Maak 13:8 - WƖA TENIŊ

⁸ Tinteeŋ dɔŋɔ nɩaa jaŋ sii a mʋ a yuo tinteeŋ dɔŋɔ nɩaa. Taŋ kuoro arɩ ʋ nɩaa jaŋ sii gire mʋ yuo kuoro dɔŋɔ arɩ ʋ nɩaa. Tinteeŋ jaŋ zigili leree yʋgɛ, dɩ losuŋ ma jʋʋ. Wɩaa deemba kala ŋaa hɛɛŋ dɩ-suomuŋ nɛ ŋɩɩ.

Maak 13:8 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 15:6

Tinteeŋ dɔŋɔ nɩaa fa yie sii mʋ yuo tinteeŋ dɔŋɔ nɩaa nɛ, tabalɩŋ dɔŋɔ nɩaa ma yie mʋ yuo tabalɩŋ dɔŋɔ nɩaa, bɛɛ wɩaa, Wɩa nɛ faa walɩmɛba ba nɩna hɛɛŋ.

WƖA YƖƖLAA 48:6

Nɩmɛ nɛ fawʋllʋŋ kɛmba, ba na hɛɛŋ a nagɛ haala sɩɩ chɛ dɩ ʋ lʋl ʋ luoruŋ wʋwɩɩ.

AZAAYA 19:2

La TƖƖNA sɩ, “Mɩ jaŋ yigi Ijipiti tɩŋŋaa hɛ dɩ ba gʋraa yuo dɔŋɔ nɛ. Naambie jaŋ yuyuo ʋ naambie, dɩa nɩaa jaŋ yuyuo dɔŋɔ, tasɩ-la ma sɩ ŋaa naambiiriŋ jaŋ gʋra yuyuo dɔŋɔ, tinteeŋ dɔŋɔ nɩaa ma jaŋ sii mʋ yuyuo tinteeŋ dɔŋɔ nɩaa.

AZAAYA 29:6

La TƖƖNA doluŋ kala Tɩɩna jaŋ guu kɔ, leriŋ jaŋ dʋdɔŋ, dɩ tinteeŋ zizigili, dɩ goŋ faasa ŋɩŋaa. Pel-duoŋ jaŋ lulu dɩ nyiŋgeliŋ sii a didii kɩaa.

AZAAYA 37:3

Ba mʋ bʋla pʋ, “Wɩɩ-la Hezikaaya sɩ bʋla nɛ ŋ-la: ‘Jɩnɩŋ la tʋɔŋ kala nɛ cheye, hɛɛŋ jʋʋla nɛ, hɩɩsɩŋ ma diila. La nagɛ haala sɩɩ chɛ ʋ lʋl aŋ bɩ doluŋ kɛnɛ dɩ ʋ lʋl nɛ.

JƐRƖMAAYA 13:21

Wʋbɛɛ nɛ ma jaŋ bʋl dɩ La TƖƖNA nɛ leŋe nɩalɩŋ ma sɩ joŋo arɩ ba dɩ ma niiŋ chaasa ŋaa kʋbala nɛ mɩɩra kɛŋ doluŋ ma nyuŋ? Hɛɛŋ bɩ jaŋ jʋʋma a nagɛ haala sɩɩ chɛ ʋ lʋl ʋ luoruŋ wʋwɩɩ ŋɩɩ?

JƐRƖMAAYA 22:23

Ma Jerusalɛm nɩalɩŋ sɩ hɔnɔ ta jɩa, aa jʋʋ Lɛbanɔŋ kuolo daasɩŋ dɩɩsɩŋ, dɩ hɛɛŋ nɛ jʋʋma, ma jaŋ huuni. Hɛɛ-la jaŋ nagɛ haala sɩɩ chɛ ʋ lʋl, ʋ luoruŋ wʋwɩɩ.”

JƐRƖMAAYA 25:32

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Má bee na, wʋlɔrʋnʋŋ ka pusi nɛ, a lɩɩ tinteeŋ a mʋ jʋʋ dɔŋɔ. Pel-duoŋ ka sii nɛ a lɩɩ dʋnɩa dɩdɛrɩŋ.”

JƐRƖMAAYA 4:31

Mɩ nɩa dɩ baa ŋmoo niiŋ a nagɛ haala sɩɩ chɛ dɩ ʋ lʋl ʋ luoruŋ wʋwɩɩ nɛ, a huunoo nagɛ haala sɩɩ chɛ dɩ ʋ lʋl ʋ ha-toli bie. Zaayɔŋ nɩaa nɛ ŋmoo niiŋ ŋɩɩ a wiesee puri, a tɩɛnɛ nɩsaa a bʋl, “Ou, mɩ sʋba. Ba jommi hɛ nɩkpʋʋraa nɩsɩŋ lɛ nɛ.”

JƐRƖMAAYA 49:24

Damasɩkʋs pʋgʋma nɛ, ʋ mɩɩra dɩ ʋ fá nɛ. Fawʋllʋŋ kɛnʋ nɛ. Tʋɔ-cheeŋ arɩ hɛɛŋ jʋʋ-ʋ nɛ, a wʋwɩɩ ʋ lɛ a nagɛ haala sɩɩ chɛ ʋ lʋl ʋ luoruŋ wʋwɩɩ.

JƐRƖMAAYA 50:43

Babɩlɔŋ kuoro nɩɩ ba wɩaa nɛ, ʋ nɩsaa sʋʋ mɛrɛ. Hɛɛŋ jʋʋ-ʋ nɛ ʋ nɩna hɛɛŋ a nagɛ haala sɩɩ chɛ ʋ lʋl ʋ luoruŋ wʋwɩɩ.

JƐRƖMAAYA 6:24

La nɩɩ la dʋndɔmɔ-la wɩaa nɛ, ŋɩɩ leŋ la nandaasɩŋ yʋɔrɛ. Hɛɛŋ chaasa jʋʋla nɛ, a nagɛ haala sɩɩ chɛ dɩ ʋ lʋl ʋ luoruŋ wʋwɩɩ.

HAGAƖ 2:22

Mɩ jaŋ kɛŋ kuoru kpasɩnɩŋ wuro chu, a chei dol-la ba sɩ kaa bibeŋ tintee-wogusu-la. Mɩ jaŋ kiri laalɩŋ janɩŋ torukoba arɩ nɩalɩŋ sɩ kɛmba vɩvɛŋ, janɩŋ jaŋ sʋʋ dɩ nɩalɩŋ sɩɩ jɩlba gʋra kpʋ dɔŋɔ.”

ZƐKARƖYA 14:13

Bʋa-la lɛ, La TƖƖNA jaŋ joŋ fawʋllʋŋ kɩŋkɛŋ a hɛ nɩaa lɛ. Nʋʋkala jaŋ kɛŋ ʋ dɔŋɔ yuyuo.

Matiu 24:8

Hɛɛŋ dɩ-suomuŋ nɛ ŋ-la.

Maak 13:7

Ma jaŋ nɩɩ arɩ laalɩŋ hɛ daha a hɛ dɩ-bolii ma, ama má sɩ́ leŋe dɩ ma bɔyɛ joŋ. Wɩaa deemba kala jaŋ ŋaa bal, ama dʋnɩa dɩdɛrɩŋ ha dee ŋɩɩ.

Maak 13:9

Ama má kɛŋ ma tɩtɩa woruŋ. Ba jaŋ kɛmma kaa mʋ nɩalɩŋ sɩ yie hilime vʋvʋʋrɛ wɩaa teeŋ dɩ ba dii ma sarɩya. Ba jaŋ ŋmooma Wɩɩchʋɔlɛ dɩɩsɩŋ lɛ. Ma jaŋ chɩŋ kuoroo arɩ taŋ kʋhɩasɩŋ sɩpaaŋ a tɩŋ mɩ wɩaa a ŋaa mɩ pɛ-naaraa.

Tɩntɩŋŋaa 11:28

Ba dɔŋɔ yɩrɩŋ nɛ Agabɔs. Ʋ sii chɩŋ a bʋl wɩaa, Wɩa Dɩŋ-zɔmʋŋ doluŋ lɛ dɩ losuŋ jaŋ jʋʋ dʋnɩa kala. Losu-la kʋ jʋʋ dɩ Kɩlaadɩa nɛ fa ŋaa Rom tinteeŋ kuoru-balɩŋ.

1 Tɛsalonaaka Nɩaa 5:3

Bʋa-la lɛ nɩaa sɩ jaŋ bɩɩnɛ arɩ leriŋ fɩɛla nɛ wɩɩkala tuo, cheeriŋ jaŋ guu jʋʋba. Nʋʋkala bɩ jaŋ wuo fá lɛl. Ʋ jaŋ nagɛ arɩ haala sɩ kɛŋ luoruŋ, ʋ luoruŋ sii a wʋwɩɩ ʋ lɛ dɩ ʋ lʋl.

Jɔɔŋ Wʋnaalaa 6:4

Ŋɩɩ nɛ mɩ bee a na jaaba dɔŋɔ dɩ ʋ kʋ lɩɩ. Jɔɔ-la ŋaa ja-fɩaŋ nɛ a faasa fɩɛsɛ, ka nʋʋ hɔŋ ʋ nyuŋ. Ŋɩɩ nɛ ba pɩ tɩɩna wombiiŋ dɩ ʋ kɛŋ yuosuŋ kaa kɔ dʋnɩa, dɩ nɩaa yuyuo dɔŋɔ a kpʋkpʋ dɔŋɔ. Ba joŋ tokobii-bal nɛ a hɛ ʋ nɩsɩŋ lɛ.