Maak 3:5 - WƖA TENIŊ

⁵ Ŋɩɩ nɛ Yesu na baanɩŋ ba nyuŋ a gɩɛnɛba. Ʋ tʋɔŋ chei a tɩŋ ba dɩgɩlɩŋ-bɩnɩɩ wɩaa. Ŋɩɩ nɛ ʋ bʋla pɩ na-sʋʋ-la tɩɩna, “Kɛŋ ŋ nɩsɩŋ tɩɛnɛ.” Ʋ kaa tɩɛnɛ. Ʋ nɩsɩ-la fɩɛlɛ a nagɛ ʋ nagɩŋ.

Maak 3:5 ပူးပေါင်းရင်းမြစ်များ

WƖAA DƖ-SUOMUŊ 6:6

Ʋ tʋɔŋ chei arɩ ʋ sɩ ŋaa nuhuobiine ʋ hɛ dʋnɩa lɛ a ŋɩŋaa wʋbɔŋŋɔɔ. Wɩɩ-la wɩɩʋ woruŋ.

1 KUOROO 13:6

Ŋɩɩ nɛ kuoro bʋla pɩ Wɩa wʋlaabʋllʋ-la, “Mɩɩ sʋlʋŋ, sʋl ŋ Tɩɩna Wɩa pɩmɛ dɩ ʋ leŋ dɩ mɩ nɩsɩ-la fɩɛlɛ.” Wɩa wʋlaabʋllʋ-la sʋl La TƖƖNA pʋ, ʋ leŋ kuoro nɩsɩŋ fɩɛlɛ a nagɛ ŋɩɩ ʋ fa sɩ naga.

NƐHƖMAAYA 13:8

Mɩ tʋɔŋ fa chaasa chei nɛ woruŋ, mɩ paa Tobia kɩaa kala sɩ hɛ dɩa-la tʋɔŋ yuo ta.

WƖA YƖƖLAA 95:10

Mɩ na baanɩŋ jɩsɩŋ mahɩŋ balɩa nɛ ba nyuŋ a bʋl, “Nɩalɩŋ tʋɔbɩɩnaa kɛmba yeŋŋi nɛ, ba bɩ mɩ wombiee jɩŋ.”

Matiu 12:13

Ŋɩɩ nɛ ʋ bʋla pɩ nasʋʋ-la tɩɩna, “Kɛŋ ŋ nɩsɩŋ tɩɛnɛ.” Ʋ kaa tɩɛnɛ, ʋ fɩɛlɛ a nagɛ ʋ nɩsɩ-la dɔŋɔ.

Maak 3:4

Ŋɩɩ nɛ Yesu pɩɛsɛ nɩalɩŋ, “Ɛɛ nɛ wɩalɩŋ Mosis sɩ ŋmʋnsa bil dɩ la tuto dagɛ arɩ la ŋɩŋaa chɛ-wiesii-la chɛɛŋ? Dɩ la pɩpɛ nɩaa lɛ koo dɩ la dʋdɔgɩsɛba? Dɩ la laa nɩaa mɩɩsɩŋ tɩta koo dɩ la kpʋkpʋba?” Ʋ sɩ pɩɛsɛ ŋɩɩ, ba ŋaa fʋɩɩ.

Luuk 13:15

Ŋɩɩ nɛ La Tɩɩna bʋla pʋ, “Ma kanfugi tɩŋŋaa deemba, ma tʋɔŋ kʋbɛɛ nɛ bɩ ʋ nɛŋ koo ʋ kakumo puro kaa lɩɩ ʋ nyʋnyʋa lɩɩŋ chɛ-wiesii-la chɛɛŋ?

Luuk 17:14

Ŋɩɩ nɛ Yesu naba a bʋl, “Má kɛŋ ma tɩtɩa mʋ a dagɛ Wɩɩsʋllɩ sɩpaalaaraa.” Ŋɩɩ nɛ ba mʋ. Ba sɩɩ mʋ ŋɩɩ, ba duori.

Luuk 6:10

Yesu sɩ bʋl ŋɩɩ, ʋ beŋ nɩalɩŋ kala fa sɩ hɔŋ nɩmɛ golli aŋ bʋla pɩ nasʋʋ-la tɩɩna dɩ ʋ kɛŋ ʋ nɩsɩŋ tɩɛnɛ. Ʋ kaa tɩɛnɛ. Ʋ nɩsɩ-la bɩra kɛŋ doluŋ.

Jɔɔŋ 9:7

“Sii tuu fuo kʋbala baa yɩrɛ Sɩlʋam (yɩrɩŋ deeŋ bʋbʋɔŋ nɛ ŋaa ‘mɩ tɩmʋ nɛ’) a sɔŋ ŋ sɩaa.” Ŋɩɩ nɛ baal-la sii tuu sɔŋ ʋ sɩaa fuo-la lɛ. Ʋ sɩaa suri, ʋ mɩɩra mʋ dɩa.

Rom Tɩŋŋaa 11:25

Mɩ naambiiriŋ, wɩaa nɛ hɛ nɩmɛ Wɩa fa joŋo faama, mɩɩ chɛ dɩ ma jɩŋ. Wɩɩ-la jaŋ ŋaa dɩ ma sɩ́ bɩɩna bʋl arɩ ma kɛŋ wʋjɩmɩŋ a bibigisi ma tɩtɩa lɛ. Wɩɩ-la nɛ ŋ-la: Iziral tɩŋŋaa sɩ kɛŋ nyu-duo-la, ba bɩ jaŋ kɛnʋ wuu. Bʋa-la lɛ dɩ nɩalɩŋ sɩ bɩ Juu tɩŋŋaa ŋaa nɛ kʋ yʋgɛ a laa Wɩa wɩaa dii, Iziral tɩŋŋaa nyu-duo-la jaŋ dɛrɛ.

2 Kɔrɩntɩ Nɩaa 3:14

Ama Iziral tɩŋŋaa tʋɔbɩɩnaa fa tuo Wɩa wombiiŋ lɛ. Ŋɩɩ wɩaa arɩ jɩnɩŋ kala, dɩ ba nɛ karɩmɛ wɩalɩŋ Wɩa fa sɩ joŋo pɩ Mosis bumbuŋ-la dɩ nɩaa tuto, ba bɩ ba bʋbʋɔŋ jɩŋ. Ʋ naga arɩ kʋ-la Mosis fa sɩ joŋo tɔ ʋ sɩaa dɩ Iziral tɩŋŋaa sɩ́ ʋ sɩaa na, kʋ-la ha tɔ ba sɩaa nɛ dɩ ba sɩ́ Wɩa tʋla na. Ama Yesu Kirisito nɛ jaŋ wuo kɛŋ kʋ-la suri, dɩ ba wuo na Wɩa tʋla.

Ɛfɛsɩs Nɩaa 4:18

Birimiŋ tɔ ba wʋjɩmɩŋ nɛ. Ba bɩ jaŋ wuo na mɩɩsɩ-la Wɩa sɩ joŋo pɩ nɩaa, bɛɛ wɩaa ba bɩ wɩɩkala jɩŋ, ba dɩgɩlaa ma bɩ wɩaa ka nɩɩ.

Ɛfɛsɩs Nɩaa 4:26

Dɩ ma nɛ na baanɩŋ, má sɩ́ leŋe dɩ ma baaŋ-la leŋ dɩ ma ŋaa wʋbɔŋ. Má sɩ́ baanɩŋ na ŋɩɩ dɩ wɩa tuu jʋʋ.

Ɛfɛsɩs Nɩaa 4:30

Má sɩ́ leŋe dɩ Wɩa Dɩŋ-zɔmʋŋ tʋɔŋ chei. Ʋ nɛ Wɩa joŋo hɛ ma lɛ, ʋ ŋaa magɩlɩŋ ma lɛ a dagɛ arɩ Wɩa jaŋ laama ta tapʋlɩɩ-la Kirisito sɩ́ jaŋ mɩɩra kɔ.

Hiburu TƖŊŊAA 3:10

Ŋɩɩ nɛ tɩɩ mɩ baanɩŋ sii nɩaa deemba kala nyuŋ, mɩ bʋl, ‘Ba tʋɔbɩɩnaa yie ŋaa ba yeŋŋi nɛ, ba bɩ mɩ wombiiŋ jɩŋ.’

Hiburu TƖŊŊAA 3:17

Kʋbɛɛba nyuŋ nɛ Wɩa fa na baanɩŋ jɩsɩŋ mahɩŋ balɩa ŋɩɩ? Ba nɛ nɩalɩŋ fa sɩ ŋaa wʋbɔŋŋɔɔ Wɩa leŋ ba sʋʋ tintee-hɩlɩŋ lɛ ŋɩɩ.

Hiburu TƖŊŊAA 5:9

Ʋ sɩ to Wɩa niiŋ kala dɛrɛ, ʋ kʋ ŋaa nɩalɩŋ kala ma sɩɩ to ʋ niiŋ sɩpaalaara, a laaba ta a kaa mʋ deeŋ deeŋ.

Jɔɔŋ Wʋnaalaa 6:16

Ŋɩɩ nɛ ba yɩyɩrɛ peele-la arɩ bʋsʋ-la a bʋl, “Má tele tɔla dɩ Pie-bie-la arɩ Nɩɩ-la sɩ hɔŋ kuoru kpasa-la nyuŋ sɩ́ la na, dɩ baaŋ-la Pie-bie-la sɩ na la nyuŋ sɩ́ la yi.

SƖPAALAARAA 10:16

Ŋɩɩ nɛ ba joŋ vesi-la sɩ hɛ ba teeŋ ta, aŋ tuto La TƖƖNA. Ʋ chaasa fá ba nenige. Ʋ bɩra bɩ leŋe ba na hɛɛŋ.

1 SAMƲƐL 20:34

Jonataŋ chaasa na baanɩŋ, a sii kʋdiile-la nyuŋ. Ʋ bɩ kʋŋkala die chɛ-lɩa-la, bɛɛ wɩaa ʋ tʋɔŋ fa chaasa chei ʋ nyɩmma nyuŋ nɛ woruŋ, a tɩŋ hɩɩsɛ wɩalɩŋ ʋ sɩɩ ŋaa Devit lɛ.