Maak 14:72 - WƖA TENIŊ

⁷² Ʋ sɩ bʋl ŋɩɩ dɛrɛ dɩ ji-bele yele lɩamɩŋ lɛ. Pɩɩta liisi wɩɩ-la Yesu sɩ bʋla pʋ arɩ ʋ jaŋ nyɩɛ wɩaa a tɩgɛ ʋ lɛ naansɩɩŋ butori, ka dɩ ji-bele-na yel naansɩɩŋ bʋlɩa. Ʋ kɛŋ nyuŋ gʋrɛ a yiyel.

Maak 14:72 ပူးပေါင်းရင်းမြစ်များ

2 SAMƲƐL 24:10

Devit sɩ dɩɩsɛ laalɩyuoro-la kala dɛrɛ, ʋ tʋɔbɩɩnaa walɩmʋ. Ʋ bʋla pɩ La TƖƖNA, “Wɩɩ-la mɩ sɩ ŋaa, ʋ chaasa wʋbɔŋ nɛ. Mɩɩ sʋlʋŋ La TƖƖNA, joŋo chɛmɛ, aŋ lɩɩsɛ cheerii-la mɩ-na ŋ tɩntɩnna lɛ. Nɩyaarɩ wɩɩ nɛ mɩ ŋaa.”

ƐZƖKƖƐL 16:63

Dɩ mɩ nɛ joŋ wɩalɩŋ kala ŋ sɩ ŋaa a chɛŋ, ŋ jaŋ liise yi wʋbɔmɔ-la ŋ sɩ ŋaa lɛ, dɩ hɩɩsɩŋ kɛnɩŋ kɩŋkɛŋ dɩ ŋ bɩra bɩ ŋ niiŋ wuo suri. Mɩ-na ma TƖƖNA Wɩɩjarɩbakɔ nɛ bʋla.”

ƐZƖKƖƐL 36:31

Ŋɩɩ nɛ ma jaŋ liisi wʋbɔmɔ-la ma sɩ ŋaa, dɩ ma tʋɔŋ lɩɩ ma tɩtɩa a tɩŋ ma wʋbɔŋŋɔɔ arɩ wʋkɩsɩa-la ma sɩ ŋaa wɩaa.

ƐZƖKƖƐL 7:16

Nɩalɩŋ kala sɩ ka a bɩ sʋba jaŋ fá jɩla hɛ peelee nyuŋ a yiyel a nagɛ kokosuŋ sɩ hɛ fuonaaŋ lɛ, a tɩŋ ba wʋbɔŋŋɔɔ wɩaa.

Matiu 26:34

Yesu bʋla pʋ, “Wʋtɩtɩɩ nɛ, jɩnɩŋ tɩtaŋɩŋ deeŋ ŋ-na Pɩɩta, ŋ jaŋ bʋl naansɩɩŋ butori arɩ ŋ bɩ mɩ jɩŋ, ka dɩ ji-bele-na yel.”

Maak 14:30

Ŋɩɩ nɛ Yesu bʋla pʋ, “Wʋtɩtɩɩ nɛ, jɩnɩŋ tɩtaŋɩŋ deeŋ, ŋ-na Pɩɩta, ŋ jaŋ bʋl naansɩɩŋ butori arɩ ŋ bɩ mɩ jɩŋ, ka dɩ ji-bele-na yel naansɩɩŋ bʋlɩa.”

Maak 14:68

Ŋɩɩ nɛ Pɩɩta nyɩɛ wɩaa, “Mɩ bɩ Yesu jɩŋ. Mɩ bɩ wɩɩ-la ŋ sɩ paala bʋbʋl jɩŋ,” aŋ sii lɩɩ chɩŋ zawʋra tʋɔŋ.

Maak 14:71

Ŋɩɩ nɛ Pɩɩta ŋmɩɛsɛ a bʋl, “Mɩ bɩ baala deeŋ jɩŋ.”

Luuk 22:60

Ŋɩɩ nɛ Pɩɩta bɩra bʋl, “Nandɔŋ, mɩ paala bɩ wɩɩ-la ŋ sɩɩ bʋl jɩŋ.” Pɩɩta sɩɩ bʋl ŋɩɩ, ʋ niiŋ ha bɩ tinteeŋ tele, dɩ ji-bele yele.

Luuk 22:62

Ŋɩɩ nɛ Pɩɩta lɩɩ a faasa yel.

2 Kɔrɩntɩ Nɩaa 7:10

Dɩ Wɩa nɛ leŋe nʋʋ tʋɔŋ chei a tɩŋ ʋ wʋbɔŋŋɔɔ wɩaa, ʋ tɩɩna yie bɩrɩma lɩɩ ʋ wʋbɔŋŋɔɔ lɛ nɛ Wɩa laaʋ ta. Nʋʋkala tʋɔŋ bɩ maga dɩ ʋ chei ŋɩɩ lɛ. Ama dɩ dʋnɩa nɩaa wʋŋaalaa nɛ leŋe dɩ nʋʋ tʋɔŋ chei, ŋɩɩ jaŋ leŋ dɩ ʋ tɩɩna sʋʋ.