Maak 13:10 - WƖA TENIŊ

¹⁰ Ʋ maga dɩ ba laa sɩpaaŋ bʋl Wɩa wʋzɔŋŋɔɔ a pɩ tinteyee nɩaa kala, ka dɩ dʋnɩa dɩdɛrɩŋ na yi.

Maak 13:10 ပူးပေါင်းရင်းမြစ်များ

Matiu 12:41

Sarɩya chɛ-diiliŋ, Nɩnɩvɛ nɩaa ma jaŋ sii a joŋ cheeriŋ pɩ ma jɩnɩŋ nɩaa woruŋ. Bʋa-la lɛ Jona fa sɩ mʋ bʋl Wɩa wɩaa pɩ Nɩnɩvɛ nɩaa, ba bɩrɩma lɩɩ ba wʋbɔŋŋɔɔ lɛ nɛ a to Wɩa. Mɩ jaŋ bʋla pɩma arɩ nʋʋ nɛ hɛ ma tʋɔŋ a yʋga kɩɩ Jona, ka ma bɩ sɛɩ dɩ ma jegile nɩɩ ʋ wɩaa.”

Matiu 24:14

Ba jaŋ laa sɩpaaŋ bʋl Wɩa wʋzɔmɔ-la a tɩgɛ Wɩa kuorii-la lɛ lee-na kala dɩ dʋnɩa nʋʋkala nɩɩ, ka dɩ dʋnɩa dɩdɛrɩŋ-na yi.

Maak 16:15

Ʋ bʋla pɩba, “Má mʋ dʋnɩa sɛmɛ-na kala a bʋl Wɩa wʋzɔmɔ-la a pɩ nʋʋ na-kala.

Rom Tɩŋŋaa 1:8

Wɩɩ-la mɩ sɩ kɛnɛ dɩ mɩ laa sɩpaaŋ bʋl nɛ ŋ-la: Mɩ to Yesu Kirisito lɛ aa lɔllɛ Wɩa ma kala wɩaa, bɛɛ wɩaa dʋnɩa nʋʋkala nɩɩ ŋɩɩ ma sɩ laa Wɩa dii nɛ.

Rom Tɩŋŋaa 10:18

Ama mɩ jaŋ pɩɛsɛ wɩɩŋ deeŋ: Ba bɩ Wɩa wʋzɔmɔ-la nɩaa? Ba nɩa nɛ. Ba ŋmʋnsɛ Wɩa teniŋ tʋɔŋ a tɩgɛ Wɩa wʋzɔmɔ-la lɛ a bʋl, “Ba bʋl wɩaa deemba dʋnɩa lee-kala nɛ. Dʋnɩa nʋʋkala nɛ nɩɩ wɩaa deemba.”

Rom Tɩŋŋaa 15:19

wʋkpuŋkperisi-la arɩ wʋmagɩla-la mɩ sɩ ŋaa Wɩa Dɩŋ-zɔŋ-la doluŋ lɛ. Mɩ chaasa bʋl Kirisito wʋzɔmɔ-la, a suomi Jerusalɛm lɛ a gɔllɛ ŋɩɩ a mʋ yi Iliirikam.

Koloosi Nɩaa 1:23

Kirisito jaŋ ŋaa wɩalɩŋ pɩma, dɩ ma nɛ chɩŋ wɩalɩŋ ma sɩ laa dii lɛ kpaŋ kpaŋ, aa yɩɛlɛ wɩalɩŋ ba sɩ bʋla Wɩa wʋzɔmɔ-la tʋɔŋ. Ma nɩɩ Wɩa wʋzɔŋŋɔɔ deemba ba sɩ bʋla pɩ nɩaa dʋnɩa lee-kala nɛ. Mɩ-na Pɔɔl ma kʋ ŋaa Wɩa tɩntɩnnaa dɔŋɔ aa bʋl Wɩa wʋzɔŋŋɔɔ deemba.

Koloosi Nɩaa 1:6

Wɩa wʋzɔŋŋɔɔ deemba tɩŋ tɩntɩŋ-zɔŋŋɔɔ nɛ leree yʋgɛ dʋnɩa lɛ. Nɩaa yʋga a laaba dii, ba pʋŋ lere-la arɩ ba sɩ pʋŋ ŋɩɩ ma lɛ. Ba pʋŋ ŋɩɩ ma lɛ a suomi bʋa-la lɛ ma sɩ jegile nɩɩ wʋzɔmɔ-la a sɛnɛ jɩŋ ŋɩɩ Wɩa sɩ pɛ ma lɛ ʋ lahɔrɩmɔ lɛ.

Jɔɔŋ Wʋnaalaa 14:6

Ŋɩɩ nɛ mɩ bɩra na Wɩa tɩndaara dɔŋɔ dɩ ʋʋ fil wɩa-nyuŋ dɩ-bolii. Ʋ fa kori Wɩa Wʋzɔmɔ-la nɛ, Wʋzɔmɔ-la sɩ jaŋ hɛ nɩmɛ a kaa mʋ wuu. Ʋ kaa mʋ bʋla pɩ tintee kala nɩaa, doho kala nɩaa, yikoro kala nɩaa arɩ nɩaa kala.