Maak 14:18 - WƖA TENIŊ

¹⁸ Ba sɩ hɔnɔ dii kɩaa ŋɩɩ, ŋɩɩ nɛ Yesu bʋla pɩba, “Wʋtɩtɩɩ nɛ, mɩ bʋlaa pɩma, ma nɩaa deemba sɩɩ dii kɩaa, ma dɔŋɔ jaŋ jommi yallɛ. Mɩ dɩ ʋ nɛ pɛ dɔŋɔ a didii kɩaa ŋɩɩ lɛɛlɛ.”

Maak 14:18 ပူးပေါင်းရင်းမြစ်များ

WƖA YƖƖLAA 41:9

Mɩ nandɔŋ-fɩɛmɩŋ mɩ sɩ laa dii, mɩ dɩ ʋ didii kɩaa, ma paala vɩamɛ nɛ.

Matiu 26:21

Ba sɩɩ dii kɩalɩŋ ŋɩɩ, Yesu bʋla pɩba, “Wʋtɩtɩɩ nɛ mɩ bʋlaa pɩma, ma dɔŋɔ jaŋ jommi yallɛ.”

Matiu 5:18

Wʋtɩtɩɩ nɛ mɩ bʋlaa pɩma, tinteeŋ arɩ wɩa-nyuŋ sɩ jaŋ hɛ nɩmɛ a dieni ŋɩɩ, wɩalɩŋ Mosis fa sɩ ŋmʋnsa bil dɩ nɩaa tuto, ba bɩ jaŋ keri ba mʋa ma ta see dɩ tinteeŋ arɩ wɩa-nyuŋ lɛlɛ.

Matiu 6:16

Ŋɩɩ nɛ Yesu sɩ, “Dɩ ma nɛ vɔɔ niiŋ, ma sɩ́ sɩaa kaa chei a nagɛ nɩalɩŋ sɩɩ dagɛ ba tɩtɩa. Ba yie gʋgɔllɛ arɩ losuŋ a kɛŋ sɩaa kala chei dɩ nʋʋkala na a jɩŋ arɩ ba vɔɔ niiŋ nɛ. Wʋtɩtɩɩ nɛ, mɩ bʋlaa pɩma, ba-na paala laa ba time kala dɛrɛ nɛ.

Matiu 6:2

Dɩ ŋ nɛ joŋ kʋŋ pɩ nʋʋ sɩ bɩ kʋŋ kɛnɛ, sɩ́ leŋe dɩ nɩaa jɩŋ. Nɩalɩŋ sɩɩ dagɛ ba tɩtɩa yie ŋaa ŋɩɩ nɛ Wɩɩchʋɔlɛ dɩɩsɩŋ lɛ arɩ womporunuŋ lɛ. Ba ŋaa ŋɩɩ dɩ nɩaa bɛsɛ ba lɛ nɛ. Wʋtɩtɩɩ nɛ mɩ bʋlaa pɩma, ba laa ba time nɛ.

Matiu 6:5

Ŋɩɩ nɛ Yesu bɩra bʋl, “Dɩ ma nɩɩ chʋɔlɛ Wɩa, ma sɩ́ nɩalɩŋ sɩɩ dagɛ ba tɩtɩa nagʋ. Ba yie cho dɩ ba chɩŋ Wɩɩchʋɔlɛ dɩɩsɩŋ lɛ arɩ wombiee sɛmɛ a chʋchʋɔlɛ Wɩa dɩ nʋʋkala naba. Wʋtɩtɩɩ nɛ mɩ bʋlaa pɩma, ba paala laa ba time nɛ.

Maak 10:15

Wʋtɩtɩɩ nɛ mɩ bʋlaa pɩma, dɩ ŋ bɩ Wɩa to a nagɛ hambie sɩ yie to ʋ nyɩmma arɩ ʋ naaŋ ŋɩɩ, ŋ bɩ jaŋ wuo jʋʋ Wɩa kuorii-la tʋɔŋ.”

Maak 10:29

Yesu bʋla pʋ, “Wʋtɩtɩɩ nɛ, ma leŋ ma kɩaa kala nɛ aŋ tutomi. Mɩ saa jaŋ bʋla pɩma, nɩɩ-la kala sɩ leŋ ʋ dɩa koo ʋ naambiiriŋ koo ʋ naaŋ koo ʋ nyɩmma koo ʋ biiriŋ koo ʋ bagɩsɩŋ mɩ wɩaa arɩ Wɩa wʋzɔmɔ-la wɩaa,

Maak 14:17

Dɩdaanɩŋ, Yesu arɩ ʋ harɩ-tooro-la fii arɩ balɩa kʋ jʋʋ dɩa-la.

Maak 14:19

Ba sɩ nɩɩ wɩɩ-la, ba tʋɔŋ chei. Ba kala pɩpɩɛsɛ Yesu kʋŋ kʋŋ. Dɔŋɔ yie pɩɛsɛ, “Mɩ nɛɛ?”

Maak 14:25

Wʋtɩtɩɩ nɛ mɩ bʋlaa pɩma, mɩ bɩra bɩ jaŋ kɔ dɩ mɩ nyʋa sɩnɩŋ deeŋ, see tapʋlɩɩ-la mɩ sɩ jaŋ kɔ nɛ, mɩ jaŋ nyʋa sɩ-falɩŋ Wɩa kuorii-la tʋɔŋ.”

Maak 14:9

Wʋtɩtɩɩ nɛ mɩ bʋlaa pɩma, dʋnɩa sɛmɛ na-kala ba sɩ jaŋ mʋ a bʋl Wɩa wʋzɔmɔ-la, ba jaŋ liisi haala deeŋ ma wɩaa a bʋl.”

Maak 3:28

Ŋɩɩ nɛ Yesu bɩra bʋla pɩ nɩaa, “Wʋtɩtɩɩ nɛ mɩ bʋlaa pɩma, dɩ nɩaa nɛ ŋaa wʋbɔŋŋɔɔ kala aŋ pɛ tʋʋsɛ Wɩa joŋŋoo ma, Wɩa jaŋ wuo joŋ ba kala chɛba.

Maak 6:11

Dɩ ma nɛ mʋ taŋ kala, dɩ taŋ-la nɩaa nɛ bɩ ma laa koo a bɩ ma wɩalɩŋ jegile nɩɩ, má kiele mʋ. Dɩ ma nɛ lɩa, má kpesi ma naasɩŋ hagɩla ta. Ba jaŋ jɩŋ arɩ ba ŋaa wɩɩ nɛ a cheima.”

Maak 8:12

Yesu tʋɔŋ chei, ʋ faasa wiesi aŋ pɩɛsɛba, “Ma lɛɛlɛ nɩaa deemba, bɛɛ nɛ tɩɩ ma yie chɩchɛ dɩ mɩ dagɛ mɩ doluŋ? Wʋtɩtɩɩ, mɩ bʋlaa pɩma, mɩ bɩ jaŋ ŋaa wʋmagɩl kala dɩ ma lɛɛlɛ nɩaa deemba na.”

Maak 9:1

Ŋɩɩ nɛ Yesu bɩra bʋla pɩ ʋ harɩ-tooroo, “Wʋtɩtɩɩ nɛ mɩ bʋlaa pɩma, nɩaa dɔnsʋŋ hɛ daha, ba bɩ jaŋ sʋʋ, see dɩ ba na Wɩa kuorii-la chɩna dɛrɛ arɩ doluŋ.”

Maak 9:41

Wʋtɩtɩɩ mɩ bʋlaa pɩma, dɩ nʋʋ nɛ joŋ gbaŋa ŋaa lɩɩŋ a pɩ ma kʋŋ a tɩŋ ma sɩɩ tomi wɩaa, ʋ jaŋ laa ʋ time.

Luuk 11:51

a chɩŋ bʋa-la lɛ ba sɩ kpʋ Ebil a kaa mʋ yi bʋa-la lɛ ba sɩ kpʋ Zɛkarɩya. Ba kpʋʋ Wɩa dɩa tʋɔŋ nɛ a kpagɛ koru-la nyuŋ ba sɩ yie ŋaa Wɩɩsʋlʋŋ nɛ. Wʋtɩtɩɩ, mɩ jaŋ bʋla pɩma, Wɩa jaŋ dɔgɩsɛ jɩnɩŋ nɩaa kala kɩŋkɛŋ a tɩŋ wɩaa deemba kala lɛ.

Luuk 22:21

Má bee na, nɩɩ-la sɩ jaŋ kɛmmɛ yallɛ hɛ la tʋɔŋ nɛ, la kala didii kɩaa.

Luuk 4:24

Ŋɩɩ nɛ Yesu bɩra bʋl, “Wʋtɩtɩɩ, mɩ bʋlaa pɩma arɩ Wɩa wʋlaabʋlla nɛ kɔ ʋ tɩtɩa jaŋ, ʋ nɩaa bɩ ʋ cho.”

Jɔɔŋ 1:51

Ŋɩɩ nɛ Yesu bʋla pʋ, “Wʋtɩtɩɩ nɛ mɩ bʋlaa pɩŋ, ma jaŋ na wɩa-nyuŋ dɩ ʋ suro, dɩ Wɩa tɩndaaraa lɩɩ nɩmɛ a kʋʋ tuu mɩ-na Nuhuobiine Bie teeŋ, aŋ mɩɩra jɩjɩl.”

Jɔɔŋ 13:18

Ma kala dee mɩ bʋl arɩ ma jaŋ kɛŋ tʋɔtɔrʋŋ. Mɩ jɩŋ nɩalɩŋ mɩ sɩ lɩɩsa nɛ. Wɩɩ-la ba sɩ ŋmʋnsa Wɩa teniŋ tʋɔŋ sɛnɛ jaŋ ŋaa wʋtɩtɩɩ. Ba bʋla arɩ la dɩ nɩɩ-la kala sɩ pɛ dɔŋɔ lɛ dii kʋdiilee nɛ jaŋ mɩɩra sii chɩŋ mɩ lɛ.

Jɔɔŋ 13:21

Yesu sɩ bʋl wɩaa deemba dɛrɛ, ʋ tʋɔŋ bɩ dɩ-bala pɩna. Ŋɩɩ nɛ ʋ chaasa bʋl, “Wʋtɩtɩɩ nɛ mɩ bʋlaa pɩma, ma dɔŋɔ nɛ jaŋ jommi yallɛ.”

Jɔɔŋ 13:22

Ŋɩɩ nɛ ʋ harɩ-tooroo mɩɩra dɩdaasɛ dɔŋɔ. Ba bɩ jɩŋ tɩɩna ʋ sɩɩ dagʋ.

Jɔɔŋ 13:38

Ŋɩɩ nɛ Yesu pɩɛsʋ, “Ŋ sɛnɛ kɛŋ ŋ tɩtɩa hɛ dɔŋɔ nɛ dɩ ŋ joŋ ŋ mɩɩsɩŋ yɔɔ sʋʋŋ nɛ mɩ wɩaa? Wʋtɩtɩɩ nɛ mɩ bʋlaa pɩŋ, ka dɩ ji-bele-na yel, ŋ jaŋ bʋl naansɩɩŋ butori arɩ ŋ bɩ mɩ jɩŋ.”

Jɔɔŋ 21:18

Wʋtɩtɩɩ nɛ mɩ bʋlaa pɩŋ, ŋ fa sɩ ŋaa hambie, ŋ tɩtɩa nɛ yie laalɛ ŋ gɛnnɩŋ a mʋmʋ lee-la kala ŋ sɩ cho. Ama dɩ ŋ nɛ kʋ hɩɛsɛ, ŋ jaŋ kɛŋ ŋ nɩsaa je, aŋ ka dɩ nʋʋ dɔŋ nɛ joŋ ŋ gɛnnɩŋ a laalɩŋ aŋ kɛnɩŋ mʋ lee-la ŋ sɩ bɩ cho dɩ ŋ mʋa.”

Jɔɔŋ 3:11

Wʋtɩtɩɩ nɛ mɩ bʋlaa pɩŋ, la yie bʋl wɩɩ-la la sɩ jɩma nɛ, a bʋbʋl wɩɩ-la la sɩ na. Ama ma kʋŋkala bɩ chɛ dɩ ma sɛɩ wɩɩ-la la sɩ bʋla.

Jɔɔŋ 3:3

Ŋɩɩ nɛ Yesu bʋla pʋ, “Wʋtɩtɩɩ nɛ mɩ bʋlaa pɩŋ, nʋʋkala bɩ jaŋ wuo jʋʋ Wɩa kuorii-la tʋɔŋ, see dɩ ba wasa lʋl tɩɩna.”

Jɔɔŋ 3:5

Yesu bʋl, “Wʋtɩtɩɩ nɛ mɩ bʋlaa pɩŋ, nʋʋkala bɩ jaŋ wuo jʋʋ Wɩa kuorii-la tʋɔŋ, see dɩ Wɩa joŋ ʋ Dɩŋ-zɔmʋŋ hɛ tɩɩna lɛ, dɩ tɩɩna ma pɛ fo Wɩɩchʋɔlɛ lɩɩŋ.

Jɔɔŋ 5:19

Ŋɩɩ nɛ Yesu bʋla pɩba, “Mɩ bʋl wʋtɩtɩɩ nɛ a pɩpɩma, mɩ-na Wɩa Bie bɩ wɩɩkala wuo ŋaa mɩ tɩtɩa doluŋ lɛ. Mɩ yie ŋɩŋaa wɩalɩŋ mɩ sɩ na dɩ mɩ Nyɩmma ŋaa nɛ. Wɩɩ na-kala ʋ sɩɩ ŋaa nɛ mɩ ma ʋ Bie ŋɩŋaa,

Jɔɔŋ 6:26

Ŋɩɩ nɛ Yesu bʋla pɩba, “Wʋtɩtɩɩ nɛ mɩ bʋlaa pɩma, maa chɛmɛ a tɩŋ boroboro-la ma sɩ dii vɔgɛ wɩaa nɛ, ama wʋmagɩla-la ma sɩ na dɩ mɩ ŋaa wɩaa dee.

Jɔɔŋ 6:32

Ŋɩɩ nɛ Yesu bʋl, “Mɩ bʋl wʋtɩtɩɩ nɛ a pɩpɩma, kɩalɩŋ Mosis sɩ pɩma, ʋ dee bɩ ma pa, Wɩa nɛ pɩma. Kʋdiile-la bɩ ma mɩɩsɩ-la sɩ bɩ dɛrɛ ka pa. Mɩ Nyɩmma nɩɩ pɩ nɩaa boroboro tɩtɩɩ-la sɩ lɩɩ Wɩa-jaŋ.

Jɔɔŋ 6:47

Wʋtɩtɩɩ nɛ mɩ bʋlaa pɩma, nɩɩ-la kala sɩ laa mɩ wɩaa dii, ʋ jaŋ kɛŋ mɩɩsɩ-la sɩ bɩ dɛrɛ.

Jɔɔŋ 6:70

Ŋɩɩ nɛ Yesu pɩɛsɛba, “Ma nɩaa fii arɩ balɩa dee mɩ lɩɩsɛɛ? Ama ma dɔŋɔ ŋaa dʋndɔŋ nɛ a ŋaa Sɩtaanɩ nʋʋ.”