Maak 14:12 - WƖA TENIŊ

¹² Ba gbiele-la ba sɩ yie gbieli a dii boroboro sɩ bɩ sɩbʋrʋŋ kɛnɛ ʋ tapʋl-bumbuŋ, bʋa-la lɛ sɩ maga dɩ ba kpʋ dɩɩsɩŋ kiele bal gbiele-la pie-bie, Yesu harɩ-tooroo pɩɛsʋ, “Nɩɩ nɛ ŋ cho dɩ la mʋ wasɛ leriŋ a ŋaa dɩɩsɩŋ kiele bal gbiele-la kʋdiilee dɩ ŋ kʋ dii?”

Maak 14:12 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 12:18

A chɩŋ chɛŋ-bumbuŋ tapʋlaa fii arɩ banɛsɛ chɛɛŋ dɩdaanɩŋ a kaa mʋ tapʋlaa mara arɩ kʋbala dɩdaanɩŋ, nʋʋkala maga dɩ ʋ didii boroboro-la sɩ bɩ sɩbʋrʋŋ kɛnɛ nɛ.

MOSIS KƐŊ IZIRAL TƖŊŊAA LƖƖ 12:6

Dɩ ma nɛ lɩɩsɛ pʋsʋ-la, má beŋ ba nyuŋ a mʋ yi chɛŋ-bumbuŋ-la tapʋlaa fii arɩ banɛsɛ chɛɛŋ, dɩ Iziral tɩɩna-kala kpʋ ʋ pʋna wɩɩ-mul-jʋʋlʋŋ lɛ.

MOSIS KƐŊ IZIRAL TƖŊŊAA LƖƖ 12:8

Tɩtaŋ-la tɩtɩa, má wasɛ nammɩa-la arɩ pɩpaa-haarɩŋ, a kɛŋ boroboro-la sɩ bɩ sɩbʋrʋŋ kɛnɛ a dii.

MOSIS KƐŊ IZIRAL TƖŊŊAA LƖƖ 13:3

Ŋɩɩ nɛ Mosis bʋla pɩ Iziral tɩŋŋaa, “Má liisi tapʋlʋŋ deeŋ La TƖƖNA sɩ kɛmma lɩɩ Ijipiti tinteeŋ lɛ wɩaa, lee-la ma fa sɩ hɛ a ŋaa yosi. Ʋ chaasa joŋ doluŋ nɛ a kɛmma kʋ lɩɩ. Má sɩ́ kʋŋkala sɩ kɛŋ sɩbʋrʋŋ dii tapʋlɩɩ-la.

Matiu 3:15

Ŋɩɩ nɛ Yesu bʋl, “Ŋaa ŋɩɩ mɩ sɩ bʋla pɩŋ. Ŋ-la nɛ la jaŋ wuo to a ŋaa wɩɩ-la kala Wɩa sɩ cho.” Ŋɩɩ nɛ Jɔɔŋ sɛɩ a fou Wɩɩchʋɔlɛ lɩɩŋ.

Maak 14:1

Tapʋlaa balɩa nɛ ka, ka dɩ ba dɩɩsɩŋ kiele bal gbiele-la yi, gbiele lɛ nɛ ba yie dii boroboro sɩ bɩ sɩbʋrʋŋ kɛnɛ. Ŋɩɩ nɛ Wɩɩsʋllɩ sɩpaalaaraa arɩ Wɩa teniŋ kerichiba chɩchɛ wombiiŋ dɩ ba lʋara kɛŋ Yesu a kpʋ.

Maak 14:11

Ba sɩ nɩɩ ŋɩɩ, ba tʋɔŋ tɔrɛ. Ba bʋl ba jaŋ pʋ moribiee. A chɩŋ bʋa-la lɛ ʋ suomo chɩchɛ wombii-la ʋ sɩ jaŋ to a joŋ Yesu yalla pɩba.

Maak 14:13

Ŋɩɩ nɛ ʋ tɩŋ ʋ harɩ-tooroo balɩa a bʋla pɩba, “Má mʋ jʋʋ tabal-la tʋɔŋ, ma jaŋ cheŋ baal kʋbala dɩ ʋ chʋŋ nyuvie arɩ lɩɩŋ. Má to ʋ harɩŋ.

Galiisia Nɩaa 4:4

Ama bʋa-la tɩtɩa sɩ yie, Wɩa tɩŋ ʋ bie nɛ. Haal nɛ lʋlʋ. Ʋ ma faa to Juu tɩŋŋaa naabalɩmaba wombii-la nɛ,

MOSIS BƖRA WULLI WƖA WOMBIIŊ 16:5

Má sɩ́ La TƖƖNA dɩɩsɩŋ kiele bal gbiele-la pʋna kpʋ taŋ kala ma sɩ cho lɛ, tasɩ-la ma TƖƖNA Wɩa sɩ joŋo pɩma lɛ,