Maak 3:2 - WƖA TENIŊ

² Ba sɩ na Yesu dɩ ʋ jʋa, ba kala chaarɛ sɩaa a bibenu dɩ ba na arɩ ʋ jaŋ vaarɛ baal-la chɛ-wiesii-la chɛɛŋ. Baa chɛ dɩ ba na wɩɩ nɛ a to ŋɩɩ lɛ a kɛŋ Yesu a bʋl ʋ teeŋ dɩ ʋ chei ba kɩsɩŋ lɛ nɛ.

Maak 3:2 ပူးပေါင်းရင်းမြစ်များ

WƖA YƖƖLAA 37:32

Nɩbɔŋŋɔɔ yie bɩbagɩlɛ tʋɔpʋl tɩŋŋaa nɛ, a chɩchɛ wombiiŋ dɩ ba kpʋba.

JƐRƖMAAYA 20:10

Mɩ nɩa dɩ nɩaa yʋga a munso bʋbʋl, “Fawʋllʋŋ hɛ lee-kala nɛ. Má wuoli ʋ bʋbʋɔŋ. Má leŋ la wuoli ʋ bʋbʋɔŋ.” Mɩ nandɔnsʋŋ kala nɩɩ gbɛrɛ dɩ mɩ tel a bʋbʋl, “Kapo la jaŋ wuo nyɩsʋ a yuo diiu a joŋ la baanɩŋ fɩɩsɛ ʋ lɛ.”

DANƖƐL 6:4

Ŋɩɩ nɛ nɩhɩasɩ-la arɩ sɩpaalaara-la tɩŋ ŋɩɩ wɩaa a wʋwalɩmɛ dɩ ba na dɩ Danɩɛl chei wɩɩ ʋ tɩntɩŋŋaa lɛ, ama ba bɩ wuo na wɩɩ. Ba bɩ ʋ wʋcheeli kala na, bɛɛ wɩaa ʋ fa kɛŋ wʋtɩtɩɩ, a bɩ nɩaa ka gɩrɩmɛ a kɛŋ sɩɩfɩɛsɩŋ ʋ tɩntɩŋŋaa lɛ.

Matiu 12:10

dɩ baal kʋbala nɛ ŋɩɩ, ʋ nɩsɩŋ sʋba nɛ. Nɩaa dɔnsʋŋ ma fa hɛ nɩmɛ a chɩchɛ wombiiŋ dɩ ba joŋ cheeriŋ a pɩ Yesu. Ŋɩɩ nɛ ba pɩɛsʋ, “Ʋ ŋaa wombiiŋ nɛ dɩ la vaarɛ nyanyal tɩŋŋaa chɛ-wiesii-la chɛɛŋ?”

Maak 3:3

Ŋɩɩ nɛ Yesu bʋl na-sʋʋ-la tɩɩna lɛ, “Sii kʋ chɩŋ nɩalɩŋ kala sɩpaaŋ.” Ʋ sii mʋ.

Luuk 14:1

Chɛ-wiesii-la chɛɛ kʋbala, Yesu mʋ dɩ ʋ dii kʋdiilee Farisii tɩŋŋaa kʋhɩaŋ kʋbala dɩa lɛ. Ŋɩɩ nɛ nɩaa faasa bibenu woruŋ.

Luuk 20:20

Ŋɩɩ nɛ ba bee chɩchɛ wombii-la ba sɩ jaŋ to a kɛnʋ. Ba joŋ moribiee kpal nɩaa ka dɩ ba fugi arɩ ba ŋaa nɩtɩtɩɩba nɛ, a magɩsɛ Yesu a pɩɛsʋ wɩaa dɩ ba na ʋ jaŋ bʋl wɩɩ chei, dɩ ba wuo to ŋɩɩ lɛ a kɛnʋ a kaa mʋ hɛ ba kuoru-balɩŋ nɩsɩŋ lɛ, dɩ ʋ ŋaaʋ ŋɩɩ kala ʋ sɩ cho.

Luuk 6:7

Wɩa teniŋ kerichiba arɩ Farisii tɩŋŋaa dɔnsʋŋ ma fa hɛ nɩmɛ. Baa chɛ dɩ ba na wɩɩ nɛ a to ŋɩɩ lɛ a kɛŋ Yesu, a bʋl dɩ ʋ chei ba kɩsɩŋ lɛ nɛ. Ba kala chaarɛ sɩaa bibenu dɩ ba na arɩ ʋ jaŋ vaarɛ baal-la chɛ-wiesii-la chɛɛŋ.

Jɔɔŋ 8:6

Ba bʋl ŋɩɩ dɩ ba ŋmoo Yesu fehe lɛ nɛ, a wuo na wombiiŋ a bʋl ʋ teeŋ. Ŋɩɩ nɛ Yesu kɛŋ ʋ nyuŋ chugili tinteeŋ aŋ kɛŋ ʋ neniiŋ tutuuri tinteeŋ.

Jɔɔŋ 9:16

Ŋɩɩ nɛ Farisii tɩŋŋaa dɔnsʋŋ bʋl, “Wɩa dee bɩ baala deeŋ tɩma, bɛɛ wɩaa ʋ bɩ la chɛ-wiesii-la kɩsɩŋ lɛ ka to.” Ŋɩɩ nɛ dɔnsʋŋ ma sɩ, “Ɛɛ nɛ nʋʋ sɩ ŋaa wʋbɔŋ ŋaarʋ jaŋ wuo ŋaa wʋmagɩlaa deemba?” Ŋɩɩ nɛ ba kpaa balɩa.