Maak 16:16 - WƖA TENIŊ

¹⁶ Nɩɩ-la kala sɩ laa mɩ wɩaa dii a leŋ ba fou Wɩɩchʋɔlɛ lɩɩŋ, Wɩa jaŋ laaʋ ta, ama nɩɩ-la kala sɩ bɩ mɩ wɩaa laa dii, Wɩa jaŋ joŋ cheeriŋ pʋ.

Maak 16:16 ပူးပေါင်းရင်းမြစ်များ

Matiu 28:19

Má saa mʋ dʋnɩa sɛmɛ-na kala a bʋl mɩ wɩaa pɩ nɩaa a leŋ dɩ ba ŋaa mɩ harɩ-tooroo a foba Wɩɩchʋɔlɛ lɩɩŋ mɩ Nyɩmma arɩ mɩ-na ʋ Bie arɩ ʋ Dɩŋ-zɔmʋŋ yɩrɩŋ lɛ.

Maak 1:15

a bʋl, “Bʋa-la yie nɛ. Wɩa kuorii-la kpaga nɛ. Má bɩrɩma lɩɩ ma wʋbɔŋŋɔɔ lɛ a laa Wɩa wʋzɔmɔ-la dii.”

Luuk 8:12

Kɩalɩŋ sɩ tel wombiiŋ tʋɔŋ nɛ ŋaa nɩalɩŋ sɩ yie nɩɩ Wɩa niiŋ wɩalɩŋ, ka Sɩtaanɩ kʋ liiri wɩalɩŋ ba tʋɔŋ, dɩ ba sɩ́ wɩalɩŋ laa dii dɩ Wɩa laaba ta.

Jɔɔŋ 20:31

Ama mɩ ŋmʋnsɛ wɩaa deemba dɩ ma wuo laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa aŋ pɛ ŋaa Wɩa Bie ma. Dɩ ma nɛ laa wɩaa deemba dii, ma jaŋ kɛŋ mɩɩsɩŋ ʋ yɩrɩŋ lɛ.

Jɔɔŋ 3:36

Nɩɩ-la kala sɩ laa mɩ-na Wɩa Bie wɩaa dii, ʋ kɛŋ mɩɩsɩ-la sɩ bɩ dɛrɛ, ama nɩɩ-la kala sɩ bɩ mɩ-na Wɩa Bie wɩalɩŋ ka to, ʋ bɩ jaŋ kɔ dɩ ʋ kɛŋ mɩɩsɩ-la sɩ bɩ dɛrɛ, ama Wɩa jaŋ na baanɩŋ ʋ tɩɩna nyuŋ a kaa mʋ wuu.

Jɔɔŋ 3:5

Yesu bʋl, “Wʋtɩtɩɩ nɛ mɩ bʋlaa pɩŋ, nʋʋkala bɩ jaŋ wuo jʋʋ Wɩa kuorii-la tʋɔŋ, see dɩ Wɩa joŋ ʋ Dɩŋ-zɔmʋŋ hɛ tɩɩna lɛ, dɩ tɩɩna ma pɛ fo Wɩɩchʋɔlɛ lɩɩŋ.

Jɔɔŋ 5:24

Wʋtɩtɩɩ nɛ mɩ bʋla pɩpɩma, nɩɩ-la kala sɩ jegile nɩɩ mɩ niiŋ wɩaa a laa nɩɩ-la ma sɩ tɩmmɛ wɩaa dii, ʋ jaŋ kɛŋ mɩɩsɩ-la sɩ bɩ dɛrɛ. Sarɩya bɩ jaŋ dii tɩɩna, ʋ lɩɩ sʋʋŋ bʋa lɛ nɛ a kɛŋ mɩɩsɩŋ.

Jɔɔŋ 6:29

Ʋ bʋl, “Tɩntɩmɩɩ-la Wɩa sɩ cho dɩ maa tɩŋ nɛ ŋ-la: Má laa mɩ-na nɩɩ-la ʋ sɩ tɩma wɩaa dii.”

Jɔɔŋ 6:35

Ŋɩɩ nɛ Yesu bʋla pɩba, “Mɩ nɛ ŋaa kʋdiile-la sɩɩ pɩ nɩaa mɩɩsɩŋ. Nɩɩ-la kala sɩ kɔ mɩ teeŋ, losuŋ bɩra bɩ jaŋ kɛnʋ. Nɩɩ-la ma sɩ laa mɩ wɩaa dii, lɩɩnyʋasʋŋ bɩra bɩ jaŋ kɛnʋ.

Jɔɔŋ 6:40

Wɩalɩŋ mɩ Nyɩmma sɩɩ chɛ nɛ ŋ-la: Dɩ nʋʋ na-kala sɩ na mɩ-na ʋ Bie a laa mɩ wɩaa dii, dɩ ʋ kɛŋ mɩɩsɩ-la sɩ bɩ dɛrɛ. Dʋnɩa dɩdɛrɩŋ ma, mɩ jaŋ chɩsʋ sʋʋŋ lɛ dɩ ʋ kɛŋ mɩɩsɩŋ.”

Jɔɔŋ 8:24

Mɩ laa sɩpaaŋ bʋla pɩma arɩ ma jaŋ sʋʋ arɩ ma wʋbɔŋŋɔɔ, dɩ ma nɛ bɩ laa dii arɩ mɩ nɛ ŋaa nɩɩ-la mɩ sɩ sɩ mɩ ŋaa.”

Tɩntɩŋŋaa 10:43

Ʋ wɩaa nɛ Wɩa wʋlaabʋllaa fa bʋl ŋɩɩ. Ba sɩ nʋʋkala sɩ laa ʋ wɩaa dii, Wɩa jaŋ joŋ tɩɩna wʋbɔŋŋɔɔ chɛʋ ʋ yɩrɩŋ lɛ.”

Tɩntɩŋŋaa 13:39

Nʋʋkala sɩ laa ʋ wɩaa dii, ʋ laa ʋ wʋbɔŋŋɔɔ kala ta nɛ, wʋbɔmɔ-la kala wɩalɩŋ Mosis fa sɩ ŋmʋnsa bil dɩ nɩaa tuto sɩ bɩ wuo laa ta.

Tɩntɩŋŋaa 13:46

Ŋɩɩ nɛ Pɔɔl arɩ Banabas bʋl wɩaa arɩ nyuduoŋ a bʋl, “Ʋ fa maga dɩ la laa sɩpaaŋ bʋl Wɩa niiŋ wɩaa pɩ ma Juu tɩŋŋaa nɛ, ka ma vɩaba ta aŋ bɩɩnɛ ma bɩ maga dɩ ma kɛŋ mɩɩsɩ-la sɩ bɩ dɛrɛ. La jaŋ lemma aŋ mʋ nɩalɩŋ sɩ bɩ Juu tɩŋŋaa ŋaa teeŋ.

Tɩntɩŋŋaa 2:38

Ŋɩɩ nɛ Pɩɩta bʋla pɩba, “Má bɩrɩma lɩɩ ma wʋbɔŋŋɔɔ lɛ, aŋ leŋ dɩ ba foma Wɩɩchʋɔlɛ lɩɩŋ Yesu Kirisito yɩrɩŋ lɛ, dɩ Wɩa joŋ ma wʋbɔŋŋɔɔ chɛma, aŋ joŋ ʋ Dɩŋ-zɔmʋŋ dii zile ma lɛ.

Tɩntɩŋŋaa 2:41

Ba tʋɔŋ nɩaa yʋga a laa wɩalɩŋ ʋ sɩ bʋla dii, ba foba Wɩɩchʋɔlɛ lɩɩŋ. Tapʋlɩɩ-la nɩaa yi bʋɩ batori a kʋ pɛ nɩalɩŋ sɩ laa Yesu wɩaa dii lɛ.

Tɩntɩŋŋaa 22:16

Bɛɛ nɛ saa tɩɩ ŋ hɔnɔ dieni? Sii mʋ a leŋ dɩ ba foŋ Wɩɩchʋɔlɛ lɩɩŋ a chɛsɛ ŋ wʋbɔŋŋɔɔ ta Yesu yɩrɩŋ lɛ.’

Rom Tɩŋŋaa 3:6

Ŋɩɩ dee. Dɩ Wɩa nɛ fa bɩ wʋtɩtɩɩ kɛnɛ, ɛɛ nɛ ʋ fa jaŋ wuo dii dʋnɩa nɩaa sarɩya?

Rom Tɩŋŋaa 4:24

Ba ŋmʋnsɛ ŋɩɩ la ma wɩaa nɛ, la nɩalɩŋ sɩ laa dii arɩ Wɩa chɩsɛ La Tɩɩna Yesu sʋʋŋ lɛ. Ʋ jaŋ leŋ dɩ la ma kɛŋ tʋɔpʋla ʋ sɩpaaŋ,

2 Tɛsalonaaka Nɩaa 1:8

Ʋ sɩ jaŋ kɔ, ʋ jaŋ nagɛ nyiŋgeliŋ a dɔgɩsɛ nɩalɩŋ sɩ bɩ Wɩa jɩŋ arɩ nɩalɩŋ sɩ bɩ La Tɩɩna Yesu wʋzɔmɔ-la ka to.

2 Tɛsalonaaka Nɩaa 2:12

Ŋɩɩ wɩaa nɩɩ-la kala sɩ bɩ wʋtɩtɩɩ-la cho aŋ cho wʋbɔŋŋɔɔ, Wɩa jaŋ dii ʋ sarɩya a joŋ cheeriŋ pʋ.

1 Pɩɩta 1:21

Ma to ʋ lɛ nɛ a laa Wɩa wɩaa dii. Ʋ nɛ chɩsɛ Yesu sʋʋŋ lɛ a pʋ yɩrɩŋ. Ŋɩɩ wɩaa ma laa diiniŋ arɩ ma yɩɛlaa kala hɛ Wɩa lɛ nɛ.

1 Pɩɩta 3:21

Lɩɩ-la tʋɔŋ ba sɩ duoro lɩɩ naga ba sɩ fo nɩaa Wɩɩchʋɔlɛ lɩɩŋ nɛ. Dɩ ba nɛ foŋ Wɩɩchʋɔlɛ lɩɩŋ, ʋ bɩ naga arɩ ŋ yaraa disiniŋ nɛ ba fo ta. Ama la yie ŋaa ŋɩɩ a dɩdagɛ arɩ la tʋɔbɩɩnaa chesi nɛ Wɩa sɩpaaŋ. Ʋ ŋɩɩ yie laala ta nɛ a tɩŋ Yesu Kirisito sɩ sii sʋʋŋ lɛ wɩaa.

Jɔɔŋ Wʋnaalaa 20:15

Dɩ nʋʋkala yɩrɩŋ nɛ tuo mɩɩsɩŋ teŋ-la tʋɔŋ, ba yie joŋu yuo hɛ nyiŋ-bal-la tʋɔŋ nɛ.

Jɔɔŋ Wʋnaalaa 21:8

Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”