Maak 12:17 - WƖA TENIŊ

¹⁷ Ŋɩɩ nɛ ʋ bʋla pɩba, “Tɔɔ, má joŋ Rom tinteeŋ kuoru-balɩŋ kɩaa pʋ aŋ joŋ Wɩa ma kɩaa pʋ.” Yesu sɩ bʋl ŋɩɩ, ba niiriŋ kala maa.

Maak 12:17 ပူးပေါင်းရင်းမြစ်များ

NAMAGABA 23:26

Mɩ bii, suri ŋ tʋɔŋ pɩmɛ, aŋ leŋ dɩ ŋ sɩaa hɛ mɩ wʋŋaalaa lɛ.

NAMAGABA 24:21

Mɩ bii, fɩfá La Tɩɩna arɩ kuoro, aŋ pʋpɔ ŋ sɩ́ ŋ tɩtɩa kaa mʋ mɛrɛ nɩalɩŋ sɩ bɩ ba niiŋ ka to lɛ.

MALAKAƖ 1:6

Mɩ-na ma TƖƖNA doluŋ kala Tɩɩna sɩ, “Biiriŋ yie zizil ba nyɩmmaba nɛ, tɩntɩnnaa ma zizil ba nɩhɩasɩŋ. Mɩ-na nɛ ŋaa ma nyɩmma, a ŋaa ma nɩhɩaŋ ma. Wʋbɛɛ nɛ saa ma ŋaa a zizilmi? Ma Wɩɩsʋllɩ sɩpaalaaraa, ma sɩɩŋ jʋʋmɛ nɛ, aŋ lɛɛlɛ pɩɛsɛ, ‘Sɩɩ-jʋʋ wʋbɛɛ nɛ la ŋaa ŋ-na La Tɩɩna lɛ?’

Matiu 22:21

Ŋɩɩ nɛ ba bʋl dɩ Siiza yɩrɩŋ nɛ. Ʋ bʋla pɩba, “Tɔɔ, má joŋ Rom tinteeŋ kuori-bal-la kɩaa pʋ aŋ joŋ Wɩa ma kɩaa pʋ.”

Matiu 22:22

Yesu sɩ bʋl ŋɩɩ, ʋ ŋaaba wʋkpuŋkpere ba sii viiri.

Matiu 22:33

Nɩ-daŋ-la sɩ nɩɩ ŋɩɩ ʋ sɩɩ dagɛ wɩaa, ʋ ŋaaba wʋkpuŋkpere.

Matiu 22:46

Yesu sɩ bʋl ŋɩɩ, nʋʋkala bɩra bɩ wɩɩ wuo bʋl. A chɩŋ tapʋlɩɩ-la kala a kaa mʋ, nʋʋkala bɩra bɩ nyuduoŋ kɛnɛ dɩ ʋ pɩɛsʋ wɩɩkala.

Matiu 8:10

Yesu sɩ nɩɩ wɩaa deemba, ʋ ŋaaʋ wʋkpuŋkpere. Ŋɩɩ nɛ ʋ bʋla pɩ nɩ-daŋ-la fa sɩɩ to ʋ harɩŋ, “Wʋtɩtɩɩ nɛ mɩ bʋlaa pɩma, mɩ ha bɩ Wɩa laa diiniŋ deeŋ doho na Iziral nɩaa tʋɔŋ.

Maak 12:16

Ba kɛŋ dɔŋɔ kaa kɔ. Ŋɩɩ nɛ ʋ pɩɛsɛba, “Kʋbɛɛ nyuŋ nɛ hɛ nɩmɛ? Kʋbɛɛ yɩrɩŋ ma nɛ ba tuuro hɛ moribii-la lɛ?” Ŋɩɩ nɛ ba bʋl, “Siiza yɩrɩŋ nɛ.”

Maak 12:30

Cho ŋ Tɩɩna Wɩa arɩ ŋ tʋɔŋ, ŋ doluŋ arɩ ŋ wɩɩwɩɩ kala.’

Luuk 20:25

Ŋɩɩ nɛ Yesu bʋl, “Tɔɔ, má joŋ Rom tinteeŋ kuori-bal-la kɩaa a pʋ, aŋ joŋ Wɩa ma kɩaa pʋ.”

Rom Tɩŋŋaa 12:1

Ŋɩɩ wɩaa, mɩ naambiiriŋ, a tɩŋ Wɩa sɩ faasa fá la nenige wɩaa, mɩɩ sʋlma dɩ ma joŋ ma mɩɩsɩŋ kala a pɩ Wɩa, arɩ ba fa sɩ yie kpʋ pʋsʋŋ a ŋaa Wɩɩsʋlʋŋ pɩ Wɩa ŋɩɩ. Ma sɩ joŋ ma tɩtɩa a pɩ Wɩa ŋɩɩ, ma bɩra sɩ́ disiniŋ kɛŋ, dɩ Wɩa wuo laama. Wɩɩ-chʋɔlʋŋ wombiiŋ tɩtɩa nɛ ŋɩɩ.

Rom Tɩŋŋaa 13:7

Má tiŋ nʋʋkala chɩmɩŋ ma sɩ die, a tiŋ lampoo ma kala sɩ maga ma tiŋ. Má fá nɩalɩŋ sɩ maga dɩ ma fá, a zil nɩalɩŋ ma sɩ maga ma zil.

Rom Tɩŋŋaa 6:13

Ʋ bɩ maga dɩ ma joŋ ma yaraa lee-kala pɩ Sɩtaanɩ a ŋɩŋaa wʋbɔŋŋɔɔ. Ama má joŋ ma tɩtɩa pɩ Wɩa. Ma-na nagɛ nɩalɩŋ ʋ sɩ chɩsa sʋʋŋ lɛ nɛ ma kɛŋ mɩɩsɩŋ. Má saa joŋ ma yaraa kala pʋ dɩ ʋ leŋ dɩ maa ŋaa tʋɔpʋl wɩaa.

1 Pɩɩta 2:17

Máa zil nʋʋkala. Má cho nɩalɩŋ ma sɩ laa Yesu wɩaa dii a ŋaa ma naambiiriŋ. Má fá Wɩa a zizil ma kuoru-balɩŋ.