Maak 12:14 - WƖA TENIŊ

¹⁴ Ba kɔ ʋ teeŋ a bʋla pʋ, “La Kʋhɩaŋ, la jɩma dɩ ŋ kɛŋ wʋtɩtɩɩ nɛ. Ŋ sɩpaa tuo nʋʋ lɛ. Ŋ bɩ nɩbal sɩɩŋ ka fá. Ŋŋ dagɛ Wɩa wombii-tɩtɩɩ-la nɛ. Ʋ ŋaa wombiiŋ nɛ dɩ la tiŋ lampoo a pɩ Rom tinteeŋ kuoru-balɩŋ ba sɩɩ yɩrɛ Siiza koo ʋ bɩ wombii ŋaa?

Maak 12:14 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 18:13

Ŋɩɩ nɛ Mɩkaaya bʋl, “La TƖƖNA sɩ weye wɩaa, wɩɩ-la mɩ Wɩa sɩ bʋla, ʋ nɛ mɩ jaŋ bʋl.”

2 IZIRAL TƖŊŊAA NAABARƖŊ 19:7

Má fá La TƖƖNA, a fɩɛlɛ ma sɩaa a didii sarɩya. La TƖƖNA Wɩa bɩ chɛ dɩ ma kɛŋ wʋtɩtɩɩ bɩrɩmɛ, ʋ bɩ chɛ dɩ ma kɛŋ nɩaa kaa pɔrɛ koo a lɩlaa kpalaa nɩaa teeŋ.”

NƐHƖMAAYA 9:37

A tɩŋ la wʋbɔŋŋɔɔ wɩaa, tintee-la kʋdii daŋ-la kala mɩɩra ŋaa kuoroo-la nɩsɩŋ lɛ ŋ sɩ joŋ-la hɛ kɩaa nɛ. Baa benla arɩ la pʋsʋŋ ŋɩɩ kala ba sɩ cho nɛ. Hɛɛŋ chaasa vɔgɛla nɛ.

WƖA YƖƖLAA 120:2

Mɩ Tɩɩna, laamɛ ta wʋnyɩɛraa arɩ nɩalɩŋ sɩɩ nyɩsɛ nɩaa nɩsɩŋ lɛ.

WƖA YƖƖLAA 55:21

Ʋ wʋbʋlaa sɩma a nagɛ tʋʋŋ, ama ʋ tʋɔŋ lɛ ʋ bɛrɛ nɩaa nɛ. Ʋ wʋbʋlaa ma pʋnyɛ nɛ a nagɛ nʋʋŋ, aŋ kikeri nɩaa a nagɛ tokobiiŋ sɩ kɛŋ niiŋ.

JƐRƖMAAYA 42:20

arɩ ma chaasa chei wɩɩ nɛ ma sɩ tɩmmɛ La TƖƖNA Wɩa teeŋ a bʋl, ‘Sʋl La TƖƖNA Wɩa a pɩla, aŋ bʋl wɩɩ-la kala ʋ sɩ bʋla a pɩla, la jaŋ ŋaa.’

MƖKA 3:8

Ama mɩ-na Mɩka, La TƖƖNA joŋ ʋ Dɩma hɛ mɩ lɛ nɛ mɩ kɛŋ doluŋ, a jɩŋ wɩalɩŋ sɩ maga dɩ nɩaa ŋaa a kɛŋ bɔɩ-duoŋ dɩ mɩ dagɛ Iziral tɩŋŋaa wʋbɔŋŋɔɔ pɩba.

Matiu 22:16

Ŋɩɩ nɛ ba tɩŋ ba harɩ-tooroo dɔnsʋŋ arɩ Hɛrɔd ma harɩ-tooroo dɔnsʋŋ dɩ ba mʋ Yesu teeŋ. Ŋɩɩ nɛ ba kɔ ʋ teeŋ a pɩɛsʋ, “La kʋhɩaŋ, la jɩma dɩ ŋ kɛŋ wʋtɩtɩɩ nɛ a dɩdagɛ Wɩa tonuŋ wombii-tɩtɩɩ-la. Ŋ sɩpaaŋ tuo nʋʋ lɛ. Ŋ bɩ nɩbal sɩɩ ka fá.

Matiu 22:17

Saa bʋla pɩla, ʋ ŋaa wombii nɛ a magɛ la tiŋ lampoo a pɩ Rom tinteeŋ kuoru-balɩŋ ba sɩɩ yɩrɛ Siiza? Ɛɛ nɛ ŋ ma bɩɩnɛ?”

Maak 12:13

Ba mɩɩra mʋ aŋ tɩŋ Farisii tɩŋŋaa dɔnsʋŋ arɩ Hɛrɔd harɩ-tooroo dɔnsʋŋ dɩ ba bɩra mʋ Yesu teeŋ a magɩsʋ a bɛrɛ kɛnʋ.

Maak 12:15

La time pʋ koo la sɩ́ tiŋ?” Ama Yesu jɩma dɩ ba fugoo bʋl nɛ, ŋɩɩ nɛ ʋ pɩɛsɛba, “Bɛɛ nɛ tɩɩ maa magɩsɛmɛ? Má kɛŋ moribii-biiŋ kaa kɔ dɩ mɩ bee na.”

Maak 14:45

Judas sɩ yi lee-la Yesu sɩ hɛ, ʋ mʋ ʋ teeŋ tegi tegi aŋ bʋl, “La Kʋhɩaŋ!” aŋ guoru.

Luuk 20:22

Ʋ ŋaa wombii nɛ dɩ la tiŋ lampoo a pɩ Rom tinteeŋ kuoru-balɩŋ ba sɩɩ yɩrɛ Siiza koo ʋ bɩ wombii ŋaa?”

Luuk 23:2

Nɩmɛ nɛ ba suomo dɩdagɛ wɩalɩŋ ʋ sɩ cheye, “La kɛŋ baala deeŋ dɩ ʋ nyɩsɛ la nɩaa dɩ ba vɩa la wombii-la la sɩɩ to, aŋ bʋl dɩ ba sɩ́ lampoo ma time pɩ Rom tinteeŋ kuoru-balɩŋ. Ʋ bɩra bʋla a tɩgɛ ʋ tɩtɩa lɛ dɩ ʋ nɛ ŋaa Kirisito, Nɩɩ-la Wɩa sɩ lɩɩsa, aŋ bʋl dɩ ʋ ŋaa kuoru ma nɛ.”

Jɔɔŋ 7:18

Nɩɩ-la sɩ yie bʋbʋl wɩaa ʋ tɩtɩa doluŋ lɛ yie bʋla chɩchɛ ʋ tɩtɩa yɩrɩŋ nɛ. Ama nɩɩ-la sɩɩ chɛ dɩ nɩɩ-la sɩ tɩmʋ laa yɩrɩŋ, ʋ ŋaa nɩtɩtɩɩ nɛ, ʋ bɩ wɩaa ka nyɩɛ.

Rom Tɩŋŋaa 13:6

Wɩa sɩ lɩɩsɛ tinteeŋ nɩhɩasɩŋ, ŋɩɩ wɩaa ʋ maga dɩ ma tiŋ lampoo, bɛɛ wɩaa tinteeŋ nɩhɩasɩ-la ŋaa Wɩa tɩntɩnnaa nɛ, a tɩma pɩpɩ Wɩa.

2 Kɔrɩntɩ Nɩaa 2:17

Nɩaa yʋga nɛ a gɔllɔ bʋbʋl Wɩa niiŋ wɩaa a lɩlaa moribiee, ama la-na bɩ ŋɩɩ ŋaa. La-na ŋaa nɩtɩtɩɩba nɛ. Wɩa nɛ lɩɩsɛla dɩ la tɩŋ tɩntɩmɩŋ deeŋ. Kirisito doluŋ lɛ nɛ laa bʋl Wɩa wɩaa.

2 Kɔrɩntɩ Nɩaa 2:2

Dɩ mɩ nɛ ŋaa dɩ ma tʋɔŋ chei, kʋbɛɛ nɛ hɛ nɩmɛ sɩ jaŋ leŋ dɩ mɩ tʋɔŋ tɔrɛ? Nʋʋkala tuo, see nɩalɩŋ tɩtɩa mɩ sɩ ŋaa ba tʋɔŋ chei.

2 Kɔrɩntɩ Nɩaa 4:1

Wɩa nɛ fá la nenige a joŋ tɩntɩmɩŋ deeŋ pɩla dɩ la tɩtɩŋ, ŋɩɩ wɩaa la nandaasɩŋ bɩ yʋɔrɛ.

2 Kɔrɩntɩ Nɩaa 5:11

Laa fá Wɩa nɛ, ŋɩɩ nɛ tɩɩ la bʋl ʋ wɩaa pɩpɩ nɩaa, dɩ ba bɩrɩma lɩɩ ba wʋbɔŋŋɔɔ lɛ a kʋ to Wɩa. Wɩa nɛ jɩŋ ŋɩɩ la sɩ naga. Mɩ saa jɩma arɩ ma tʋɔbɩɩnaa lɛ ma jɩŋ ŋɩɩ la sɩ naga nɛ.

2 Kɔrɩntɩ Nɩaa 5:16

Ŋɩɩ wɩaa, a lɩɩ jɩnɩŋ kaa mʋmʋ la bɩ chɛ la beŋ nɩaa arɩ dʋnɩa nɩaa sɩɩ beŋ nɩaa ŋɩɩ. Bʋa kʋbala lɛ, la faa beŋ Kirisito ŋɩɩ nɛ, ama lɛɛlɛ la bɩra bɩ ʋ beŋ arɩ la fa sɩɩ benu ŋɩɩ.

Galiisia Nɩaa 1:10

Ma bɩɩna arɩ mɩ bʋl wɩɩŋ deeŋ a chɩchɛ dɩ mɩ laa yɩrɩŋ nɩaa teeŋ nɛɛ? Wɩa teeŋ nɛ mɩ chɩchɛ mɩ laa yɩrɩŋ. Ma bɩɩna mɩɩ chɛ dɩ nɩaa nɛ zizilmii? Dɩ mɩ nɛ faa chɛ dɩ nɩaa zizilmi, mɩ fa bɩ jaŋ ŋaa Kirisito tɩntɩnnʋ.

Galiisia Nɩaa 2:6

Mɩ jaŋ bʋl arɩ nɩalɩŋ sɩ ŋaa nɩhɩasɩŋ Wɩa nɩaa tʋɔŋ bɩ wɩɩ bʋla dɩ mɩ dagɛ a pɛ Wɩa wʋzɔmɔ-la lɛ mɩ sɩ jɩma. Ama nɩaa deemba dɩchɩnɩŋ bɩ wɩɩ ŋaa mɩ teeŋ, bɛɛ wɩaa Wɩa bɩ nuhuobiine yaraa lɛ nɩɩ beŋ.

MOSIS BƖRA WULLI WƖA WOMBIIŊ 16:19

Nɩaa deemba bɩ maga dɩ ba joŋ wʋtɩtɩɩ faa, a sɩ laa pɛ nʋʋ lɛ dɩ ʋ kɩaa nɛ bɩ sɩŋ, a sɩ́ kpalaa laa. Kpalaa nɛ yie leŋ nɩaa joŋ wʋtɩtɩɩ faa aŋ kɛŋ wʋtɩtɩɩ bɩrɩmɛ wʋnyɩɛrɩŋ.

1 Tɛsalonaaka Nɩaa 2:4

Wɩa na arɩ la ŋaa nɩtɩtɩɩba nɛ. Ŋɩɩ nɛ tɩɩ ʋ lɩɩsɛla dɩ la bʋl ʋ wʋzɔmɔ-la a pɩ nɩaa. Wɩalɩŋ la sɩɩ bʋl, la fa bɩ chɛ dɩ la bʋl dɩ nɩaa tʋɔŋ tɔrɛ la nyuŋ. Ama laa chɛ dɩ Wɩa tʋɔŋ tɔrɛ wɩalɩŋ la sɩɩ bʋl lɛ nɛ. Ʋ jɩŋ la tʋɔbɩɩnaa nɛ.