Maak 14:11 - WƖA TENIŊ

¹¹ Ba sɩ nɩɩ ŋɩɩ, ba tʋɔŋ tɔrɛ. Ba bʋl ba jaŋ pʋ moribiee. A chɩŋ bʋa-la lɛ ʋ suomo chɩchɛ wombii-la ʋ sɩ jaŋ to a joŋ Yesu yalla pɩba.

Maak 14:11 ပူးပေါင်းရင်းမြစ်များ

1 KUOROO 21:20

Ahab na Ɩlaaja a bʋl, “Mɩ nɛ ŋ kɛŋ ŋ-la mɩ dʋndɔŋ.” Ɩlaaja bʋl, “Oo mɩ kɛnɩŋ nɛ, a tɩŋ ŋ sɩ ŋaa wʋbɔmɔ-la La TƖƖNA sɩɩŋ lɛ.

2 KUOROO 5:26

Elaasa bɩra pɩɛsʋ, “Ŋ bɩ jɩŋ arɩ mɩ dɩma naŋ nɛɛ, bʋa-la lɛ Naamaŋ sɩ tuu ʋ jaaba toruko nyuŋ a kʋ chemiŋ? Bʋa deeŋ lɛ nɛ maga dɩ ŋ laa moribiee arɩ gɛnnɩŋ, Olif tɩɩsɩŋ bagɩsɩŋ arɩ girep tɩɩsɩŋ bagɩsɩŋ, piesee, arɩ nɛsɩŋ, koo tɩntɩnnaa?

HOSIA 7:3

Ba yie ŋaa wʋbɔŋŋɔɔ a leŋ kuoro tʋɔŋ tɔrɛ, a nyɩɛ wɩaa ba sɩpaalaaraa ma tʋɔŋ tɔrɛ.

Matiu 26:14

Ŋɩɩ nɛ Yesu harɩ-tooro-la fii arɩ balɩa dɔŋɔ mʋ Wɩɩsʋllɩ sɩpaalaaraa kʋhɩasɩŋ teeŋ, ʋ yɩrɩŋ nɛ fa Judas Ɩsɩkarɔt. Ʋ pɩɛsɛba,

Matiu 26:15

“Dɩ mɩ nɛ kɛŋ Yesu a pɩma, bɛɛ nɛ ma jaŋ pɩmɛ?” Ŋɩɩ nɛ ba dɩɩsɛ warɩpʋla mara arɩ fii a joŋo pʋ.

Maak 14:10

Ŋɩɩ nɛ Judas Ɩsɩkarɔt sɩ ŋaa Yesu harɩ-tooro-la fii arɩ balɩa dɔŋɔ sii, a mʋ Wɩɩsʋllɩ sɩpaalaaraa kʋhɩasɩŋ teeŋ a bʋl dɩ ʋ jaŋ kɛŋ Yesu yalla pɩba.

Maak 14:12

Ba gbiele-la ba sɩ yie gbieli a dii boroboro sɩ bɩ sɩbʋrʋŋ kɛnɛ ʋ tapʋl-bumbuŋ, bʋa-la lɛ sɩ maga dɩ ba kpʋ dɩɩsɩŋ kiele bal gbiele-la pie-bie, Yesu harɩ-tooroo pɩɛsʋ, “Nɩɩ nɛ ŋ cho dɩ la mʋ wasɛ leriŋ a ŋaa dɩɩsɩŋ kiele bal gbiele-la kʋdiilee dɩ ŋ kʋ dii?”

Luuk 22:3

Ŋɩɩ nɛ Sɩtaanɩ kʋ jʋʋ Yesu harɩ-tooroo fii arɩ balɩa-la dɔŋɔ ba sɩɩ yɩrɛ Judas Ɩsɩkarɔt.

1 Timoti 6:10

Dɩ nɩaa nɛ cho moribiee, ba jaŋ wuo ŋaa wʋbɔŋ na-kala. Nɩaa dɔnsʋŋ joŋ ŋɩɩ ba sɩ laa Wɩa dii ta nɛ a tɩŋ ba sɩ cho moribiee wɩaa, ŋɩɩ leŋ tʋɔ-cheeŋ kɩŋkɛŋ jʋʋ.

Juud 1:11

Wɩɩŋ puuba. Ba to Keeŋ naabʋɔsʋŋ nɛ. Ba tɩŋ moribiee wɩaa nɛ a ŋaa wʋbɔŋŋɔɔ a nagɛ baal kʋbala ba fa sɩɩ yɩrɛ Balam fa sɩ ŋaa ŋɩɩ. Ba lɩɩ Wɩa harɩŋ nɛ a nagɛ baal kʋbala ba sɩɩ yɩrɛ Kora ma fa sɩ lɩɩ Wɩa harɩŋ ŋɩɩ. Ŋɩɩ nɛ Wɩa kpʋ ba kala.