Maak 2:16 - WƖA TENIŊ

¹⁶ Wɩa teniŋ kerichiba arɩ Farisii tɩŋŋaa naba a pɩɛsɛ Yesu harɩ-tooroo, “Bɛɛ nɛ tɩɩ Yesu arɩ wʋbɔŋ ŋaaraa arɩ lampoo laaraa kala hɔnɔ didii kɩaa?”

Maak 2:16 ပူးပေါင်းရင်းမြစ်များ

AZAAYA 65:5

Ba yie bʋl nɩaa lɛ, ‘Má sɩ́ la kʋ kpagɛ, la ŋaa nɩaa sɩ zɔmɔ nɛ kɩŋkɛŋ arɩ ma sɩ jaŋ digila.’ Mɩ bɩ jaŋ wuo sɛɩ pɩ nɩdosunuŋ deemba, ba wʋŋaalaa nagɛ nyʋɔsʋŋ sɩɩ jʋʋ mɩ mɩɩsɩŋ nɛ, a ŋaa nyiŋ sɩɩ dii tapʋl piliŋ.

Matiu 18:17

Ama dɩ ʋ nɛ vɩa dɩ ʋ jegile nɩɩ ma teeŋ, ŋ-na bʋl wɩɩ-la pɩ nɩalɩŋ kala sɩ laa Yesu wɩaa dii aa hilimi. Dɩ ʋ nɛ vɩa dɩ ʋ jegile nɩɩ ba ma teeŋ, dɔgɩsʋ arɩ ŋ bɩ ʋ jɩŋ a nagɛ nɩɩ-la sɩ bɩ Wɩa jɩŋ koo a nagɛ lampoo laara sɩ bɩ wʋtɩtɩɩ kɛnɛ.

Matiu 5:46

Dɩ ŋ nɛ cho nɩalɩŋ sɩ choŋ dʋndʋŋa, ŋ bɩ jaŋ kɛŋ time Wɩa-jaŋ lɛ. Lampoo lɩlaaraa ma paala ŋɩŋaa ŋɩɩ nɛ.

Matiu 9:11

Farisii tɩŋŋaa dɔnsʋŋ naba a pɩɛsɛ Yesu harɩ-tooroo, “Bɛɛ nɛ tɩɩ ma kʋhɩaŋ arɩ lampoo laaraa arɩ wʋbɔŋ ŋaaraa kala hɔnɔ didii kɩaa?”

Maak 2:15

Ŋɩɩ nɛ Yesu mʋ jʋʋ Levi dɩa, ʋ dɩ ʋ harɩ-tooroo kala, a hɔnɔ didii kɩaa. Lampoo laara-la dɔnsʋŋ arɩ wʋbɔŋ ŋaaraa ma kɔ, ba kala didii kɩalɩŋ. Ba fa yʋga woruŋ a tuto Yesu harɩŋ.

Maak 2:7

“Bɛɛ nɛ tɩɩ baala deeŋ bʋbʋl ŋɩɩ? Ʋʋ tʋʋsɛ Wɩa joŋŋoo nɛ. Kʋbɛɛ nɛ jaŋ wuo joŋ wʋbɔŋŋɔɔ chɛ nʋʋ, dɩ Wɩa dʋndʋŋa dee?”

Luuk 18:11

Farisii tɩɩna-la sii chɩŋ a bigisi ʋ tɩtɩa lɛ a chʋɔlɛ Wɩa a bʋl, ‘La Tɩɩna Wɩa, mɩɩ lɔllʋŋ arɩ mɩ sɩ bɩ nɩaa dɔnsʋŋ naga, nɩalɩŋ sɩ gɔllɔ kɛŋ nɩaa kɩaa lɩlaa, koo nɩalɩŋ sɩ bɩ wʋtɩtɩɩ kɛnɛ, koo nɩalɩŋ sɩ gɔllɔ chɩchɛ nɩaa haalaa. Mɩ bɩ lampoo laara deeŋ ma sɩ hɛ daha naga.

Luuk 19:10

bɛɛ wɩaa mɩ-na Nuhuobiine Bie kɔ dɩ mɩ chɛ a laa nɩalɩŋ sɩ lɛlɛ nɛ a ta.”

Luuk 19:7

Nɩalɩŋ kala sɩ hɛ nɩmɛ a na ŋɩɩ, ba suomo gʋgʋrɩmɛ wɩaa a bʋl, “Baala deeŋ mʋa dɩ ʋ chʋa wʋbɔŋ ŋaarʋ-la dɩa lɛ nɛ.”

Luuk 5:30

Ŋɩɩ nɛ Farisii tɩŋŋaa dɔnsʋŋ arɩ Wɩa teniŋ kerichiba arɩ ba nandɔnsʋŋ sii a pɩɛsɛ Yesu harɩ-tooroo, “Bɛɛ nɛ tɩɩ ma dɩ lampoo laaraa arɩ wʋbɔŋ ŋaaraa kala hɔnɔ didii kʋdiilee?”

Tɩntɩŋŋaa 23:9

Ŋɩɩ nɛ nɩalɩŋ sii a faasa ŋɩŋaa goŋ. Wɩa teniŋ kerichiba-la dɔnsʋŋ sɩ ŋaa Farisii tɩŋŋaa sii a faasa kɛŋ wɩalɩŋ lɩlɛrɛ a bʋl, “La bɩ na baala deeŋ sɩ ŋaa wɩɩ-la chei. Ʋ naga arɩ nɩdɩma nɛ koo Wɩa tɩndaara nɛ sɛnɛ bʋl wɩaa pʋpʋ.”

1 Kɔrɩntɩ Nɩaa 2:15

Nɩɩ-la sɩ kɛŋ Wɩa Dɩŋ-zɔŋ-la nɛ jaŋ wuo chagɩlɛ nʋʋkala a mʋ tɩgɛ wɩɩkala lɛ. Ama nɩɩ-la sɩ bɩ Wɩa Dɩŋ-zɔŋ-la kɛnɛ bɩ jaŋ wuo chagɩlɛ nɩɩ-la sɩ kɛŋ Wɩa Dɩŋ-zɔŋ-la.

Hiburu TƖŊŊAA 12:3

Má bee na ŋɩɩ Yesu sɩ na hɛɛŋ wʋbɔŋ ŋaaraa nɩsɩŋ lɛ, aŋ nyalɩma. Dɩ ma nɛ bɩɩnɛ ʋ wɩaa, ma nandaasɩŋ bɩ jaŋ yʋɔrɛ. Ma bɩ jaŋ joŋ wɩalɩŋ ma sɩ laa dii ta.