Maak 12:11 - WƖA TENIŊ

¹¹ La Tɩɩna nɛ ŋaa wɩɩŋ deeŋ. Ʋ ŋaa wʋkpuŋkpere nɛ a pɩla.’ ”

Maak 12:11 ပူးပေါင်းရင်းမြစ်များ

WƖAA DƖ-SUOMUŊ 24:50

Ŋɩɩ nɛ Labaŋ arɩ Bɛtʋɛl bʋl, “Wɩɩŋ deeŋ lɩɩ La TƖƖNA teeŋ nɛ, la bɩ jaŋ wuo kaa lɛrɛ.

WƖA YƖƖLAA 118:22

Tie-bii-la dɩɩ-saaraa sɩ vɩa ta nɛ kʋ ŋaa tie-bii-duoŋ ba sɩ joŋo bil dɩa gentine.

WƖA YƖƖLAA 118:23

La Tɩɩna nɛ ŋaa wɩɩŋ deeŋ, wɩɩ-la ŋaa wʋkpuŋkpere nɛ a pɩla.

HABAKU 1:5

Ŋɩɩ nɛ La TƖƖNA fa bʋl, “Beŋ tinteyee tʋɔŋ, ŋ jaŋ na wɩaa dɩ ba kpere. Ŋ mɩɩsɩŋ deeŋ lɛ mɩ jaŋ ŋaa wɩɩ, dɩ ba nɛ bʋl wɩɩ-la pɩŋ ma, ŋ bɩ jaŋ laa dii.

NAMBABA 23:23

Hɩl koo vʋgʋrʋ kala bɩ doluŋ kɛnɛ Iziral tɩŋŋaa lɛ. Nɩaa jaŋ naba a bʋl, ‘Na wɩalɩŋ Wɩa sɩ ŋaa pɩ Iziral tɩŋŋaa.’

Matiu 21:42

Ŋɩɩ nɛ Yesu pɩɛsɛ nɩalɩŋ sɩ nɩɩ namaga-la, “Ma bɩ Wɩa teŋ-la karɩma a mʋ yi lee-la ba sɩ bʋl ŋ-la: ‘Tie-bii-la dɩɩ-saaraa sɩ vɩa, ʋ nɛ mɩɩra kʋ ŋaa tie-bii-duoŋ ba sɩ joŋo bil dɩa gentine. La Tɩɩna Wɩa tɩntɩŋŋaa nɛ ŋɩɩ. Ʋ ŋaala wʋkpuŋkpere nɛ.’ ”

Tɩntɩŋŋaa 2:12

Ba kala hirigi, a bɩ jɩŋ wɩɩ-la tʋɔŋ ba sɩ hɛ, ba pɩpɩɛsɛ dɔŋɔ, “Bɛɛ kʋŋ wɩɩ nɛ ŋ-la?”

Koloosi Nɩaa 1:27

Ba nɛ Wɩa lɩɩsɛ dɩ ba jɩŋ wɩalɩŋ sɩ zɔmɔ ŋɩɩ kɩŋkɛŋ, ka ʋ fa joŋo faa. Lɛɛlɛ ʋ dagɛ ba sɩ magɛ ŋɩɩ nɛ a pɩ nɩalɩŋ sɩ bɩ Juu tɩŋŋaa ŋaa. Wɩalɩŋ nɛ daga arɩ Kirisito hɛ ma tʋɔŋ lɛ nɛ. Ŋɩɩ wɩaa, má yɩyɩɛlɛ dɩ ma kpaa ʋ yɩrɩ-bal-la nɛ.

1 Timoti 3:16

Wʋtɩtɩɩ, Wɩɩchʋɔlɛ wombii-la la sɩɩ to ŋaa wʋbal nɛ nʋʋkala bɩ jaŋ wuo kaa lɛrɛ. Wɩɩ-la fa faa nɛ ka Wɩa joŋo dagɛla lɛɛlɛ. Ʋ nɛ ŋ-la: Wɩa bɩrɩmɛ nuhuobiine nɛ a kʋ tuu dʋnɩa. Wɩa Dɩŋ-zɔmʋŋ ma dagɛ arɩ ʋ ŋaa tʋɔpʋl Tɩɩna nɛ. Wɩa tɩndaaraa ma naʋ. Nɩaa bʋl ʋ wɩaa dʋnɩa sɛmɛ-na kala lɛ. Dʋnɩa nɩaa laa ʋ wɩaa dii nɛ, aŋ ka Wɩa joŋu kaa jɩl Wɩa-jaŋ, ʋ laa yɩrɩŋ.