Maak 3:16 - WƖA TENIŊ

¹⁶ Nɩalɩŋ fii arɩ balɩa yɩraa nɛ ŋ-la: Saamɔŋ, Yesu nɛ hɛ Pɩɩta pʋ,

Maak 3:16 ပူးပေါင်းရင်းမြစ်များ

Maak 1:16

Yesu fa sɩ joŋ Galilii mʋgʋ-bal-la niiŋ vɩvɛŋ, ʋ na Saamɔŋ arɩ ʋ ŋaana Anduru. Ʋ naba dɩ ba faa yuo jóŋ nɛ, bɛɛ wɩaa ba ŋaa chenfil-kpʋʋraa nɛ.

Maak 3:15

Ʋ pɩba doluŋ ma dɩ ba wuo kikiri jɩnsɩŋ nɩaa lɛ.

Maak 3:17

Zebidi nanʋala Jeems arɩ ʋ naambie Jɔɔŋ. Yesu kɛmba kaa yɩrɛ Bʋanaajɩs (Yɩrɩ-la bʋbʋɔŋ nɛ duoŋ kpɩala).

Luuk 6:13

Taŋ sɩ pʋla, ʋ yɩrɛ ʋ harɩ-tooroo ba kɔ ʋ teeŋ. Ŋɩɩ nɛ ʋ lɩɩsɛ ba tʋɔŋ nɩaa fii arɩ balɩa a kɛŋ ba ma yɩyɩrɛ ʋ nanzɔɔba.

Jɔɔŋ 1:42

Ʋ kɛŋ Saamɔŋ kaa kɔ Yesu teeŋ. Ŋɩɩ nɛ Yesu benu aŋ bʋla pʋ, “Ŋ nɛ Jɔɔŋ bie Saamɔŋ. Ama lɛɛlɛ ba jaŋ yɩyɩrɩŋ Sefas.” Sefas arɩ Pɩɩta fa ŋaa yɩrɩ-bala nɛ, ʋ bʋbʋɔŋ nɛ bʋŋ.

Tɩntɩŋŋaa 1:13

Ba sɩ yi Jerusalɛm, ba mʋ jʋʋ lusuŋ nyuŋ dɩa-la ba sɩɩ jʋʋ Jerusalɛm lɛ. Pɩɩta, Jɔɔŋ, Jeems, Anduru, Fɩlɩp, Tɔmas, Batolomi, Matiu, arɩ Alɩfɩyas nanʋala Jeems, Saamɔŋ Zɛlɔt, arɩ Jeems nanʋala Judas, ba kala nɩɩ jʋʋ dɩ-bala.

1 Kɔrɩntɩ Nɩaa 1:12

Wɩɩ-la mɩ sɩ nɩa nɛ ŋ-la: Ma dɔŋɔ yie bʋl dɩ ʋʋ to Pɔɔl harɩŋ nɛ, ka dɔŋɔ ma sɩ dɩ ʋʋ to Apɔlɔs harɩŋ nɛ. Dɔŋɔ ma sɩ ʋʋ to Pɩɩta harɩŋ nɛ, ka dɔŋɔ ma sɩ ʋʋ to Kirisito harɩŋ nɛ.

1 Kɔrɩntɩ Nɩaa 3:22

Ma nɛ tɩɩ Pɔɔl, a tɩɩ Apɔlɔs, a tɩɩ Pɩɩta, a tɩɩ dʋnɩa, a tɩɩ mɩɩsɩŋ, a tɩɩ sʋʋŋ ma, a tɩɩ lɛɛlɛ arɩ maachie. Ma nɛ tɩɩ ba kala.

1 Kɔrɩntɩ Nɩaa 9:5

Ʋ bɩ wombiiŋ kɛnɛ dɩ la ma jaa haalaa sɩ laa Yesu wɩaa dii, dɩ ba to la harɩŋ a mʋmʋ lere-la la sɩɩ bʋl Wɩa wɩaa, koo? Wɩa nanzɔɔba dɔnsʋŋ arɩ La Tɩɩna Yesu ŋaanaa arɩ Pɩɩta ba sɩɩ yɩrɛ Kɩɩfas yie ŋaa ŋɩɩ nɛ.

2 Pɩɩta 1:1

Mɩ-na Saamɔŋ Pɩɩta nɛ ŋmʋnsɛ teniŋ deeŋ pɩpɩma. Mɩ ŋaa Yesu Kirisito tɩntɩnnʋ nɛ a ŋaa ʋ nanzɔɔ ma. Mɩ ŋmʋnsɛ teniŋ deeŋ pɩpɩ ma nɩalɩŋ ma sɩ laa Yesu Kirisito wɩaa dii arɩ la ma sɩ laa ʋ wɩaa dii ŋɩɩ. La dɩ ma kala ŋaa tʋɔpʋl tɩmma nɛ a tɩŋ Wɩa arɩ la Laataara Yesu Kirisito wɩaa.