Maak 3:3 - WƖA TENIŊ

³ Ŋɩɩ nɛ Yesu bʋl na-sʋʋ-la tɩɩna lɛ, “Sii kʋ chɩŋ nɩalɩŋ kala sɩpaaŋ.” Ʋ sii mʋ.

Maak 3:3 ပူးပေါင်းရင်းမြစ်များ

AZAAYA 42:4

Ʋ bɩ jaŋ kɔ dɩ ʋ lɔlɔ koo dɩ ʋ nandaasɩŋ yʋɔrɛ, see dɩ ʋ leŋe wʋtɩtɩɩ chɩŋ tinteeŋ lɛ kpaŋkpaŋ. Ʋ wʋdagaa lɛ nɛ tinteye-la kala lɩɩŋ sɩ gollo chu nɩaa jaŋ joŋ ba yɩɛlaa hɛ.”

DANƖƐL 6:10

Danɩɛl sɩ nɩa dɩ ba tɔ boŋ-la nɛ a ŋmʋnsa bil nʋʋkala jɩŋ, ʋ mɩɩra mʋ dɩa a jɩl ʋ lusuŋ nyuŋ dɩa, lee-la tokoroba sɩ suroo chaasɛ Jerusalɛm dɩɩrɩŋ. Nɩmɛ nɛ ʋ yie kpirime chʋɔlɛ Wɩa naansɩɩŋ butori tapʋlɩɩ kala, a lɔllʋ arɩ ʋ fa sɩ vɛnɛɛ ŋaa ŋɩɩ.

Matiu 12:10

dɩ baal kʋbala nɛ ŋɩɩ, ʋ nɩsɩŋ sʋba nɛ. Nɩaa dɔnsʋŋ ma fa hɛ nɩmɛ a chɩchɛ wombiiŋ dɩ ba joŋ cheeriŋ a pɩ Yesu. Ŋɩɩ nɛ ba pɩɛsʋ, “Ʋ ŋaa wombiiŋ nɛ dɩ la vaarɛ nyanyal tɩŋŋaa chɛ-wiesii-la chɛɛŋ?”

Maak 3:2

Ba sɩ na Yesu dɩ ʋ jʋa, ba kala chaarɛ sɩaa a bibenu dɩ ba na arɩ ʋ jaŋ vaarɛ baal-la chɛ-wiesii-la chɛɛŋ. Baa chɛ dɩ ba na wɩɩ nɛ a to ŋɩɩ lɛ a kɛŋ Yesu a bʋl ʋ teeŋ dɩ ʋ chei ba kɩsɩŋ lɛ nɛ.

Maak 3:4

Ŋɩɩ nɛ Yesu pɩɛsɛ nɩalɩŋ, “Ɛɛ nɛ wɩalɩŋ Mosis sɩ ŋmʋnsa bil dɩ la tuto dagɛ arɩ la ŋɩŋaa chɛ-wiesii-la chɛɛŋ? Dɩ la pɩpɛ nɩaa lɛ koo dɩ la dʋdɔgɩsɛba? Dɩ la laa nɩaa mɩɩsɩŋ tɩta koo dɩ la kpʋkpʋba?” Ʋ sɩ pɩɛsɛ ŋɩɩ, ba ŋaa fʋɩɩ.

Luuk 6:8

Ama Yesu fa jɩŋ ba tʋɔbɩɩnaa kala nɛ. Ŋɩɩ nɛ ʋ bʋla pɩ nasʋʋ-la tɩɩna dɩ ʋ sii a kʋ chɩŋ ba tʋtʋɔbaanɩŋ. Baal-la sii mʋ chɩŋ nɩmɛ.

Jɔɔŋ 9:4

La sɩ na wombiiŋ, má leŋ dɩ la tɩŋ tɩntɩmɩɩ-la nɩɩ-la sɩ tɩmmɛ dɩ mɩ tɩŋ. Bʋa kʋbala jaŋ yi nʋʋkala bɩra bɩ jaŋ wuo tɩŋ tɩntɩmɩɩ-la.

1 Kɔrɩntɩ Nɩaa 15:58

Ŋɩɩ wɩaa mɩ naambiiriŋ, má chɩŋ wɩalɩŋ ma sɩ laa dii lɛ kpaŋ kpaŋ. Má sɩ́ leŋe dɩ kʋŋkala kɛmma begili. Má fɩɛsɛ sɩɩŋ a tɩŋ La Tɩɩna tɩntɩŋŋaa woruŋ. Ma jɩma arɩ Wɩa tɩntɩmɩɩ-la ma sɩɩ tɩŋ bɩ jaŋ kɔ dɩ ʋ ŋaa pɛɩ.

Galiisia Nɩaa 6:9

Ŋɩɩ wɩaa, má sɩ́ leŋe dɩ la lɔl wʋzɔŋŋɔɔ ŋaanɩŋ lɛ. Dɩ la nɛ ŋaa wʋzɔŋŋɔɔ a lɔl aŋ nyalɩmɛ, dɩ bʋa-la nɛ yie, Wɩa jaŋ tinla.

Fɩlɩpa Nɩaa 1:14

Mɩ sɩ hɛ dɩa-la lɛ pɛ la naambiiriŋ dɔnsʋŋ lɛ nɛ ba wasa chɩŋ La Tɩɩna Yesu wɩalɩŋ ba sɩ laa dii lɛ woruŋ, a kɛŋ nyuduoŋ a bʋbʋl Wɩa wɩaa, a bɩ fawʋllʋŋ ka fá.

1 Pɩɩta 4:1

A tɩŋ Kirisito tɩtɩa sɩ na hɛɛŋ ŋɩɩ, má kɛŋ ma tɩtɩa woruŋ dɩ ma na hɛɛ-la doho ʋ sɩ na, bɛɛ wɩaa nɩɩ-la kala sɩ na hɛɛŋ, ʋ leŋ wʋbɔŋŋɔɔ nɛ.