Maak 13:11 - WƖA TENIŊ

¹¹ Dɩ ba nɛ kɛmma kaa mʋ dɩ ba diima sarɩya, má sɩ́ leŋe dɩ ma bɔɩsɩŋ joŋ wɩalɩŋ ma sɩ jaŋ bʋl a laa ma tɩtɩa lɛ. Bʋa-la lɛ Wɩa jaŋ joŋ wʋjɩmɩŋ a hɛ ma nyuŋ lɛ. Wɩɩ-la kala sɩ kɔ ma nyuŋ, má bʋl. Ma dee bɩ jaŋ bʋl, Wɩa Dɩŋ-zɔŋ-la nɛ jaŋ bʋl.

Maak 13:11 ပူးပေါင်းရင်းမြစ်များ

2 SAMƲƐL 23:2

“La TƖƖNA Dɩma-la to mɩ lɛ a bʋl wɩaa nɛ, ʋ joŋ wɩalɩŋ ʋ sɩɩ chɛ mɩ bʋl hɛ mɩ niiŋ lɛ nɛ.

AZAAYA 50:4

La TƖƖNA Wɩɩjarɩbakɔ joŋ nɩaa dagɩŋ doluŋ pɩmɛ nɛ, dɩ mɩ bʋl wɩaa a leŋ dɩ nɩalɩŋ nandaasɩŋ sɩ yʋɔra nyuŋ nyaasɛ. Chʋchʋa na-kala, ʋ yie chɩsɛmɛ nɛ a leŋ mɩ cho dɩ mɩ nɩɩ wɩalɩŋ ʋ sɩɩ chɛ ʋ dagɛmɛ.

Matiu 10:17

Má kɛŋ ma tɩtɩa woruŋ nɩbɔŋŋɔɔ deemba teeŋ. Ba jaŋ kɛmma kaa mʋ nɩalɩŋ sɩ yie hilime vʋvʋʋrɛ wɩaa teeŋ dɩ ba dii ma sarɩya. Ba jaŋ vɩɩrɛma Wɩɩchʋɔlɛ dɩɩsɩŋ lɛ.

Maak 13:12

Naambiiriŋ jaŋ kɛŋ dɔŋɔ kaa mʋ pa dɩ ba kpʋ. Nyɩmmaba ma jaŋ ŋaa ŋɩɩ ba biiriŋ lɛ. Biiriŋ ma jaŋ kɛsɛ ba nyɩmmaba arɩ ba naamba, a kaa mʋ pa dɩ ba kpʋ.

Maak 13:9

Ama má kɛŋ ma tɩtɩa woruŋ. Ba jaŋ kɛmma kaa mʋ nɩalɩŋ sɩ yie hilime vʋvʋʋrɛ wɩaa teeŋ dɩ ba dii ma sarɩya. Ba jaŋ ŋmooma Wɩɩchʋɔlɛ dɩɩsɩŋ lɛ. Ma jaŋ chɩŋ kuoroo arɩ taŋ kʋhɩasɩŋ sɩpaaŋ a tɩŋ mɩ wɩaa a ŋaa mɩ pɛ-naaraa.

Luuk 21:12

Ka dɩ wɩaa deemba kala-na ŋaa, ba jaŋ kɛsɛma a to naasɩŋ dɔgɩsɛma. Ba jaŋ jomma hɛ nɩaa nɩsɩŋ lɛ dɩ ba dii ma sarɩya Wɩɩchʋɔlɛ dɩɩsɩŋ lɛ a kɛmma tɔ dɩa. Ba jaŋ kɛmma kaa mʋ kuoroo arɩ nɩbalaa sɩpaaŋ a tɩŋ mɩ wɩaa.

Jɔɔŋ 3:27

Ŋɩɩ nɛ Jɔɔŋ bʋl, “Nʋʋkala bɩ jaŋ wuo kɛŋ kʋŋkala, see dɩ Wɩa joŋo pʋ.

Tɩntɩŋŋaa 2:4

Ba sɩ togili nʋʋkala lɛ ŋɩɩ, Wɩa Dɩŋ-zɔmʋŋ hɛba kala lɛ, a pɩba doluŋ ba suomo bʋbʋl yikori dosunuŋ.

Tɩntɩŋŋaa 3:13

Wɩa-la sɩ ŋaa la naabalɩmaba Abɩraham arɩ Aɩzɩk arɩ Jekɔb Wɩa, ʋ nɛ joŋ yɩrɩ-balɩŋ a pɩ ʋ Bie Yesu. Ʋ nɛ ma kaa pa ba dii ʋ sarɩya, aŋ bʋl ma bɩ ʋ jɩŋ Paalɩt sarɩya diire-la sɩpaaŋ. Ʋ faa bɩɩnɛ dɩ ʋ joŋu ta, ka ma bɩ sɛyɛ.

Tɩntɩŋŋaa 4:31

Ba sɩ chʋɔlɛ Wɩa dɛrɛ, lee-la ba sɩ hilime zigili. Wɩa Dɩŋ-zɔmʋŋ kʋ hɛ ba kala lɛ. Ba suomo bʋbʋl Wɩa niiŋ wɩaa arɩ nyuduoŋ.

Tɩntɩŋŋaa 6:10

Ama Wɩa Dɩŋ-zɔmʋŋ fa pɩ Sɩtɩɩvɩŋ wʋjɩmɩŋ nɛ woruŋ nɩalɩŋ bɩ ʋ wuo pagɩsɛ.

Tɩntɩŋŋaa 6:15

Nɩalɩŋ kala fa sɩ hilimi lee-la chaarɛ sɩaa a pɛ Sɩtɩɩvɩŋ lɛ. Ba na dɩ ʋ sɩaa nagɛ Wɩa tɩndaara sɩaa.

Tɩntɩŋŋaa 7:55

Ŋɩɩ nɛ Wɩa Dɩŋ-zɔmʋŋ faasa hɛ Sɩtɩɩvɩŋ lɛ yʋgɛ. Ʋ wʋla beŋ wɩa-nyuŋ a na Wɩa tʋla, a na Yesu ma dɩ ʋ hɔŋ Wɩa nadiiŋ, nɩduoŋ dɩhɔnʋŋ.

1 Kɔrɩntɩ Nɩaa 2:13

La yie bʋl kɩaa deemba wɩaa a pɩ nɩaa nɛ. Dʋnɩa deeŋ wʋjɩmɩŋ dee la kaa bʋbʋl wɩaa. Ama Wɩa Dɩŋ-zɔŋ-la nɛ dagɛla ŋɩɩ la sɩ jaŋ bʋl wɩalɩŋ. Ʋ yie dagɛ ʋ tɩtɩa wɩaa bʋbʋɔŋ a pɩ nɩalɩŋ lɛ ʋ sɩ hɛ, dɩ ba ma jɩŋ ba bʋbʋɔŋ.

Ɛfɛsɩs Nɩaa 3:5

Wɩa fa bɩ leŋe nʋʋkala jɩŋ wɩaa deemba, ama lɛɛlɛ ʋ to ʋ Dɩŋ-zɔmʋŋ lɛ nɛ a joŋ wɩalɩŋ dagɛ ʋ nanzɔɔba-la sɩ kɛŋ tʋɔpʋla arɩ ʋ wʋlaabʋllaa.

Jeems 1:5

Dɩ ma kʋŋkala nɛ bɩ wʋjɩmɩŋ kɛnɛ, ʋ sʋl Wɩa dɩ ʋ pʋ wʋjɩmɩŋ. Wɩa kɛŋ zile, ʋ yie joŋ wʋjɩmɩŋ pɩ nʋʋkala sɩ sʋlʋ nɛ, ʋ bɩ nʋʋkala vɩa ta.

1 Pɩɩta 1:12

Wɩa joŋo dagɛba arɩ ma wɩaa nɛ tɩɩ ba faa bʋl wɩaa deemba, ba tɩtɩa wɩaa dee. Lɛɛlɛ nɩalɩŋ sɩ bʋl Wɩa wʋzɔmɔ-la pɩpɩma, ba dagɛma bumbuŋ wɩaa deemba kala nɛ. Wɩa Dɩŋ-zɔmʋŋ sɩ lɩɩ Wɩa-jaŋ kʋ tuu hɛba lɛ nɛ pɩba doluŋ deeŋ. Wɩa tɩndaaraa ma fa cho dɩ ba na wɩaa deemba nɛ.