Maak 16:17 - WƖA TENIŊ

¹⁷ Wʋmagɩlaa deemba nɛ ma jaŋ wuo na a jɩŋ nɩalɩŋ sɩ laa mɩ wɩaa dii. Ba nɛ ŋ-la: Ba jaŋ wuo kikiri jɩŋ-bɔŋŋɔɔ mɩ yɩrɩŋ lɛ. Ba jaŋ wuo bʋbʋl yikori dosunuŋ.

Maak 16:17 ပူးပေါင်းရင်းမြစ်များ

Maak 9:38

Ŋɩɩ nɛ Jɔɔŋ bʋla pɩ Yesu, “La Kʋhɩaŋ, la na baal kʋbala dɩ ʋʋ kiri jɩŋ-bɔŋŋɔɔ nɩaa lɛ ŋ yɩrɩŋ lɛ. La kiru dɩ ʋ sɩ́ ŋɩɩ ŋaa, bɛɛ wɩaa ʋ bɩ la dɔŋɔ ŋaa.”

Luuk 10:17

Ŋɩɩ nɛ Yesu nanzɔɔba-la mahɩŋ batori arɩ fii-la mɩɩra kɔ Yesu teeŋ. Ba tʋɔŋ tɔrɛ kɩŋkɛŋ ba bʋla pɩ Yesu, “La Tɩɩna, dɩ la nɛ yɩrɛ ŋ yɩrɩŋ, jɩŋ-bɔŋŋɔɔ ma yie paala to la niiŋ nɛ.”

Jɔɔŋ 14:12

Wʋtɩtɩɩ nɛ mɩ bʋlaa pɩma, nɩɩ-la kala sɩ laa mɩ wɩaa dii, ʋ jaŋ wuo ŋɩŋaa wɩalɩŋ mɩ sɩɩ ŋaa. Ʋ jaŋ paala wuo ŋaa kɩɩ wɩalɩŋ mɩ sɩɩ ŋaa, bɛɛ wɩaa mɩ jaŋ mɩɩra mʋ mɩ Nyɩmma teeŋ.

Tɩntɩŋŋaa 10:46

Ba nɩa arɩ baa bʋl wɩaa yikori wogusuŋ lɛ ba sɩ bɩ jɩŋ a dɩdɛnnɛ Wɩa. Ŋɩɩ nɛ Pɩɩta bʋl,

Tɩntɩŋŋaa 16:18

Ʋ fa vɛnɛɛ ŋaa wɩɩŋ deeŋ a dieni nɛ. Tapʋlɩɩ kʋbala Pɔɔl baanɩŋ sii, ʋ mɩɩra bɩrɩma chaasɛ tolo-la, aŋ bʋla pɩ jɩma-la, “Yesu Kirisito yɩrɩŋ lɛ mɩ sɩ, ŋŋ lɩɩ aŋ leŋ tolo-la.” Jɩma-la guu lɩɩ tolo-la lɛ.

Tɩntɩŋŋaa 19:6

Ŋɩɩ nɛ Pɔɔl joŋ ʋ nɩsaa daŋ ba lɛ. Ʋ sɩ ŋaa ŋɩɩ, Wɩa Dɩŋ-zɔmʋŋ kʋ tuu hɛ ba lɛ. Ba suomo bʋbʋl yikori wogusuŋ ba sɩ bɩ jɩŋ, a bʋl Wɩa wɩaa Wɩa Dɩŋ-zɔmʋŋ doluŋ lɛ ma.

Tɩntɩŋŋaa 2:33

Wɩa chɩsʋ ʋ sii jɩla hɔŋ Wɩa nadiiŋ, nɩduoŋ dɩhɔnʋŋ, a bɩra pʋ ʋ Dɩŋ-zɔmʋŋ arɩ ʋ fa sɩ bʋl ŋɩɩ. Dɩŋ-zɔmʋŋ deeŋ Yesu sɩ joŋo hɛ la lɛ jɩnɩŋ, ʋ nɛ wɩalɩŋ ma sɩɩ na a nɩnɩɩ ma.

Tɩntɩŋŋaa 5:16

Nɩaa ma yʋga a lɩɩ tabiisi-la sɩ kpagɛ Jerusalɛm, a kɛŋ puwuoloo arɩ nɩalɩŋ jɩŋ-bɔŋŋɔɔ sɩ kɛnɛ a kaa kɔ ʋ teeŋ, ba kala duori.

Tɩntɩŋŋaa 8:7

Fɩlɩp sɩ bʋl wɩaa ŋɩɩ, jɩŋ-bɔŋŋɔɔ fa kɛŋ nɩaa a yʋgɛ, ba lemba. Dɩ ba nɛ lemba, ba yie lɩɩ a faasa yiyel. Nɩaa ma yʋga a gbɛrɩgɛ, dɔnsʋŋ kɛŋ naasʋʋnʋŋ arɩ na-sʋʋnʋŋ, ba ma kala duori.

1 Kɔrɩntɩ Nɩaa 12:10

ka dɔŋɔ ma kɛŋ doluŋ a kaa ŋaa wʋkpuŋkperisiŋ, ka dɔŋɔ ma kɛŋ doluŋ a wuo bʋbʋl Wɩa wɩaa, ka dɔŋɔ ma bɩra kɛŋ wʋjɩmɩŋ ʋ yie jɩŋ dɩnsɩ-la sɩ lɩɩ Wɩa teeŋ arɩ dɩnsɩ-la sɩ bɩ ʋ teeŋ lɩa pɛgɛ. Wɩa Dɩŋ-zɔmʋŋ yie pɩ nʋʋ dɔŋ ma doluŋ ʋ wuo bʋbʋl wɩaa, yikoro-la Wɩa Dɩŋ-zɔmʋŋ sɩ pɛ nɩaa lɛ ba bʋbʋl, ka ʋ pɩ dɔŋɔ ma wʋjɩmɩŋ ʋ wuo dagɛ wɩalɩŋ ba sɩ bʋla bʋbʋɔŋ.

1 Kɔrɩntɩ Nɩaa 12:28

Ŋɩɩ nɛ tɩɩ nɩalɩŋ sɩ laa Yesu wɩaa dii aa hilimi tʋɔŋ, Wɩa joŋ ma kala hɛ leree nɛ, nɩalɩŋ sɩ laa sɩpaaŋ nɛ Wɩa nanzɔɔba, nɩalɩŋ sɩ tɩgɛ ba lɛ nɛ ŋaa Wɩa wʋlaabʋllaa, nɩalɩŋ sɩɩ to nɛ ŋaa nɩalɩŋ sɩɩ dagɛ Wɩa wɩaa, arɩ nɩalɩŋ ma sɩɩ ŋaa wʋmagɩlaa arɩ nɩalɩŋ ma Wɩa Dɩŋ-zɔmʋŋ sɩ joŋ doluŋ pa ba vɩvaarɛ nɩaa, arɩ nɩalɩŋ sɩɩ pɛ nɩaa lɛ, arɩ nɩalɩŋ sɩɩ beŋ nɩaa, arɩ nɩalɩŋ sɩɩ bʋl wɩaa yikoro-la Wɩa Dɩŋ-zɔŋ-la sɩ pɛ ba lɛ ba bʋbʋl.

1 Kɔrɩntɩ Nɩaa 12:30

Ba kala dee bɩ doluŋ kɛnɛ dɩ ba vɩvaarɛ nɩaa. Ba kala dee bɩ yie bʋbʋl wɩaa yikori-yiriba-la, Wɩa Dɩŋ-zɔmʋŋ sɩ pɛ nɩaa lɛ ba bʋbʋl lɛ. Ba kala dee bɩ wɩalɩŋ Wɩa Dɩŋ-zɔmʋŋ sɩ bʋla bʋbʋɔŋ ka dagɛ.

1 Kɔrɩntɩ Nɩaa 13:1

Dɩ mɩ nɛ wuo bʋbʋl yikoro-na kala a wuo bʋbʋl Wɩa tɩndaaraa ma yikoro, aŋ bɩ nɩaa cho, ʋ nagɛ bimbelimiŋ nɛ mɩ ŋmuŋmoo ŋɩɩ a ŋɩŋaa goŋ pɛɩ.

1 Kɔrɩntɩ Nɩaa 14:2

Dɩ nʋʋ nɩɩ bʋl wɩaa yikoro-la Wɩa Dɩŋ-zɔmʋŋ sɩ pɛ nɩaa lɛ ba bʋbʋl, ʋ tɩɩna bʋl wɩalɩŋ a pɩpɩ Wɩa nɛ, nuhuobiine dee. Ʋ sɩɩ bʋl yikoro-la nʋʋkala bɩ nɩɩ, ama Wɩa Dɩŋ-zɔŋ-la sɩ hɛ ʋ lɛ nɛ tɩɩ ʋ wuo bʋbʋl wʋkpuŋkperisiŋ deemba.