Maak 14:61 - WƖA TENIŊ

⁶¹ Ŋɩɩ nɛ Yesu tɔrɛ ʋ niiŋ. Ʋ bɩ wɩɩkala bʋla. Ŋɩɩ nɛ baal-la bɩra pɩɛsʋ, “Ŋ nɛ ŋaa Kirisito, Nɩɩ-la Wɩa sɩ lɩɩsa? Ŋ nɛ Wɩa Biee?”

Maak 14:61 ပူးပေါင်းရင်းမြစ်များ

WƖA YƖƖLAA 119:12

La Tɩɩna, mɩɩ dɛnnɩŋ nɛ. Dagɛmɛ ŋ wombie-la ŋ sɩ bile dɩ la tuto.

WƖA YƖƖLAA 2:7

Kuoru-la sɩ, “Mɩ jaŋ heele bʋl wɩɩ-la La Tɩɩna sɩ bʋla. Ʋ bʋla pɩmɛ, ‘Ŋ ŋaa mɩ Bii nɛ, jɩnɩŋ mɩ nɛ lʋlʋŋ.

WƖA YƖƖLAA 39:9

Mɩ tɔrɛ mɩ niiŋ nɛ, mɩ bɩ wɩɩ bʋla, bɛɛ wɩaa ŋ nɛ ŋaa mɩɩ na hɛɛŋ deeŋ.

AZAAYA 53:7

Ba fa dɔgɩsʋ nɛ, ʋ na hɛɛŋ kɩŋkɛŋ, ama ʋ bɩ ʋ niiŋ suro. Ba fa kɛnʋ a nagɛ pie-bie nɛ a kaa mʋ dɩ ba kpʋ koo a nagɛ piese ba sɩɩ chɛ dɩ ba kɛ ʋ pʋna, ka ʋ tɔrɛ ʋ niiŋ, ʋ bɩ ʋ niiŋ suro.

Matiu 16:16

Ŋɩɩ nɛ Saamɔŋ Pɩɩta bʋl, “Ŋ nɛ ŋaa Kirisito, Wɩa-la sɩ weye Bie.”

Matiu 3:17

Ka ʋ nɩɩ nʋʋ yikoro wɩa-nyuŋ sɩ bʋla, “Mɩ Bii-chooluŋ nɛ ŋ-la, mɩ tʋɔŋ tɔrɛ ʋ nyuŋ.”

Matiu 8:29

Ba sɩ na Yesu, ba guu ŋmoo niiŋ a pɩɛsʋ, “Bɛɛ nɛ ŋ chɩchɛ dɩ ŋ ŋaa la lɛ Wɩa Bii? Ŋ kɔ dɩ ŋ dɔgɩsɛla nɛɛ, ka bʋa-la ha bɩ yiee?”

Maak 14:60

Ŋɩɩ nɛ Wɩɩsʋllɩ sɩpaalaaraa kʋhɩaŋ sii lɩɩ chɩŋ nɩalɩŋ tʋtʋɔbaanɩŋ a pɩɛsɛ Yesu, “Ŋ bɩ nɩa nɩaa deemba sɩ bʋl wɩalɩŋ a tɩgɛ ŋ lɛɛ? Ŋ-na bɩ wɩɩ kɛnɛ ŋ sɩ jaŋ bʋl?”

Maak 15:2

Ŋɩɩ nɛ Paalɩt pɩɛsɛ Yesu, “Ŋ nɛ Juu tɩŋŋaa kuoro?” Yesu bʋl, “Oo, mɩ nɛ.”

Jɔɔŋ 1:34

Ŋɩɩ nɛ Jɔɔŋ bɩra bʋl, “Mɩ sɛnɛ naʋ nɛ, a bʋlaa pɩma arɩ ʋ nɛ ŋaa Wɩa Bie.”

Jɔɔŋ 10:24

Ŋɩɩ nɛ Juu tɩŋŋaa gbaarʋ a pɩɛsʋ, “Ɛɛ nɛ ŋ chɛ ŋ kɛnla diene magɛ aŋ-na dagɛ nɩɩ-la ŋ sɩ ŋaa pɩla? Dɩ ŋ nɛ ŋaa Kirisito, Nɩɩ-la Wɩa sɩ lɩɩsa, chaasa bʋla pɩla.”

Jɔɔŋ 10:36

Wɩa nɛ lɩɩsɛmɛ a tɩmmɛ mɩ kʋ tuu dʋnɩa, ɛɛ nɛ saa ma jaŋ bʋl mɩɩ tʋʋsɛ Wɩa joŋŋoo nɛ mɩ sɩ sɩ mɩ ŋaa Wɩa Bii nɛ?

Jɔɔŋ 18:37

Ŋɩɩ nɛ Paalɩt pɩɛsʋ, “Ŋ saa ŋaa kuoru nɛ koo?” Ŋɩɩ nɛ Yesu bʋl, “Wɩɩ-la ŋ sɩ bʋla ŋaa wʋtɩtɩɩ nɛ. Ba paala lʋlmɛ dɩ mɩ ŋaa kuoru nɛ. Mɩ kʋ tuu dʋnɩa dɩ mɩ dagɛ nɩaa dɩ ba jɩŋ wʋtɩtɩɩ nɛ. Nɩɩ-la kala sɩ cho dɩ ʋ jɩŋ wʋtɩtɩɩ yie jegile nɩɩ mɩ teeŋ nɛ.”

Jɔɔŋ 19:7

Ŋɩɩ nɛ Juu tɩmma-la bɩra bʋl, “Ʋ kɛŋ ʋ tɩtɩa yɩrɛ Wɩa Bii nɛ. La wombiiŋ daga arɩ nʋʋkala nɛ ŋaa ŋɩɩ, ʋ maga dɩ ba kpʋʋ nɛ.”

Jɔɔŋ 19:9

Ŋɩɩ nɛ ʋ bɩra mɩɩra jʋʋ kuoru dɩa-la tʋɔŋ a pɩɛsɛ Yesu, “Nɩɩ nɛ ŋ lɩɩ?” Yesu bɩ wɩɩkala bʋla.

Tɩntɩŋŋaa 8:32

Wɩa niiŋ wɩalɩŋ bafere-la fa sɩɩ karɩmʋ nɛ ŋ-la: “Ʋ tɔrɛ ʋ niiŋ a nagɛ piese ba sɩ kaa mʋ dɩ ba kpʋ, a bɩra nagɛ pie-bie ma sɩ tɔrɛ ʋ niiŋ, ka ba kɩkɛ ʋ pʋnaa nɛ. Ʋ bɩ ʋ niiŋ suro.

1 Timoti 1:11

Wɩalɩŋ mɩ sɩ dagɛma lɩɩ Wɩa sɩ kɛŋ tʋla wʋzɔmɔ-la tʋɔŋ nɛ, ʋ sɩ joŋo pɩmɛ dɩ mɩ bʋla pɩma. Wɩa nɛ kɛŋ yɩrɩŋ.

1 Timoti 6:15

Wɩa jaŋ leŋ dɩ ʋ kɔ bʋa-la lɛ ʋ sɩ bene dɩ ʋ maga dɩ ʋ kɔ. Wɩa dʋndʋŋa nɛ maga la dɛnnɛ, a ŋaa Wɩɩ-balɩŋ sɩɩ beŋ kʋŋkala. Ʋ nɛ ŋaa kuoru-balɩŋ a kɛŋ kuoroo kala doluŋ. Ʋ nɛ ŋaa kʋŋkala Tɩɩna.

1 Pɩɩta 2:23

Arɩ nɩaa sɩ tʋʋsʋ ma kala, ʋ bɩ laa tʋʋsɛ. Ba sɩ dɔgɩsʋ kala ma, ʋ bɩ bʋla arɩ ʋ ma jaŋ dɔgɩsɛba. Ʋ ta joŋ wɩɩkala a hɛ Wɩa nɩsɩŋ lɛ nɛ, nɩɩ-la sɩ jaŋ kɛŋ wʋtɩtɩɩ a dii nɩaa sarɩya.