Maak 13:34 - WƖA TENIŊ

³⁴ Ʋ nagɛ baala sɩ sie a chɩchɛ ʋ vɛŋ wombiiŋ nɛ. Dɩ ʋ nɩɩ chɛ ʋ lɩɩ dɩa lɛ, ʋ jaŋ dagɛ ʋ tɩntɩnnaa ba tɩntɩŋŋaa aŋ bʋla pɩ nɩɩ-la sɩɩ pɔ ʋ dɩa ma dɩ ʋ pɔ woruŋ dɩ ʋ mɩɩra kɔ.

Maak 13:34 ပူးပေါင်းရင်းမြစ်များ

Matiu 16:19

Mɩ jaŋ joŋ Wɩa kuorii-la boribiee pɩŋ. Wɩɩ-la ŋ sɩ vɩa dʋnɩa lɛ, ba jaŋ vɩaʋ Wɩa-jaŋ ma. Wɩɩ-la ma ŋ sɩ sɛyɛ dʋnɩa lɛ, ba jaŋ sɛyʋ Wɩa-jaŋ ma lɛ.”

Jɔɔŋ 10:3

Pie-dɩa bibenne yie suri pie-dɩa boiŋ niiŋ nɛ a pʋ. Piese-la ma jɩŋ ʋ yikoro. Ʋ yie yɩyɩrɛba kʋbala kʋbala, a laa ba sɩpaaŋ a kɛmba lɩɩ.

Rom Tɩŋŋaa 13:6

Wɩa sɩ lɩɩsɛ tinteeŋ nɩhɩasɩŋ, ŋɩɩ wɩaa ʋ maga dɩ ma tiŋ lampoo, bɛɛ wɩaa tinteeŋ nɩhɩasɩ-la ŋaa Wɩa tɩntɩnnaa nɛ, a tɩma pɩpɩ Wɩa.

1 Kɔrɩntɩ Nɩaa 15:58

Ŋɩɩ wɩaa mɩ naambiiriŋ, má chɩŋ wɩalɩŋ ma sɩ laa dii lɛ kpaŋ kpaŋ. Má sɩ́ leŋe dɩ kʋŋkala kɛmma begili. Má fɩɛsɛ sɩɩŋ a tɩŋ La Tɩɩna tɩntɩŋŋaa woruŋ. Ma jɩma arɩ Wɩa tɩntɩmɩɩ-la ma sɩɩ tɩŋ bɩ jaŋ kɔ dɩ ʋ ŋaa pɛɩ.

Koloosi Nɩaa 3:24

Má sɩ́ yʋ arɩ Wɩa jaŋ pɩma ma time, kɩalɩŋ ʋ sɩ ŋaa bil ʋ nɩaa lɛ Wɩa-jaŋ lɛ. La Tɩɩna Kirisito nɛ ma tɩma pɩpa.

Koloosi Nɩaa 4:1

Yosuŋ tɩŋŋaa, má to wʋtɩtɩɩ a joŋ magɛ ŋɩɩ sɩ maga a pɩ ma yosuŋ, aŋ sɩ́ yʋ arɩ ma ma kɛŋ Tɩɩna nɛ Wɩa-jaŋ lɛ.

Jɔɔŋ Wʋnaalaa 3:7

Ŋmʋnsɛ wɩaa deemba pɩ Wɩa tɩndaarɩ-la sɩɩ beŋ nɩalɩŋ sɩ laa Yesu wɩaa dii aa hilimi Fɩladɛlɩfɩa lɛ. Mɩ-na Nɩɩ-la sɩ ŋaa tʋɔpʋl Tɩɩna arɩ Nɩtɩtɩɩ nɩɩ bʋl wɩaa deemba. Mɩ nɛ kori Devit taŋ-la boribiiŋ, dɩ mɩ nɛ suro, nʋʋkala bɩ wuo kaa tɔ, dɩ mɩ nɛ bɩra kaa tɔ ma, nʋʋkala bɩ wuo suri.