Maak 3:27 - WƖA TENIŊ

²⁷ Nʋʋ tuo sɩ jaŋ jʋʋ nɩduoŋ dɩa a gaa ʋ kɩaa see dɩ ʋ kɛŋ nɩduo-la vɔɔ bil aŋ-na jʋʋ paa ʋ kɩaa.”

Maak 3:27 ပူးပေါင်းရင်းမြစ်များ

WƖAA DƖ-SUOMUŊ 3:15

Mɩ jaŋ joŋ dʋndɔnnʋŋ hɛ ŋ dɩ haal-la pɛgɛ. Ŋ biiriŋ arɩ ʋ biiriŋ jaŋ ŋaa dʋndɔmɔ. Adam doho nʋʋ jaŋ ŋmoo ŋ nyuŋ yɛrɛ, ka dɩ ŋ ma ta ʋ naatilimiŋ lɛ.”

AZAAYA 27:1

Tapʋlɩɩ-la, La TƖƖNA jaŋ joŋ ʋ tokobii-duo-la sɩ kɛŋ niiŋ woruŋ a dɔgɩsɛ peribanyeŋŋu, aŋ kpʋ kʋkpuŋkpere-la sɩ yʋga a nagɛ dɩmɩŋ a hɛ mʋgʋ-balɩŋ lɛ.

AZAAYA 53:12

Ŋɩɩ wɩaa, mɩ jaŋ pʋʋ dɩhɔnʋŋ nɩbalaa tʋɔŋ, ʋ jaŋ laa yɩrɩŋ aŋ kɛŋ doluŋ ma. Bɛɛ wɩaa ʋ joŋ ʋ mɩɩsɩŋ ta nɛ a sʋʋ, a nagɛ ʋ ma ŋaa nɩbɔŋ nɛ. Ʋ nɛ laa nɩaa wʋbɔŋŋɔɔ kala chʋŋ a na hɛɛŋ, aŋ sʋl Wɩa dɩ ʋ joŋo chɛba.

AZAAYA 61:1

La TƖƖNA Wɩɩjarɩbakɔ Dɩma hɛ mɩ lɛ nɛ. Ʋ nɛ lɩɩsɛmɛ dɩ mɩ bʋl Wɩa wʋzɔmɔ-la a pɩ summoo. Ʋ tɩmmɛ nɛ dɩ mɩ leŋ dɩ nɩalɩŋ tʋɔŋ sɩ cheye kɛŋ tʋɔtɔrʋŋ, dɩ mɩ heele bʋla pɩ nɩalɩŋ ba sɩ yuo kɛsɛ, arɩ ba jaŋ jomba ta, aŋ chaarɛ nɩalɩŋ ma sɩ hɛ birimiŋ tʋɔŋ nɩtɔɔrɩ dɩa lɛ.

Matiu 12:29

Nʋʋ tuo sɩ jaŋ jʋʋ nɩduoŋ dɩa a gaa ʋ kɩaa, see dɩ ʋ kɛŋ nɩduo-la vɔɔ, aŋ-na jʋʋ paa ʋ kɩaa.

Jɔɔŋ 12:31

Bʋa-la lɛ Wɩa sɩ jaŋ dii dʋnɩa nɩaa sarɩya yie nɛ. Bʋa deeŋ lɛ nɛ ʋ ma jaŋ kiri Sɩtaanɩ ta, dʋnɩa nɩaa kuoro.

Rom Tɩŋŋaa 16:20

Dɩ ma nɩɩ ŋaa ŋɩɩ, Wɩa sɩ pɩ nɩaa fɩɛlɩŋ, bɩ jaŋ dieni, aŋ kɛŋ Sɩtaanɩ nyaga bil ma naasɩŋ bʋbʋɔŋ dɩ ma nʋɔsɛ. La Tɩɩna Yesu Kirisito jaŋ fá ma nenige a pɛ ma lɛ.

Koloosi Nɩaa 2:15

Ʋ laa kɩalɩŋ kala la sɩ bɩ na ka ba kɛŋ doluŋ a bibeŋ leriŋ doluŋ nɛ. Ʋ sɩ sʋʋ daagɛsɛ nyuŋ ŋɩɩ, ʋ yuo diiba nɛ a hɩɩsɛba nʋʋkala na.

Hiburu TƖŊŊAA 2:14

Biiri-la Wɩa sɩ joŋo pɩ Kirisito kɛŋ chalɩŋ arɩ yaraa nɛ. Ŋɩɩ tɩtɩa nɛ Kirisito ma bɩrɩmɛ nuhuobiiŋ a kɛŋ chalɩŋ arɩ yaraa dɩ ʋ sʋʋ a wuo yuo dii Sɩtaanɩ, nɩɩ-la sɩ kɛŋ sʋʋŋ doluŋ,

1 Jɔɔŋ 3:8

Ama nɩɩ-la kala ha sɩɩ ŋaa wʋbɔŋŋɔɔ, ʋ ŋaa Sɩtaanɩ nʋʋ nɛ. Sɩtaanɩ ŋaa wʋbɔŋŋɔɔ bumbuŋ kala nɛ a kaa kɔ arɩ jɩnɩŋ kala. Wɩɩ-la sɩ tɩɩ Wɩa Bie kɔ dʋnɩa nɛ ŋ-la: Ʋ kɔ dɩ ʋ chei Sɩtaanɩ tɩntɩŋŋaa nɛ.

1 Jɔɔŋ 4:4

Mɩ biiri, ma nɛ ŋaa nɩalɩŋ Wɩa sɩ tɩɩ. Ma nɛ lɛɛlɛ kɛŋ doluŋ a kɩɩ nɩalɩŋ sɩ nyɩɛ wɩaa arɩ ba ŋaa Wɩa wʋlaabʋlla nɛ, bɛɛ wɩaa Wɩa Dɩŋ-zɔmʋŋ sɩ hɛ ma lɛ nɛ kɛŋ doluŋ a kɩɩ dol-la dʋnɩa nɩaa sɩ kɛnɛ.