Maak 10:47 - WƖA TENIŊ

⁴⁷ Ʋ nɩa dɩ Yesu sɩ lɩɩ Nazarɛt nɩɩ kɔ. Ŋɩɩ nɛ ʋ faasa yɩrɛ a bʋl, “Yesu, Devit nihiŋ, fá mɩ nenige.”

Maak 10:47 ပူးပေါင်းရင်းမြစ်များ

AZAAYA 11:1

Devit kuoru gentine nagɛ tɩa ba sɩ kere lo nɛ, ama arɩ ba sɩ yie keri tɩa lo ka gentine bɩra tɔsɛ a nɛŋ ŋɩɩ, ŋɩɩ tɩtɩa nɛ kuori-falɩŋ jaŋ lɩɩ Devit doho nɩaa tʋɔŋ.

Matiu 1:1

Yesu doho nɩaa nɛ ŋ-la. Ʋ naabalɩmaba nɛ fa ŋaa Abɩraham arɩ Devit.

Matiu 12:23

Yesu sɩ ŋaa ŋɩɩ, ʋ ŋaa nɩ-daŋ-la kala wʋkpuŋkpere. Ŋɩɩ nɛ ba pɩpɩɛsɛ dɔŋɔ, “Devit bie nɛ ŋ-laa?”

Matiu 15:22

Dɩ haal kʋbala sɩ hɛ lee-la kɔ ʋ teeŋ. Ʋ fa ŋaa Kɛnaŋ tɩɩna nɛ. Ʋ sɩ kɔ ʋ teeŋ, ŋɩɩ nɛ ʋ bʋl, “Mɩ Tɩɩna Devit Bii, fá mɩ nenige. Jɩŋ-bɔŋŋɔɔ nɛ kɛŋ mɩ tolo. Ʋ nɩna hɛɛŋ woruŋ.”

Matiu 2:23

Ʋ sɩ mʋ Galilii tinteeŋ, ʋ mʋ hɔŋ taŋ kʋbala lɛ baa yɩrɛ Nazarɛt. Ʋ ŋaa ŋɩɩ dɩ wɩalɩŋ Wɩa wʋlaabʋllaa fa sɩ bʋla kʋ ŋaa wʋtɩtɩɩ nɛ. Ba fa bʋla: “Ba jaŋ kɛnʋ yɩrɛ Nazarɛt tɩɩna.”

Matiu 20:30

Nyʋlɩmaa balɩa fa hɔŋ wombiiŋ niiŋ a nɩɩ dɩ Yesu nɩɩ bal. Ŋɩɩ nɛ ba faasa yɩrɛ a bʋla pʋ, “La Tɩɩna, Devit nihii, fá la nenige.”

Matiu 21:11

Nɩ-daŋ-la bʋl, “Yesu sɩ lɩɩ Nazarɛt sɩ hɛ Galilii tinteeŋ lɛ nɛ Wɩa wʋlaabʋllʋ-la.”

Matiu 21:9

Nɩ-daŋ-la sɩ laa Yesu sɩpaaŋ arɩ nɩalɩŋ sɩɩ to ʋ harɩŋ suomo ŋɩŋaa goŋ a bʋl, “Tabarɩkala Devit nihii! Wɩa jaŋ pɛ nɩɩ-la sɩɩ kɔ La Tɩɩna doluŋ lɛ. Má leŋ dɩ la dɛnnɛ Wɩa.”

Matiu 26:71

Ŋɩɩ nɛ ʋ sii lɩɩ chɩŋ zawʋra tʋɔŋ. Ʋ sɩ chɩŋ nɩmɛ, ŋɩɩ nɛ tɩntɩnnɩ-tolo dɔŋɔ ma bɩra naʋ a bʋla pɩ nɩalɩŋ sɩ chɩna kpagʋ, “Baala deeŋ ma ŋaa Yesu sɩ lɩɩ Nazarɛt harɩ-tooro-la dɔŋɔ nɛ.”

Matiu 9:27

Yesu sɩ lɩɩ Juu tɩŋŋaa kʋhɩaŋ-la dɩa-la lɛ a mʋmʋ, ŋɩɩ nɛ nyʋlɩmaa balɩa sii a tuto ʋ harɩŋ aŋ faasa yɩrɛ a bʋla pʋ, “Yesu, Devit nihiŋ, fá la nenige.”

Maak 1:24

“Yesu sɩ lɩɩ Nazarɛt, bɛɛ nɛ ŋ chɩchɛ ŋ ŋaa la lɛ? Ŋ kɔ dɩ ŋ kpʋla nɛɛ? Mɩ jɩmɩŋ nɛ, ŋ nɛ ŋaa Wɩa tʋɔpʋl Tɩɩna.”

Luuk 4:16

Ŋɩɩ nɛ Yesu mʋ Nazarɛt, lee-la ba sɩ lʋlʋ. Chɛ-wiesii-la chɛɛŋ ʋ mʋ jʋʋ Wɩɩchʋɔlɛ dɩa arɩ ʋ sɩ vɛnɛɛ ŋaa ŋɩɩ. Ŋɩɩ nɛ ʋ sii dɩ ʋ karɩmɛ Wɩa teniŋ a pɩ nɩaa. Ba joŋ Wɩa teniŋ sɛmɛ dɔŋɔ pʋ, teŋ-la Wɩa wʋlaabʋlla Azaaya sɩ ŋmʋnsa lɛ. Ʋ suri a na lee-la ba sɩ ŋmʋnsɛ ŋ-la a karɩmɛ,

Jɔɔŋ 1:46

Ŋɩɩ nɛ Natanɩal pɩɛsʋ, “Ŋ ha na kʋzɔŋ dɩ ʋ lɩɩ taŋ-la ba sɩɩ yɩrɛ Nazarɛt?” Ŋɩɩ nɛ Fɩlɩp bʋla pʋ, “Kʋ na.”

Jɔɔŋ 19:19

Ŋɩɩ nɛ Paalɩt ŋmʋnsa mɛrɛ daagɛsɛ-la lɛ a bʋl, “JUU TƖŊŊAA KUORO YESU A LƖƖ NAZARƐT.”

Jɔɔŋ 7:41

Dɔnsʋŋ ma sɩ, “Ʋ nɛ ŋaa Kirisito, Nɩɩ-la Wɩa sɩ lɩɩsa.” Ama dɔnsʋŋ ma sɩ, “Nɩɩ-la Wɩa sɩ lɩɩsa bɩ jaŋ lɩɩ Galilii tinteeŋ.

Jɔɔŋ 7:52

Ŋɩɩ nɛ Farisii tɩmma-la pɩɛsʋ, “Ŋ ma ŋaa Galilii tɩɩna nɛɛ? Karɩmɛ Wɩa teniŋ, dɩ ŋ nɛ karɩma, ŋ jaŋ na arɩ Wɩa wʋlaabʋllʋ kala ha bɩ Galilii tinteeŋ lɩa.”

Tɩntɩŋŋaa 6:14

La nɩa dɩ ʋ sɩ dɩ Yesu deeŋ sɩ lɩɩ Nazarɛt jaŋ yigi Wɩa dɩa-la lo, aŋ kɛŋ wɩalɩŋ Mosis fa sɩ dagɛ la naabalɩmaba dɩ ba tuto a kaa bɩrɩmɛ.”

Jɔɔŋ Wʋnaalaa 22:16

Mɩ-na Yesu nɛ tɩŋ mɩ tɩndaara dɩ ʋ kɔ ma teeŋ a bʋl wɩaa deemba pɩ nɩalɩŋ sɩ laa mɩ wɩaa dii a hihilimi lee na-kala. Mɩ ŋaa Devit dɩa nɩaa gentine nɛ, a ŋaa ʋ doho nʋʋ. Mɩ nɛ ŋaa nanyʋɔlʋŋ.”