʋ taŋ kʋbala baa yɩrɛ Biriya. Ba sɩ yi nɩmɛ, ba mʋ jʋʋ Juu tɩŋŋaa Wɩɩchʋɔlɛ dɩa.

Tɩntɩŋŋaa 17:14

Ŋɩɩ nɛ nɩalɩŋ sɩ laa Yesu wɩaa dii ŋaa Pɔɔl lɩɩ a mʋ mʋgʋ-balɩŋ niiŋ, ka Saalas arɩ Timoti bɩ mʋa aŋ hɛ Biriya lɛ.

JOSUA 20:7

Ŋɩɩ nɛ ba lɩɩsɛ Kɛdɛs sɩ hɛ Galilii tinteeŋ lɛ, a hɛ Nafɩtalɩ tintee-la peelee sɩ yʋga lɛ, a bɩra lɩɩsɛ Sɛkɛm ma sɩ hɛ Efirem tintee-la peelee sɩ yʋga lɛ arɩ Kɩrɩaf Aba (ʋ nɛ ha Hɛbʋrɔŋ) a hɛ Juda tintee-la peelee sɩ yʋga lɛ.

JOSUA 21:32

Nafɩtalɩ doho nɩaa ma tinteeŋ lɛ, ba pɩba Kɛdɛs sɩ hɛ Galilii tinteeŋ lɛ nɛ (ʋ ŋaa taŋ nʋʋ sɩ jaŋ fá mʋ yuori nɛ dɩ ʋ nɛ bɩ sɛnɛ aŋ kpʋ ʋ dɔŋɔ), arɩ Hamɔf Doo arɩ Kaataŋ. Ba ŋaa tasɩŋ batori nɛ arɩ lere-la ba pʋsʋŋ sɩ jaŋ didii.