Maak 15:14 - WƖA TENIŊ

¹⁴ Ŋɩɩ nɛ Paalɩt pɩɛsɛba, “Wʋbɔŋ bɛɛ nɛ ʋ ŋaa?” Ŋɩɩ nɛ ba faasa kpɩa a kɩɩ bumbuŋ-la, “Leŋ dɩ ba kpaasʋ mɛrɛ daagɛsɛ nyuŋ.”

Maak 15:14 ပူးပေါင်းရင်းမြစ်များ

WƖA YƖƖLAA 69:4

Nɩalɩŋ sɩ bɛrɛmɛ, ka mɩ bɩ wɩɩ cheye, ba yʋga kɩɩ mɩ nyu-pʋnaa. Doluŋ nɛ mɩ dʋndɔŋŋɔɔ didii mɩ lɛ dɩ ba cheimi. Baa fʋgɛmɛ nɛ dɩ mɩ tiŋ kɩalɩŋ mɩ sɩ bɩ gaa.

AZAAYA 53:3

Nuhuobiinee vɩaʋ nɛ, bɛɛ wɩaa ba sɩɩŋ bɩ ʋ suo. Ʋ ŋaa nʋʋ sɩ kɛŋ tʋɔ-cheeŋ nɛ a mal hɛɛŋ. Nɩaa paala bɩ cho dɩ ba naʋ. Ba bɩ ʋ bene dɩ ʋ ŋaa kʋŋkala, la lɩɩsɛ la jɩa ta ʋ lɛ.

AZAAYA 53:9

Ʋ bɩ yuosu kala hɛ. Ʋ bɩra bɩ wɩaa ma nyɩɛ, ka ba kpʋʋ a hugu a nagɛ nɩbɔmʋŋ kɩaa tɩɩna bʋa lɛ.

Matiu 27:19

Paalɩt fa sɩ hɔŋ sarɩya dɩ-diiliŋ ŋɩɩ, ʋ haala tɩŋ ba bʋla pʋ, “Sɩ́ baala deeŋ wɩɩkala ŋaa. Ʋ ŋaa tʋɔpʋl tɩɩna nɛ. Dɩamɩŋ tɩtaŋɩŋ mɩ duosi duosi bɔŋ nɛ a tɩgɛ ʋ lɛ.”

Matiu 27:4

“Mɩ ŋaa wʋbɔŋ nɛ. Mɩ joŋ nɩɩ-la sɩ bɩ wɩɩ cheye yallɛ nɛ dɩ ba kpʋʋ.” Ŋɩɩ nɛ nɩalɩŋ bʋl, “La sɩpaa kala tuo, ŋ wɩɩ nɛ.”

Matiu 27:54

Laalɩyuoroo zɔlɔ kʋhɩaŋ arɩ laalɩyuoro-la fa sɩ chɩŋ nɩmɛ a bibeŋ Yesu a na tinteeŋ sɩ zigili ŋɩɩ arɩ wɩalɩŋ kala sɩ ŋaa, fawʋllʋŋ kɛmba. Ŋɩɩ nɛ ba bʋl, “Wʋtɩtɩɩ, baala deeŋ sɛnɛ ŋaa Wɩa Bii nɛ.”

Maak 15:13

Ŋɩɩ nɛ ba kala faasa kpɩa, “Leŋ dɩ ba kpaasʋ mɛrɛ daagɛsɛ nyuŋ.”

Maak 15:15

Paalɩt chɛ dɩ ʋ ŋaa dɩ nɩalɩŋ tʋɔŋ tɔrɛ. Ʋ lɩɩsɛ Barabas ta pɩba aŋ leŋ ba vɩɩrɛ Yesu aŋ kɛnʋ mʋ kpaasa daagɛsɛ nyuŋ.

Luuk 23:21

Ama ba faasa kpɩa goŋ a bʋl, “Má kpaasʋ daagɛsɛ nyuŋ, má kpaasʋ daagɛsɛ nyuŋ.”

Luuk 23:4

Ŋɩɩ nɛ Paalɩt bʋla pɩ Wɩɩsʋllɩ sɩpaalaaraa kʋhɩasɩŋ arɩ nɩ-daŋ-la kala sɩ hilime, “Mɩ bɩ wɩɩ-la baala deeŋ sɩ ŋaa chei na a magɛ dɩ ba kpʋʋ.”

Luuk 23:41

Ʋ maga dɩ ba ŋaa la-na ŋɩɩ nɛ, bɛɛ wɩaa la ŋaa wʋbɔŋ nɛ, aŋ ka ʋ-na bɩ wɩɩkala cheye.”

Luuk 23:47

Ŋɩɩ nɛ dɩ laalɩyuoroo zɔlɔ kʋhɩaŋ kʋbala fa chɩŋ nɩmɛ. Ʋ na wɩɩ-la sɩ ŋaa, a dɛnnɛ Wɩa a bʋl, “Wʋtɩtɩɩ, baala deeŋ fa ŋaa tʋɔpʋl tɩɩna nɛ, ʋ bɩ wɩɩkala cheye.”

Jɔɔŋ 18:38

Ŋɩɩ nɛ Paalɩt pɩɛsʋ, “Wʋtɩtɩɩ nɛ bɛɛ?” Ŋɩɩ nɛ Paalɩt mɩɩra lɩɩ dɩ-jalɩŋ Juu tɩmma-la teeŋ a bʋla pɩba, “Mɩ bɩ wɩɩ-la baala deeŋ sɩ cheye na.

Jɔɔŋ 19:6

Wɩɩsʋllɩ sɩpaalaaraa kʋhɩasɩŋ arɩ nɩalɩŋ sɩɩ pɔ Wɩa dɩɩ-balɩŋ sɩ naʋ, ba kpɩa goŋ a bʋl, “Leŋ dɩ ba kpaasʋ daagɛsɛ nyuŋ, leŋ dɩ ba kpaasʋ daagɛsɛ nyuŋ.” Ŋɩɩ nɛ Paalɩt bʋla pɩba, “Má tɩtɩa kɛnʋ kpaasɛ daagɛsɛ nyuŋ. Mɩ-na bɩ wɩɩ-la ʋ sɩ cheye na.”

Tɩntɩŋŋaa 13:28

Ba paala bɩ wɩɩkala na ʋ sɩ ŋaa chei a magɛ dɩ ba kpʋʋ, ka ba sʋl Paalɩt dɩ ʋ leŋ dɩ ba kpʋʋ.

Tɩntɩŋŋaa 19:34

Ba sɩ kʋ jɩŋ dɩ ʋ ŋaa Juu tɩɩna nɛ, ba kala bɩra ŋaa goŋ a hɛ dɔŋɔ lɛ a yi hawaba balɩa aa bʋl, “La veŋ-balɩŋ Atɛmɩs sɩ hɛ Ɛfɛsɩs lɛ nɛ kɛŋ doluŋ.”

Hiburu TƖŊŊAA 7:26

Yesu sɩ ŋaa Wɩɩsʋllɩ sɩpaalaara kʋhɩaŋ ŋɩɩ, ʋ ŋaa wʋzɔŋ nɛ a pɩla. Yesu bɩ disiŋ kɛnɛ, ʋ bɩ wʋcheeli kɛnɛ, ʋ chaasa ŋaa nɩzɔŋ nɛ. Ʋ kɛŋ ʋ tɩtɩa pɔrɛ nɛ wʋbɔŋ ŋaaraa lɛ. Wɩa kɛnʋ ŋaa nɩbal. Ʋ sɩ hɛ Wɩa-jaŋ lɛ ŋɩɩ, ʋ yʋga kɩɩ kʋŋkala sɩ hɛ nɩmɛ.

1 Pɩɩta 1:19

Ama Yesu Kirisito chalɩŋ sɩ kɛŋ yuŋuŋ kɩɩ kʋŋkala nɛ ʋ joŋo time laama. Yesu nagɛ pie-bie sɩ bɩ nyɔɔ kala kɛnɛ nɛ.