Maak 12:26 - WƖA TENIŊ

²⁶ Na ma pɩɛsɛmɛ nɩalɩŋ sɩ jaŋ sii sʋʋŋ lɛ wɩaa nɛ, ma bɩ wɩalɩŋ Mosis sɩ bʋla Wɩa teniŋ tʋɔŋ karɩma, lee-la ʋ fa sɩ bʋl wɩaa a tɩgɛ tɩɩ-pugubie sɩɩ dii nyiniŋ lɛɛ? Wɩa nɛ bʋla pʋ dɩ ʋ nɛ ŋaa Abɩraham, Aɩzɩk arɩ Jekɔb Wɩa. (Bʋa-la lɛ ʋ sɩ bʋl ŋɩɩ dɩ Abɩraham arɩ Aɩzɩk arɩ Jekɔb fa sʋba nɛ.)

Maak 12:26 ပူးပေါင်းရင်းမြစ်များ

WƖAA DƖ-SUOMUŊ 26:24

Tɩtaŋ-la tɩtɩa nɛ Wɩa kɛŋ ʋ tɩtɩa kʋ dagʋ aŋ bʋl, “Mɩ nɛ ŋaa ŋ nyɩmma Abɩraham Wɩa. Sɩ́ leŋe dɩ fawʋllʋŋ kɛnɩŋ. Mɩ hɛ ŋ harɩŋ, mɩ jaŋ pɛ ŋ lɛ a leŋ dɩ ŋ doho nɩaa pʋŋ a tɩŋ mɩ tɩntɩnna Abɩraham wɩaa.”

WƖAA DƖ-SUOMUŊ 28:13

Ka ʋ na La TƖƖNA dɩ ʋ chɩna a chuguli lusuŋ-chol-la nyuŋ a bʋl, “Mɩ nɛ ŋaa ma TƖƖNA, ma nyɩmma Abɩraham arɩ Aɩzɩk Wɩa. Mɩ jaŋ joŋ lee-la ŋ sɩ pɩna a pɩ ŋ dɩ ŋ doho nɩaa.

WƖAA DƖ-SUOMUŊ 31:42

Dɩ mɩ nyɩmma Abɩraham Wɩa arɩ Aɩzɩk sɩɩ fá Wɩa-la fa bɩ mɩ harɩŋ chɩna, ŋ fa jaŋ lemmi ta arɩ na-hɩllɩŋ. Ama Wɩa na hɛɛ-la mɩ sɩ na nɛ ŋ nɩsɩŋ lɛ, ŋɩɩ nɛ tɩɩ Wɩa laa pɛ mɩ lɛ a dɩa bʋl wɩaa pɩŋ tɩtaŋɩŋ ŋɩɩ.”

WƖAA DƖ-SUOMUŊ 32:9

Ŋɩɩ nɛ Jekɔb sʋl Wɩa a bʋl, “Mɩ nyɩmma Abɩraham Wɩa, mɩ nyɩmma Aɩzɩk Wɩa, ŋ nɛ bʋla pɩmɛ, dɩ mɩ mɩɩra mʋ mɩ tinteeŋ mɩ nɩaa teeŋ, dɩ ŋ jaŋ pɛ mɩ lɛ dɩ mɩ nɩsɩŋ jʋʋ woruŋ.

WƖAA DƖ-SUOMUŊ 33:20

Ʋ saa Wɩɩsʋllɩ koruŋ nɩmɛ a hɛ ʋ yɩrɩŋ Ɛl-Ɛlɔhɩ Iziral.

MOSIS KƐŊ IZIRAL TƖŊŊAA LƖƖ 3:16

Mʋ a yɩrɛ Iziral nɩhɩasɩŋ kala a hilimi a bʋla pɩba, ‘Ma TƖƖNA Wɩa sɩ ŋaa ma naabalɩma Abɩraham, Aɩzɩk arɩ Jekɔb Wɩa nɛ kɛŋ ʋ tɩtɩa kʋ dagɛmɛ a bʋl: Mɩ na ma nɛ, a na ba sɩɩ ŋaama ŋɩɩ Ijipiti tinteeŋ lɛ.

Maak 12:10

Ŋɩɩ nɛ Yesu pɩɛsɛ nɩalɩŋ sɩ nɩɩ namaga-la, “Ma bɩ wɩɩŋ deeŋ karɩma Wɩa teniŋ tʋɔŋ? ‘Tie-bii-la dɩɩ-saaraa sɩ vɩa, ʋ nɛ mɩɩra kʋ ŋaa tie-bii-duoŋ ba sɩ joŋo bil dɩa gentine.

Maak 12:25

Tapʋlɩɩ-la nɩaa sɩ jaŋ sii sʋʋŋ lɛ, baalaa bɩra bɩ jaŋ jaa haalaa, haalaa ma bɩra bɩ jaŋ jaa balaba. Ba kala jaŋ nagɛ Wɩa tɩndaaraa sɩ hɛ Wɩa-jaŋ lɛ.

Luuk 20:37

Mosis fa paala chaasa dagɛ arɩ ba jaŋ chɩsɛ nɩalɩŋ sɩ sʋba sʋʋŋ lɛ dɩ ba wei. Ʋ fa bʋl Wɩa teniŋ sɛmɛ dɔŋɔ arɩ La Tɩɩna Wɩa nɛ ŋaa Abɩraham Wɩa arɩ Aɩzɩk Wɩa arɩ Jekɔb ma Wɩa. Lee-la ʋ fa sɩ bʋl wɩaa a tɩgɛ tɩɩ-bie-la sɩɩ dii nyiniŋ lɛ nɛ, ʋ fa bʋl ŋɩɩ.

Jɔɔŋ 20:17

Ŋɩɩ nɛ Yesu bʋla pʋ, “Sɩ́ mɩ kɛŋ. Mɩ ha bɩ mɩ Nyɩmma teeŋ jɩla. Ama mʋ bʋla pɩ mɩ naambiiriŋ arɩ mɩ jaŋ jɩl mɩ Nyɩmma teeŋ. Ʋ ŋaa ma ma Nyɩmma nɛ a ŋaa mɩ Wɩa, a ŋaa ma ma Wɩa.”

Rom Tɩŋŋaa 11:2

Wɩa bɩ ʋ nɩaa vɩa, nɩalɩŋ ʋ sɩ laa sɩpaaŋ lɩɩsɛ. Ma bɩ wɩalɩŋ ba sɩ ŋmʋnsa Wɩa teniŋ tʋɔŋ ka liisii? Wɩalɩŋ ba sɩ ŋmʋnsa a tɩgɛ Ɩlaaja lɛɛ? Ba ŋmʋnsa arɩ Ɩlaaja fa bʋl Iziral tɩŋŋaa wɩaa pɩ Wɩa a tɩŋ ba wʋbɔŋŋɔɔ wɩaa.