Maak 13:9 - WƖA TENIŊ

⁹ Ama má kɛŋ ma tɩtɩa woruŋ. Ba jaŋ kɛmma kaa mʋ nɩalɩŋ sɩ yie hilime vʋvʋʋrɛ wɩaa teeŋ dɩ ba dii ma sarɩya. Ba jaŋ ŋmooma Wɩɩchʋɔlɛ dɩɩsɩŋ lɛ. Ma jaŋ chɩŋ kuoroo arɩ taŋ kʋhɩasɩŋ sɩpaaŋ a tɩŋ mɩ wɩaa a ŋaa mɩ pɛ-naaraa.

Maak 13:9 ပူးပေါင်းရင်းမြစ်များ

Matiu 5:22

Ama lɛɛlɛ mɩ jaŋ bʋla pɩma, nɩɩ-la kala sɩ na baanɩŋ ʋ naambie nyuŋ, ba jaŋ kɛnʋ kaa kʋ dii ʋ sarɩya. Nɩɩ-la ma kala sɩ yɩrɛ ʋ naambie nɩpɛɩpɛɩ, ba jaŋ kɛnʋ kaa mʋ nɩalɩŋ sɩ hilime vʋvʋʋrɛ wɩaa teeŋ. Nɩɩ-la ma kala sɩ yɩrɛ ʋ naambie a bʋl dɩ ʋ ŋaa nɩtɔɔ nɛ, ʋ tɩɩna jaŋ mʋ jʋʋ Wɩa nyiniŋ.

Maak 1:44

“Viiri aŋ sɩ́ wɩɩ bʋla pɩ nʋʋkala. Ama kɛŋ ŋ tɩtɩa mʋ dagɛ Wɩɩsʋllɩ sɩpaalaara, aŋ joŋ ŋ Wɩɩsʋlʋŋ kɩaa pʋ dɩ ʋ kpʋ a pɩɩsɛ ŋ disiniŋ ta arɩ Mosis fa sɩ dagɛma ŋɩɩ. Dɩ ŋ nɛ ŋaa ŋɩɩ, nɩaa jaŋ na arɩ ŋ bɩra bɩ disiniŋ kɛnɛ.”

Maak 13:5

Ŋɩɩ nɛ Yesu bʋla pɩba, “Má kɛŋ ma tɩtɩa woruŋ dɩ nʋʋkala sɩ́ ma nyɩsʋ.

Maak 13:8

Tinteeŋ dɔŋɔ nɩaa jaŋ sii a mʋ a yuo tinteeŋ dɔŋɔ nɩaa. Taŋ kuoro arɩ ʋ nɩaa jaŋ sii gire mʋ yuo kuoro dɔŋɔ arɩ ʋ nɩaa. Tinteeŋ jaŋ zigili leree yʋgɛ, dɩ losuŋ ma jʋʋ. Wɩaa deemba kala ŋaa hɛɛŋ dɩ-suomuŋ nɛ ŋɩɩ.

Maak 6:11

Dɩ ma nɛ mʋ taŋ kala, dɩ taŋ-la nɩaa nɛ bɩ ma laa koo a bɩ ma wɩalɩŋ jegile nɩɩ, má kiele mʋ. Dɩ ma nɛ lɩa, má kpesi ma naasɩŋ hagɩla ta. Ba jaŋ jɩŋ arɩ ba ŋaa wɩɩ nɛ a cheima.”

Luuk 9:5

Dɩ ma nɛ mʋ taŋ kala, dɩ ba vɩama, má kiele mʋ. Dɩ ma nɩɩ mʋ, má kpesi ma naasɩŋ hagɩla ta. Ŋɩɩ jaŋ ŋaa dɩ ba jɩŋ arɩ ba ŋaa wɩɩ nɛ a cheima.”

Jɔɔŋ 15:20

Mɩ laa sɩpaaŋ bʋla pɩma arɩ tɩntɩnnʋ bɩ ʋ kʋhɩaŋ kɩɩ. Má liisi wɩɩŋ deeŋ. Ba sɩ dɔgɩsɛmɛ ŋɩɩ, ba jaŋ dɔgɩsɛ ma ma ŋɩɩ. Dɩ ba nɛ fa sɛɩ mɩ niiŋ wɩaa, ba fa jaŋ sɛɩ ma ma niiŋ wɩaa.

Jɔɔŋ 16:2

Ba jaŋ kirima ta Wɩɩchʋɔlɛ dɩɩsɩŋ lɛ. Bʋa dɔŋ jaŋ yi dɩ nɩaa kpʋma aŋ bɩɩnɛ baa to Wɩa wombiiŋ nɛ ŋɩɩ.

Tɩntɩŋŋaa 21:11

Ʋ kɔ la teeŋ a laa Pɔɔl damɛrɛ a kaa vɔɔ ʋ tɩtɩa naasɩŋ arɩ ʋ nɩsaa aŋ bʋl, “Ŋ-la nɛ Wɩa Dɩŋ-zɔmʋŋ bʋl: ‘Juu tɩŋŋaa jaŋ kɛŋ damɛrɛ deeŋ tɩɩna a vɔbʋ ŋ-la Jerusalɛm lɛ, a joŋu hɛ nɩalɩŋ sɩ bɩ Juu tɩŋŋaa ŋaa nɩsɩŋ lɛ.’ ”

Tɩntɩŋŋaa 7:54

Sɩtɩɩvɩŋ sɩ bʋl wɩalɩŋ dɛrɛ, nɩalɩŋ fa sɩ hilime vʋvʋʋrɛ wɩaa nɩɩ, ba baanɩŋ faasa sii ʋ nyuŋ, ba dɩdɩŋ ba nyɩlaa.

Tɩntɩŋŋaa 9:16

Mɩ nɛ jaŋ dagʋ hɛɛŋ magɛ ŋɩɩ ʋ sɩ jaŋ na a tɩŋ mɩ wɩaa.”

Fɩlɩpa Nɩaa 1:29

Ma-na, Wɩa nɛ pɩma wombiiŋ dɩ ma laa Kirisito wɩaa dii aŋ pɛ na hɛɛŋ a tɩŋ ʋ wɩaa.

2 Tɛsalonaaka Nɩaa 1:5

Wɩaa deemba kala daga arɩ Wɩa kɛŋ wʋtɩtɩɩ nɛ ʋ sarɩya diiniŋ lɛ. Ŋɩɩ wɩaa ma jaŋ jʋʋ Wɩa kuorii-la tʋɔŋ a tɩŋ ma sɩɩ na hɛɛŋ ʋ wɩaa.

2 Jɔɔŋ 1:8

Má pɔ ma tɩtɩa lɛ a sɩ́ leŋe dɩ tɩntɩmɩɩ-la ma sɩ tɩma, sɩ́ pɛɩ ŋaa. Ama má tɩŋ ŋɩɩ sɩ maga dɩ Wɩa wuo joŋ ma time kala a pɩma.

Jɔɔŋ Wʋnaalaa 1:9

Mɩ-na ma naambie Jɔɔŋ nɛ ŋmʋnsɛ teniŋ deeŋ a pɩpɩma. A tɩŋ Yesu Kirisito wɩaa nɛ laa na hɛɛŋ. Ama la nɩalɩŋ sɩ na hɛɛ-la ŋɩɩ a tɩŋ ʋ wɩaa, la ma jaŋ jʋʋ Wɩa kuorii-la tʋɔŋ. Hɛɛ-la kala lɛ la dii kenyiri nɛ a nyalɩmɛ. Mɩ fa bʋl Wɩa wɩaa nɛ aŋ pɛ ŋaa Yesu Kirisito sɩada tɩɩna. Ŋɩɩ wɩaa nɛ tɩɩ ba kɛmmɛ kaa mʋ tintee kʋbala baa yɩrɛ Patɩmɔs. Lɩɩŋ golli tintee-la kala chu nɛ.

Jɔɔŋ Wʋnaalaa 2:10

Má sɩ́ leŋe dɩ fawʋllʋŋ kɛmma a mʋ tɩgɛ hɛɛ kala ma sɩ jaŋ na lɛ. Mɩ bʋlaa pɩma, Sɩtaanɩ jaŋ magɩsɛ ma dɔnsʋŋ a leŋ dɩ ba kɛmma tɔ bɩnɩŋ dɩa. Ma jaŋ na hɛɛŋ a yi tapʋlaa fii. Dɩ ba nɩɩ chɛ dɩ ba kpʋma ma, ma-na ha chɩŋ wɩalɩŋ ma sɩ laa dii lɛ. Dɩ ma nɛ ŋaa ŋɩɩ, mɩ jaŋ joŋ mɩɩ-zɔmʋŋ pɩma Wɩa-jaŋ lɛ.

Jɔɔŋ Wʋnaalaa 2:13

Mɩ jɩŋ lee-la ma sɩ hɛ nɛ, nɩmɛ nɛ Sɩtaanɩ dii kuoruŋ. Ama ma ha kɛŋ wʋtɩtɩɩ nɛ a mʋ tɩgɛ mɩ yɩrɩŋ lɛ. Ma bɩ wɩalɩŋ ma sɩ laa dii joŋo ta bʋa-la lɛ ba sɩ kpʋ Antɩpas sɩ ŋaa wʋtɩtɩɩ tɩɩna a bʋl wɩaa a tɩgɛ mɩ lɛ. Ba kpʋʋ ma tabalɩŋ lɛ nɛ, lee-la Sɩtaanɩ sɩ hɛ.