Maak 13:19 - WƖA TENIŊ

¹⁹ Wɩa sɩ ŋaa dʋnɩa a kʋʋ lɩɩ jɩnɩŋ, nʋʋkala ha bɩ hɛɛŋ deeŋ na a nagɛ ŋɩɩ, nʋʋ bɩra bɩ jaŋ na hɛɛŋ ŋɩɩ a kaa mʋ wuu.

Maak 13:19 ပူးပေါင်းရင်းမြစ်များ

JEMBIEE 1:12

Ʋ bɩ wɩɩ ŋaa ma nɩalɩŋ kala sɩ to lee-la bɩbal teeŋ? Má bee gollo na. Nʋʋ tuo ʋ hɛɛŋ nagɛ hɛɛ-la mɩ sɩɩ na, kʋ-la La TƖƖNA sɩ joŋo hɛ mɩ lɛ, tapʋlɩɩ-la ʋ baanɩŋ sɩ faasa sii.

JEMBIEE 2:13

Jerusalɛm nɩaa, wʋbɛɛ nɛ mɩ jaŋ wuo bʋla pɩma? Bɛɛ kʋŋ nɛ mɩ jaŋ kɛmma kaa magɩsɛ? Ɛɛ nɛ mɩ jaŋ ŋaa nyagɛ ma bɔyɛ dɩ ma tʋɔŋ pɩŋ dɩ-bala? Ma naawɩɩlɩŋ luŋie a nagɛ mʋga nɛ. Kʋbɛɛ nɛ jaŋ wuo vaarɛma?

JEMBIEE 4:6

Ŋɩɩ ba sɩ dɔgɩsɛ mɩ nɩaa nɛ yʋga a kɩɩ ŋɩɩ ba fa sɩ dɔgɩsɛ Sodom nɩaa. Wɩa fa guu cheiba nɛ, ka nʋʋ tuo dɩ ʋ pɛ ba lɛ.

DANƖƐL 12:1

Ŋɩɩ nɛ kʋ-la sɩ nagɛ nuhuobiine a laalɛ gɛrɩpɛ fʋfʋlʋŋ gɛrɩŋ bɩra bʋl, “Bʋa-la lɛ Wɩa tɩndaarɩ-hɩaŋ-la ba sɩɩ yɩrɛ Maakɩl, nɩɩ-la sɩɩ pɔ ŋ nɩaa jaŋ kʋ lɩɩ. Bʋa-la lɛ hɛɛŋ jaŋ hɛ nɩmɛ. Wɩa sɩ ŋaa dʋnɩa a kaa kɔ bʋa-la lɛ hɛɛ-la doho ha bɩ jʋa aŋ ka. Ama ŋ nɩalɩŋ kala yɩraa sɩ hɛ mɩɩsɩŋ teŋ-la tʋɔŋ, ba jaŋ laaba ta.

DANƖƐL 9:12

Ŋ leŋe wɩalɩŋ ŋ sɩ bʋla tɩgɛ la dɩ la sɩpaalaaraa lɛ kʋ ŋaa wʋtɩtɩɩ nɛ. Ŋ sɩ joŋ wʋlɔrʋnʋŋ ŋaa la lɛ, dʋnɩa kala lɛ wʋdoho-la sɩ ŋaa Jerusalɛm lɛ ha bɩ ŋaa aŋ ka.

DANƖƐL 9:26

Jɩsɩŋ zɔɔ-banɛsɛ arɩ mahɩŋ banɛsɛ arɩ batori-la harɩŋ lɛ, ba jaŋ kpʋ sɩpaalaarʋ-la ba sɩ lɩɩsa arɩ ʋ kʋŋkala ta. Sɩpaalaara dɔŋɔ ma arɩ ʋ laalɩyuoroo jaŋ kʋ lɩɩ a chei tabal-la arɩ Wɩa dɩɩ-balɩŋ, a nagɛ lɩɩŋ sɩ pɛllɛ paa nɩaa. Laalɩŋ arɩ leriŋ cheyiŋ ha jaŋ hɛ nɩmɛ a kaa mʋ dɩdɛrɩŋ arɩ ŋɩɩ Wɩa sɩ daga.

JOWƐL 2:2

Ʋ jaŋ ŋaa biriŋ lim tapʋlɩɩ, duoŋ-bɩlɩmbaanaa jaŋ tɔ dɩ leriŋ biri. A nagɛ wɩɩpɔsʋŋ sɩ yie guu tɔɔ lɩɩ ŋɩɩ peelee nyuŋ, ŋɩɩ nɛ laalɩyuoroo sɩ yʋga a kɛŋ doluŋ woruŋ jaŋ kɔ. Ba doho ha bɩ kɔ aŋ ka, maachie ma ba bɩra bɩ jaŋ kɔ.

Matiu 24:21

Wɩa sɩ ŋaa dʋnɩa a kuu lɩɩ jɩnɩŋ, nʋʋkala ha bɩ hɛɛ-doho deeŋ na a nagɛ ŋɩɩ, ba bɩra bɩ jaŋ na hɛɛŋ ŋɩɩ a kaa mʋ wuu.

Maak 10:6

Ama Wɩa sɩ bugumo ŋaa dʋnɩa, nɩalɩŋ ʋ sɩ ŋaa, ba ŋaa baal arɩ haal nɛ.

Maak 13:18

Má sʋl Wɩa dɩ wɩɩŋ deeŋ sɩ́ waarɩŋ bʋa lɛ ŋaa.

Maak 13:20

Dɩ La Tɩɩna fa bɩ tapʋlɩa-la kere ta, nɩbala ma fa bɩ jaŋ ka. Ama nɩalɩŋ ʋ sɩ lɩɩsa dɩ baa tou, ba wɩaa nɛ tɩɩ ʋ keri tapʋlɩa-la ta.

MOSIS BƖRA WULLI WƖA WOMBIIŊ 28:59

La TƖƖNA Wɩa jaŋ joŋ nyanyal bɔŋŋɔɔ arɩ wʋlɔrʋnʋŋ a hɛ ma dɩ ma doho nɩaa lɛ dɩ ma na hɛɛŋ a dieni kɩŋkɛŋ. Nyanyalɩa-la bɩ jaŋ kɛŋ daaluno kala.

MOSIS BƖRA WULLI WƖA WOMBIIŊ 4:32

Ma pɩɛsa nɩɩ, a lɩɩ bʋa-la lɛ Wɩa sɩ ŋaa nuhuobiine a kaa kɔ bʋa-la lɛ ba sɩ lʋlma, wʋbalɩŋ deeŋ doho ha ŋaa? Koo nʋʋ ha nɩɩ wʋdoho dɔŋɔ dʋnɩa kala lɛɛ?

Jɔɔŋ Wʋnaalaa 7:14

Ŋɩɩ nɛ mɩ bʋla pʋ, “Ŋ nɛ jɩma, mɩ kʋhɩaŋ.” Ŋɩɩ nɛ ʋ bʋla pɩmɛ, “Nɩaa deemba nɛ Wɩa lɩɩsɛ hɛɛ-bal-la tʋɔŋ. Ba chɛsɛ ba gɛnnɩŋ Pie-bie-la chalɩŋ lɛ nɛ, ba lɩɩ a pʋllɛ.