Maak 15:32 - WƖA TENIŊ

³² Ʋ sɩ sɩ ʋ nɛ ŋaa Kirisito, Juu tɩŋŋaa kuoro, leŋ dɩ ʋ lɩɩ daa-la nyuŋ kʋ tuu dɩ la na a laa ʋ wɩaa dii.” Nɩalɩŋ balɩa ma ba sɩ kpaasa a pɛ Kirisito lɛ, ba ma tʋʋsʋ.

Maak 15:32 ပူးပေါင်းရင်းမြစ်များ

AZAAYA 44:6

La TƖƖNA doluŋ kala Tɩɩna sɩ ŋaa Iziral tɩŋŋaa kuoro arɩ ba Laataara sɩ, “Mɩ nɛ dɩ-suomuŋ arɩ dɩ-dɛrɩŋ, Wɩa dɔŋ kala tuo a pɛ mɩ lɛ.

ZEFANAAYA 3:15

La TƖƖNA leŋ ma dɔgʋsʋŋ nɛ, ʋ kiri ma dʋndɔŋŋɔɔ ba mɩɩrɛ nɛ. La TƖƖNA, Iziral tɩŋŋaa Kuoru-balɩŋ hɛ ma teeŋ nɛ, ma bɩra bɩ jaŋ fɩfá wʋwalɩmɩɩ kala.

ZƐKARƖYA 9:9

Zaayɔŋ nɩaa, má faasa jʋɔsɛ. Jerusalɛm nɩaa, má ŋaa goŋ. Ma kuoro ka kɔ ma teeŋ nɛ. Ʋ kɛŋ tʋɔpʋla nɛ a laa nɩaa tɩta, ʋ kɛŋ ʋ tɩtɩa muuri nɛ a jɩl kakumo, a sagɛ kaku-pɔrʋŋ nyuŋ.

Matiu 1:17

A suomi Abɩraham sɩ hɛ ʋ mɩɩsɩŋ lɛ a kaa kʋkɔ Devit sɩ hɛ ʋ mɩɩsɩŋ lɛ, ʋ dɩ ʋ nihi-lɩɛrɛba kala fa ŋaa fii arɩ banɛsɛ nɛ. Devit sɩ hɛ ʋ mɩɩsɩŋ lɛ a kaa kʋkɔ bʋa-la lɛ ba fa sɩ kɛsɛ Iziral tɩŋŋaa kaa mʋ Babɩlɔŋ, Devit nihi-lɩɛrɛba kala ma fa ŋaa fii arɩ banɛsɛ nɛ, a bɩra chɩŋ bʋa-la lɛ ba sɩ kɛsɛ Iziral tɩŋŋaa kaa mʋ Babɩlɔŋ a kaa kʋkɔ bʋa-la lɛ ba sɩ lʋl Kirisito, nɩalɩŋ ba sɩ kɛsɛ kaa mʋ Babɩlɔŋ nihi-lɩɛrɛba ma fa ŋaa fii arɩ banɛsɛ nɛ.

Matiu 27:42

“Ʋ wuo nɩaa laa tɩta nɛ aŋ bɩ ʋ tɩtɩa wuo laa ta. Ʋ sɩ sɩ ʋ nɛ ŋaa Kirisito, Juu tɩŋŋaa kuoro, leŋ dɩ ʋ lɩɩ daagɛsɛ-la nyuŋ kʋ tuu dɩ la na a laa ʋ wɩaa dii.

Matiu 27:44

Gaara-la balɩa ma ba sɩ kpaasa a pɛ Yesu lɛ, ba ma tʋʋsʋ ŋɩɩ tɩtɩa.

Maak 15:26

Ba sɩ sɩ Yesu ŋaa wɩalɩŋ chei, ba ŋmʋnsa mɛrɛ daagɛsɛ-la lɛ a bʋl, “JUU TƖŊŊAA KUORO NƐ Ŋ-LA.”

Maak 15:27

Gaaraa balɩa ma nɛ ba fa kpaasɛ a pɛ Yesu lɛ. Dɔŋɔ hɛ Yesu nadiiŋ, dɔŋɔ ma hɛ ʋ nagʋa. [

Jɔɔŋ 1:49

Ŋɩɩ nɛ Natanɩal bʋla pʋ, “Kʋhɩaŋ, ŋ nɛ ŋaa Wɩa Bie. Ŋ nɛ ŋaa Iziral tɩŋŋaa kuoro ma.”

Jɔɔŋ 12:13

Ŋɩɩ nɛ ba kala kaarɛ abɛ pɩpaarɩŋ a kaa mʋ dɩ ba chemu, a faasa ŋaa goŋ a bʋbʋl, “Tabarɩkala. Wɩa jaŋ pɛ nɩɩ-la sɩɩ kɔ La Tɩɩna Wɩa doluŋ lɛ. Ʋ nɛ ŋaa la Iziral tɩŋŋaa kuoro.”

Rom Tɩŋŋaa 3:3

Ka dɩ Juu tɩŋŋaa dɔnsʋŋ nɛ bɩ Wɩa niiŋ wɩalɩŋ laa dii, ʋ jaŋ wuo leŋ dɩ Wɩa sɩ́ wʋtɩtɩɩ kɛŋ koo?

2 Timoti 2:18

Ba leŋ wʋtɩtɩɩ wombii-la nɛ aŋ bʋl arɩ bʋa-la lɛ nɩaa sɩ jaŋ sʋʋ aŋ sii sʋʋŋ lɛ paala kieli nɛ. Ba sɩ dagɛ ŋɩɩ ŋaa nɩalɩŋ dɔnsʋŋ sɩ laa Yesu wɩaa dii joŋ wɩalɩŋ ba sɩ laa dii ta nɛ.