Maak 13:27 - WƖA TENIŊ

²⁷ Ŋɩɩ lɛ nɛ mɩ jaŋ tɩŋ Wɩa tɩndaaraa dɩ ba mʋ dʋnɩa sɛmɛ na-kala a kɛŋ nɩalɩŋ kala Wɩa sɩ lɩɩsa dɩ baa tou a hilimi.

Maak 13:27 ပူးပေါင်းရင်းမြစ်များ

WƖAA DƖ-SUOMUŊ 49:10

Kuori-dantɩga-la bɩ jaŋ kɔ dɩ ʋ lɩɩ ŋ nɩsɩŋ lɛ koo dɩ ʋ paala sʋrɩsɛ ŋ naasɩŋ bʋbʋɔŋ, a mʋʋ yi nɩɩ-la sɩ maga dɩ ʋ tɩɩʋ. Tinteyee kala jaŋ tuto ŋ niiŋ.

AZAAYA 65:9

Mɩ jaŋ leŋ dɩ Iziral arɩ Juda doho nɩaa pʋŋa pɛ a tɩɩ mɩ tintee-la sɩ kɛŋ peelee. Ba nɛ nɩalɩŋ mɩ sɩ lɩɩsa, ba ŋaa mɩ tɩntɩnnaa, ba nɛ jaŋ hɔŋ nɩmɛ.

ZƐKARƖYA 2:6

La TƖƖNA sɩ, “Má kɔ, má kɔ. Má fá lɩɩ wɩɩpɔsʋŋ nagʋa tinteeŋ lɛ. Mɩ kɛmma pɩsa hɛ dʋnɩa loŋgorunuŋ banɛsɛ-la lɛ nɛ.

Matiu 12:42

Ŋɩɩ nɛ Yesu bɩra bʋl, “Haal kʋbala nɛ fa hɛ nɩmɛ. Ʋ dii kuoruŋ tintee kʋbala lɛ baa yɩrɛ Sɩɩba. Ʋ sii lɩɩ ʋ jaŋ lɛ a mʋ dɩ-bolii dɩ ʋ jegile nɩɩ kuoro Solomoŋ wʋjɩmɩŋ. Sarɩya chɛ-diiliŋ, haal-la jaŋ sii a joŋ cheeriŋ a pɩ jɩnɩŋ nɩaa woruŋ. Mɩ jaŋ bʋla pɩma arɩ nʋʋ nɛ hɛ ma tʋɔŋ, ʋ yʋga kɩɩ Solomoŋ, ka ma bɩ sɛɩ dɩ ma jegile nɩɩ ʋ wɩaa.”

Matiu 13:41

Mɩ-na Nuhuobiine Bie jaŋ tɩŋ mɩ tɩndaaraa dɩ ba jʋʋ Wɩa kuorii-la tʋɔŋ a tʋɔsɛ nɩalɩŋ sɩ ŋaa wʋbɔŋ ŋaaraa, arɩ nɩalɩŋ kala sɩ ŋaa wʋbɔŋŋɔɔ

Matiu 13:49

Ŋ-la nɛ saa ʋ jaŋ nagɛ dʋnɩa dɩdɛrɩŋ. Wɩa tɩndaaraa jaŋ lɩɩ a tʋɔsɛ nɩbɔŋŋɔɔ nɩzɔŋŋɔɔ tʋɔŋ

Matiu 24:22

Dɩ Wɩa nɛ bɩ tapʋlɩa-la kere ta, nɩbala ma bɩ jaŋ ka. Ama nɩalɩŋ Wɩa sɩ lɩɩsa dɩ baa tou, ba wɩaa nɛ tɩɩ ʋ jaŋ keri tapʋlɩa-la ta.

Matiu 24:24

Nɩaa dɔnsʋŋ jaŋ sii fugo bʋl dɩ ba nɛ ŋaa Kirisito, nɩɩ-la Wɩa sɩ lɩɩsa. Dɔnsʋŋ ma jaŋ sii fugo bʋl ba ŋaa Wɩa wʋlaabʋllaa nɛ. Ba jaŋ ŋaa wʋmagɩlaa arɩ wʋkpuŋkperisiŋ kala a chɩchɛ dɩ ba nyɩsɛ nɩalɩŋ Wɩa sɩ lɩɩsa dɩ baa toba, dɩ ba nɛ wuolo.

Matiu 24:31

Ŋɩɩ nɛ ba jaŋ ŋmʋʋ nyil-balɩŋ, a tɩŋ Wɩa tɩndaaraa dɩ ba mʋ dʋnɩa sɛmɛ-na kala a kɛŋ nɩalɩŋ kala Wɩa sɩ lɩɩsa ba tutou a hilimi.

Maak 13:20

Dɩ La Tɩɩna fa bɩ tapʋlɩa-la kere ta, nɩbala ma fa bɩ jaŋ ka. Ama nɩalɩŋ ʋ sɩ lɩɩsa dɩ baa tou, ba wɩaa nɛ tɩɩ ʋ keri tapʋlɩa-la ta.

Maak 13:22

Nɩaa dɔnsʋŋ jaŋ sii fugo bʋl dɩ ba nɛ ŋaa Kirisito, Nɩɩ-la Wɩa sɩ lɩɩsa. Dɔnsʋŋ ma jaŋ sii fugo bʋl dɩ ba ŋaa Wɩa wʋlaabʋllaa nɛ. Ba jaŋ ŋaa wʋmagɩlaa arɩ wʋkpuŋkperisiŋ a chɩchɛ dɩ ba nyɩsɛ nɩalɩŋ Wɩa sɩ lɩɩsa dɩ baa tou.

Maak 13:28

Má gʋnnɛ wɩɩŋ a lɩɩ sɔjaamɩŋ lɛ, dɩ ma nɛ na ʋ kʋʋ tɔsɛ, ma jɩma arɩ lɩmbaŋa yie nɛ.

Luuk 16:22

Ŋɩɩ nɛ summu-la sii sʋʋ. Wɩa tɩndaaraa kʋ joŋu a kaa mʋ Abɩraham teeŋ. Ʋ hɔŋ ʋ sɛmɛ Wɩa-jaŋ lɛ aa nɩɩ sɩma. Kɩaa tɩɩna-la ma sʋʋ ba hugu,

Luuk 18:7

Ma saa bɩɩna Wɩa bɩ jaŋ pɛ nɩalɩŋ ʋ sɩ lɩɩsa lɛ dɩ ba laa kʋsɩŋŋaa, dɩ ba nɩɩ yel ʋ teeŋ wɩɩhɛyɛ arɩ tɩtaŋɩŋ kala? Ma bɩɩna ʋ jaŋ kɛmba kaa didieni aŋ vɩa dɩ ʋ pɛ ba lɛɛ.

Jɔɔŋ 10:16

Mɩ kɛŋ piesee dɔnsʋŋ ma, aŋ ka ba tuo piesee deemba tʋɔŋ. Mɩ jaŋ kɛŋ ba ma kaa kɔ. Ba ma jaŋ jɩŋ mɩ yikoro a kala ŋaa nɩbala piesee, ba pie-daara ma ŋaa kʋbala.

Jɔɔŋ 11:52

tinteeŋ deeŋ nɩaa ma dʋndʋŋa wɩaa dee, ama dɩ ʋ wuo pɛ kɛsɛ Wɩa biiri-la sɩ pɩsa hɛ leree dɔnsʋŋ ma a hɛ dɔŋɔ lɛ.

Rom Tɩŋŋaa 8:33

Kʋbɛɛ nɛ saa jaŋ bɩra joŋ cheeriŋ a pɩ nɩalɩŋ Wɩa sɩ lɩɩsa? Wɩa tɩtɩa nɛ leŋe ba kɛŋ tʋɔpʋla ʋ sɩpaaŋ.

MOSIS BƖRA WULLI WƖA WOMBIIŊ 30:4

Dɩ ma nɛ paala pɩsɛ a mʋ hɛ dʋnɩa loŋgoru-la sɩ faasa bol lɛ ma, ma TƖƖNA Wɩa ha jaŋ kɛmma mɩɩra kʋ hɛ dɔŋɔ.

Koloosi Nɩaa 3:12

Ŋɩɩ wɩaa, Wɩa sɩ lɩɩsɛma a choma a leŋ ma ŋaa ʋ nɩaa sɩ bɩ disiniŋ kɛnɛ, ma fɩfá nɩaa nenige a kɛŋ zile, a kɛŋ ma tɩtɩa muuri, a leŋ dɩ ma sɩaa fɩɛlɛ, a kɛŋ kenyiri.

2 Tɛsalonaaka Nɩaa 2:1

Mɩ naambiiri, mɩɩ chɛ dɩ mɩ bʋl La Tɩɩna Yesu Kirisito sɩ jaŋ mɩɩra kɔ wɩaa nɛ a pɩma. Dɩ ʋ nɩɩ kɔ, ʋ jaŋ leŋ la hilimi a chemu.

2 Timoti 2:10

Mɩ nyalɩma nɛ wɩɩkala lɛ a tɩŋ nɩalɩŋ Wɩa sɩ lɩɩsa wɩaa, dɩ Yesu Kirisito wuo laaba ta dɩ ba na ʋ tʋla a kaa mʋ deeŋ deeŋ.

1 Pɩɩta 1:2

Faafaa kala nɛ la Nyɩmma Wɩa bɩɩnɛ arɩ ʋ maga dɩ ma ŋaa ʋ nɩaa, ŋɩɩ nɛ tɩɩ ʋ lɩɩsɛma a joŋ ʋ Dɩŋ-zɔmʋŋ a hɛ ma lɛ, dɩ ma ŋaa tʋɔpʋl tɩmma ʋ teeŋ a tuto Yesu Kirisito niiŋ. Ʋ nɛ joŋ ʋ chalɩŋ jaasɛ ma wɩaa dɩ ma sɩ́ disiniŋ kɛŋ Wɩa teeŋ. La Tɩɩna Wɩa lahɔrɩmɔ lɛ, fɩɛlɩŋ jaŋ yʋgɛ ma teeŋ.