Maak 11:25 - WƖA TENIŊ

²⁵ Bʋa na-kala dɩ ma nɛ kɛŋ ma tɩtɩa hɛ dɔŋɔ dɩ ma chʋɔlɛ Wɩa, má bɩɩna na dɩ ma dɩ nʋʋ kɛŋ wɩɩ, ʋ cho dɩ ʋ nagɛ ŋɩɩ ma kala, má joŋo chɛʋ. Ma nɛ ŋaa ŋɩɩ, ma Nyɩmma Wɩa sɩ hɛ ʋ jaŋ lɛ, ma jaŋ joŋ ma wʋbɔŋŋɔɔ a chɛma. [

Maak 11:25 ပူးပေါင်းရင်းမြစ်များ

ZƐKARƖYA 3:1

Ŋɩɩ nɛ Wɩa tɩndaarʋ-la dagɛmɛ Josua sɩ ŋaa Wɩɩsʋllɩ sɩpaalaaraa nɩhɩaŋ dɩ ʋ chɩŋ La TƖƖNA tɩndaarʋ-la sɩpaaŋ, ka Sɩtaanɩ chɩŋ ʋ nadiiŋ dɩ ʋ joŋ cheeriŋ pɩ Josua.

Matiu 5:23

Ŋɩɩ wɩaa, dɩ ŋ nɛ kɛŋ pʋna mʋ Wɩa koruŋ dɩ ŋ ŋaa Wɩɩsʋlʋŋ aŋ liise yi arɩ ŋ naambie tʋɔŋ cheye ŋ nyuŋ,

Matiu 6:12

aŋ joŋ la wʋbɔŋŋɔɔ chɛla, arɩ la ma sɩ joŋ la dɔnsʋŋ tɩŋŋaa wʋbɔŋŋɔɔ chɛba ŋɩɩ.

Matiu 6:5

Ŋɩɩ nɛ Yesu bɩra bʋl, “Dɩ ma nɩɩ chʋɔlɛ Wɩa, ma sɩ́ nɩalɩŋ sɩɩ dagɛ ba tɩtɩa nagʋ. Ba yie cho dɩ ba chɩŋ Wɩɩchʋɔlɛ dɩɩsɩŋ lɛ arɩ wombiee sɛmɛ a chʋchʋɔlɛ Wɩa dɩ nʋʋkala naba. Wʋtɩtɩɩ nɛ mɩ bʋlaa pɩma, ba paala laa ba time nɛ.

Luuk 18:11

Farisii tɩɩna-la sii chɩŋ a bigisi ʋ tɩtɩa lɛ a chʋɔlɛ Wɩa a bʋl, ‘La Tɩɩna Wɩa, mɩɩ lɔllʋŋ arɩ mɩ sɩ bɩ nɩaa dɔnsʋŋ naga, nɩalɩŋ sɩ gɔllɔ kɛŋ nɩaa kɩaa lɩlaa, koo nɩalɩŋ sɩ bɩ wʋtɩtɩɩ kɛnɛ, koo nɩalɩŋ sɩ gɔllɔ chɩchɛ nɩaa haalaa. Mɩ bɩ lampoo laara deeŋ ma sɩ hɛ daha naga.

Luuk 18:13

Ama lampoo laarʋ-la chɩŋ dɩ-bolii. Ʋ paala bɩ ʋ sɩaa ma kaa wʋl wɩa-nyuŋ aŋ paa ʋ nɩsaa chʋŋ ʋ nyuŋ lɛ aŋ bʋl, ‘Wɩa, fá mɩ nisusuŋ. Mɩ ŋaa wʋbɔŋ ŋaarʋ nɛ.’ ”

Luuk 6:37

Má sɩ́ ma dɔnsʋŋ tɩŋŋaa wɩaa laa jɩŋ, a sɩ́ cheeriŋ joŋo pɩba. Dɩ ma nɛ ŋaa ŋɩɩ, Wɩa ma bɩ jaŋ joŋ cheeriŋ pɩma. Má joŋ wɩaa chɩchɛ ma dɔnsʋŋ tɩŋŋaa. Dɩ ma nɩɩ ŋaa ŋɩɩ, Wɩa ma jaŋ joŋ ma wɩaa chɛma.

Ɛfɛsɩs Nɩaa 4:32

Ama má kɛŋ zile dɔŋɔ lɛ, a fɩfá dɔŋɔ nenige. Má joŋ wɩaa chɩchɛ dɔŋɔ, arɩ Wɩa sɩ to Kirisito lɛ a joŋ ma wʋbɔŋŋɔɔ kala chɛma ŋɩɩ.

Koloosi Nɩaa 3:13

Má nyalɩmɛ a joŋ wɩaa chɩchɛ dɔŋɔ, dɩ ma nɛ kɛŋ wɩɩ arɩ dɔŋɔ. La Tɩɩna sɩ joŋ ma wʋbɔŋŋɔɔ chɛma ŋɩɩ, má ma joŋo chɩchɛ dɔŋɔ.

Jeems 2:13

Dɩ nʋʋ nɛ bɩ nɩaa nenige ka fá, Wɩa ma bɩ jaŋ fá tɩɩna nenige bʋa-la lɛ ʋ sɩ jaŋ didii nɩaa sarɩya. Ama nɩɩ-la sɩ fá nɩaa nenige bɩ jaŋ fá wɩɩkala sarɩya-la chɛ-diiliŋ.

Jɔɔŋ Wʋnaalaa 11:4

Wɩa pɛ-naara-la balɩa nɛ ŋaa Olif tɩɩsɩ-la balɩa arɩ chaaŋ daasɩ-la balɩa sɩ chɩŋ La Tɩɩna sɩpaaŋ, nɩɩ-la sɩ tɩɩ tinteeŋ.