Maak 11:18 - WƖA TENIŊ

¹⁸ Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba, ba kala nɩɩ wɩɩ-la ʋ sɩ bʋla. Ŋɩɩ nɛ baa chɛ wombiiŋ dɩ ba to kpʋʋ, aŋ fɩfáʋ, bɛɛ wɩaa wɩalɩŋ Yesu sɩ daga, nɩ-daŋ nɛ nɩa, ʋ ŋaaba wʋkpuŋkpere.

Maak 11:18 ပူးပေါင်းရင်းမြစ်များ

1 KUOROO 21:20

Ahab na Ɩlaaja a bʋl, “Mɩ nɛ ŋ kɛŋ ŋ-la mɩ dʋndɔŋ.” Ɩlaaja bʋl, “Oo mɩ kɛnɩŋ nɛ, a tɩŋ ŋ sɩ ŋaa wʋbɔmɔ-la La TƖƖNA sɩɩŋ lɛ.

1 KUOROO 22:18

Kuoro Ahab bʋla pɩ Jehosafat, “Mɩ bɩ bʋla pɩŋ arɩ ʋ ha bɩ wʋzɔŋ kala sɩ jaŋ ŋaa bʋla pɩmɛ see wʋbɔŋ?”

1 KUOROO 22:8

Iziral kuoro Ahab bʋla pɩ Jehosafat, “Nʋʋ dɔŋ ha hɛ nɩmɛ la sɩ jaŋ wuo to ʋ lɛ a pɩɛsɛ La TƖƖNA na. Ʋ yɩrɩŋ nɛ Mɩkaaya, a ŋaa Imila nanʋala. Ama mɩ bɛrʋ nɛ, bɛɛ wɩaa ʋ ha bɩ wʋzɔŋ kala bʋla pɩmɛ Wɩa doluŋ lɛ, see wʋbɔŋ.” Ŋɩɩ nɛ Jehosafat bʋl, “Kuoro, sɩ́ ŋɩɩ bʋl.”

AZAAYA 49:7

Iziral tɩŋŋaa, Wɩa sɩ bɩ disiniŋ kɛnɛ, a ŋaa ba laataara bʋla pɩ nɩɩ-la Iziral tɩŋŋaa sɩ bɩ ʋ wʋŋaalaa cho a bɛrɛ, a ŋaa kuoroo tɩntɩnnʋ: “Kuoroo jaŋ naŋ a sii chɩŋ, dɩ kuori-biiriŋ ma naŋ a tuu kpirimi. Wɩaa deemba kala jaŋ ŋaa, bɛɛ wɩaa mɩ-na ma TƖƖNA Iziral tɩŋŋaa Wɩa sɩ bɩ disiniŋ kɛnɛ sɩ lɩɩsɛ mɩ tɩntɩnna, kɛŋ wʋtɩtɩɩ nɛ.”

Matiu 21:15

Ama Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba sɩ na wʋmagɩla-la ʋ sɩɩ ŋaa a bɩra na hambiisiŋ sɩɩ ŋaa goŋ ŋɩɩ Wɩa dɩɩ-balɩŋ lɛ, ba na baanɩŋ. Hambiisi-la faa bʋl, “Tabarɩkala Devit nihii.”

Matiu 7:28

Yesu sɩ bʋl wɩaa deemba dɛrɛ, ba ŋaa nɩ-daŋ-la kala wʋkpuŋkpere.

Maak 1:22

Ʋ sɩɩ dagɛba ŋɩɩ, ʋ ŋaaba wʋkpuŋkpere. Ʋ bɩ baa daga arɩ Wɩa teniŋ kerichiba sɩ yie dɩdagɛba ŋɩɩ. Ʋ bʋl wɩaa arɩ ʋ nɛ kɛŋ wɩɩ-la doluŋ.

Maak 11:32

La saa jaŋ wuo bʋl ʋ lɩɩ nuhuobiinee teeŋ nɛɛ? Aɩ.” Fawʋllʋŋ kɛmba a tɩŋ nɩalɩŋ sɩ chɩŋ nɩmɛ wɩaa. Nɩaa bʋla arɩ Jɔɔŋ fa sɛnɛ ŋaa Wɩa wʋlaabʋllʋ nɛ.

Maak 12:12

Ŋɩɩ nɛ Juu tɩŋŋaa kʋhɩasɩŋ chɩchɛ dɩ ba kɛnʋ a kpʋʋ, bɛɛ wɩaa ba jɩma arɩ ʋ magɛ namaga-la a tɩgɛ ba lɛ nɛ. Ama baa fá nɩ-daŋ-la sɩ hɛ nɩmɛ nɛ. Ŋɩɩ nɛ tɩɩ ba leŋu aŋ viiri.

Maak 3:6

Ŋɩɩ nɛ Farisii tɩŋŋaa sii lɩɩ. Ba dɩ Hɛrɔd nɩaa mʋ vʋʋrɛ ŋɩɩ ba sɩ jaŋ ŋaa a kpʋ Yesu.

Maak 6:20

bɛɛ wɩaa Hɛrɔd faa fá Jɔɔŋ nɛ a ŋaa ba pɔʋ woruŋ. Ʋ jɩma dɩ Jɔɔŋ fa ŋaa tʋɔpʋl tɩɩna nɛ a bɩ wʋcheeli kala kɛnɛ. Wɩalɩŋ kala Jɔɔŋ fa sɩɩ bʋl kperu nɛ, arɩ ŋɩɩ kala ʋ ha cho dɩ ʋ jegile nɩɩba.

Luuk 19:47

Tapʋlɩɩ-na kala Yesu yie dɩdagɛ nɩaa Wɩa dɩɩ-bal-la tʋɔŋ. Ŋɩɩ nɛ Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba arɩ Juu tɩŋŋaa sɩpaalaaraa chɩchɛ dɩ ba kpʋʋ.

Luuk 2:47

Nɩalɩŋ kala sɩ hɛ nɩmɛ a nɩɩ ʋ sɩɩ chaarɛ wɩaa sɩaa arɩ wʋjɩmɩŋ ŋɩɩ, ʋ ŋaaba wʋkpuŋkpere.

Luuk 20:19

Ŋɩɩ nɛ Wɩa teniŋ kerichiba arɩ Wɩɩsʋllɩ sɩpaalaaraa kʋhɩasɩŋ wʋwalɩmɛ dɩ ba kɛŋ Yesu naabʋɔsʋ-la lɛ, bɛɛ wɩaa ba jɩma arɩ ʋ magɛ namaga-la a tɩgɛ ba lɛ nɛ. Ama baa fá nɩalɩŋ sɩ hɛ nɩmɛ nɛ.

Luuk 4:22

Ŋɩɩ nɛ nɩaa kala tʋɔŋ tɔrɛ ʋ nyuŋ. Wʋzɔmɔ-la kala ʋ sɩ bʋla pɩba ŋaaba wʋkpuŋkpere. Ba pɩpɩɛsɛ dɔŋɔ, “Josɛf bile dee ŋ-laa?”

Jɔɔŋ 7:1

Ŋɩɩ harɩŋ Yesu gʋgɔllɛ Galilii tinteeŋ. Ʋ bɩ chɛ dɩ ʋ mʋ gɔllɛ Judiya tinteeŋ lɛ, bɛɛ wɩaa Juu tɩŋŋaa fa sɩ hɛ Judiya tinteeŋ lɛ ka chɛ dɩ ba kpʋʋ nɛ.

Jɔɔŋ 7:19

Mosis bil wombie-la sɩ maga dɩ maa to pɩma nɛ. Ama ma kʋŋkala bɩ wɩalɩŋ ka to. Bɛɛ nɛ tɩɩ maa chɛ dɩ ma kpʋmɛ?”

Jɔɔŋ 7:46

Ŋɩɩ nɛ ba bʋl, “Nʋʋkala ha bɩ wɩaa bʋla a nagɛ baala deeŋ sɩɩ bʋl ŋɩɩ.”

Tɩntɩŋŋaa 24:25

Ama Pɔɔl sɩ mʋ bʋl wɩaa a tɩgɛ tʋɔpʋla lɛ arɩ ŋɩɩ ŋ sɩ jaŋ wuo kɛŋ ŋ tɩtɩa lɛ, a bɩra bʋl tapʋlɩɩ-la Wɩa sɩ jaŋ dii dʋnɩa nɩaa sarɩya wɩaa ma, fawʋllʋŋ kɛŋ Fɛlɩs. Ŋɩɩ nɛ ʋ bʋl dɩ ʋ mʋ, ka dɩ ʋ nɛ na chɩnɩŋ ʋ jaŋ bɩra yɩrʋ.