Maak 10:30 - WƖA TENIŊ

³⁰ ʋ tɩɩna jaŋ bɩra na dɩɩsɩŋ, naambiiriŋ, naamba, biiriŋ arɩ bagɩsɩŋ naansɩɩŋ zɔlɔ, a pɛ ba sɩ jaŋ to naasɩŋ dɔgɩsʋ dʋnɩa deeŋ lɛ. Dɩ ʋ nɛ kʋ sʋʋ, ʋ jaŋ na mɩɩsɩ-la sɩ bɩ dɛrɛ.

Maak 10:30 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 25:9

Ŋɩɩ nɛ Amazɩa pɩɛsɛ Wɩa wʋlaabʋllʋ-la, “Aŋ ka warɩpʋla-la mɩ sɩ joŋo tiŋ Iziral laalɩyuoro-la?” Wɩa wʋlaabʋllʋ-la bʋl, “La TƖƖNA jaŋ wuo pɩŋ a kɩɩ ŋɩɩ.”

WƖA YƖƖLAA 84:11

La Tɩɩna Wɩa nagɛ wɩɩpɔsʋŋ nɛ la teeŋ a chu tɔla. La Tɩɩna kɛŋ chonuŋ arɩ zile, ʋ bɩ kʋzɔŋ kala joŋo faa nɩalɩŋ sɩɩ ŋaa wɩaa ba bʋa lɛ.

NAMAGABA 16:16

Ŋ sɩ kɛŋ wʋjɩmɩŋ nɛ kpɩa ŋ sɩ kɛŋ sɛlɩmɛ, ŋ sɩ jɩŋ wɩaa sɩaa ma nɛ kpɩa ŋ sɩ kɛŋ hɔpʋla.

MALAKAƖ 3:10

Má kɛŋ kpaalɩŋ fii tʋɔŋ kʋbala-la sɩ ŋaa mɩ kʋa kaa kɔ mɩ dɩa, dɩ kʋdiilee pʋrɩgɛ nɩmɛ. Má magɩsɛmɛ wɩɩŋ deeŋ lɛ a na. Dɩ ma nɛ ŋaa ŋɩɩ, mɩ jaŋ kɛŋ Wɩa-jaŋ suri a pɛ ma lɛ arɩ kʋzɔŋŋɔɔ ma sɩ bɩ jaŋ wuo na dɩ-biliŋ a bilba. Mɩ-na ma TƖƖNA doluŋ kala Tɩɩna nɛ bʋla.

Matiu 12:32

Nɩɩ-la kala sɩ bʋl wʋbɔŋŋɔɔ a mʋ tɩgɛ mɩ-na Nuhuobiine Bie lɛ, Wɩa jaŋ joŋo chɛʋ, ama nɩɩ-la kala sɩ tʋʋsɛ Wɩa Dɩŋ-zɔmʋŋ joŋŋoo, Wɩa bɩ jaŋ joŋo chɛ ʋ tɩɩna lɛɛlɛ a kaa mʋ wuu.”

Matiu 13:8

Kʋdoho-la dɔnsʋŋ ma tel tintee-zɔmʋŋ lɛ a nyʋ a waa a wasɛ woruŋ. Dɔnsʋŋ hɛ biee zɔlɔ zɔlɔ, dɔnsʋŋ ma mahɩŋ batori batori, dɔnsʋŋ ma mara arɩ fii fii.”

Matiu 6:33

Ŋɩɩ wɩaa má laa sɩpaaŋ chɛ kɩalɩŋ sɩ hɛ Wɩa kuorii-la tʋɔŋ a chɛ ŋɩɩ ma sɩ jaŋ ŋaa a kɛŋ tʋɔpʋla ʋ sɩpaaŋ. Ʋ jaŋ joŋ kɩaa deemba kʋŋkala pɛ pɩma.

Luuk 18:30

ʋ jaŋ bɩra na kɩaa yʋgɛ a kɩɩ kɩalɩŋ ʋ sɩ leŋe ta. Dɩ ʋ nɛ kʋ sʋʋ, ʋ jaŋ na mɩɩsɩ-la sɩ bɩ dɛrɛ.”

Jɔɔŋ 10:23

Bʋa deeŋ lɛ nɛ Yesu vɩvɛŋ zawʋra-la tʋɔŋ ba sɩɩ yɩrɛ Solomoŋ zawʋra a hɛ Wɩa dɩɩ-bal-la lɛ.

Tɩntɩŋŋaa 14:22

Leree deemba kala lɛ ba yie bʋl wɩaa pɩ nɩalɩŋ sɩ laa Yesu wɩaa dii, dɩ ba wasa kɛŋ wʋtɩtɩɩ a bʋl wɩaa nyaasɛ ba nyuŋ dɩ ba chɩŋ ŋɩɩ ba sɩ laa Wɩa dii lɛ. Ba bʋla pɩba, “La nɩalɩŋ sɩ laa Yesu wɩalɩŋ dii, jaŋ na hɛɛŋ kɩŋkɛŋ, aŋ-na jʋʋ Wɩa kuorii-la tʋɔŋ.”

Tɩntɩŋŋaa 16:25

Tɩta-siesee Pɔɔl arɩ Saalas chʋchʋɔlɛ Wɩa a yɩɩ yɩɩlaa a dɩdɛnnɛ Wɩa. Nɩalɩŋ ba sɩ kaa tɔ dɩa kʋkaanaa ma jijegili.

Tɩntɩŋŋaa 5:41

Ŋɩɩ nɛ ba lɩɩ nɩalɩŋ fa sɩ hilime teeŋ. Ba tʋɔŋ tɔrɛ arɩ ba sɩ dɔgɩsɛba a tɩŋ Yesu wɩaa.

Rom Tɩŋŋaa 5:3

Ŋɩɩ ma dʋndʋŋa dee, la haa jʋɔsɛ nɛ arɩ hɛɛ-la kala la ha sɩɩ na a tɩŋ Kirisito wɩaa, bɛɛ wɩaa hɛɛ-la jaŋ leŋ dɩ la wuo kɛŋ kenyiri.

Rom Tɩŋŋaa 6:23

Wʋbɔŋŋɔɔ time nɛ sʋʋŋ. Ama Wɩa zile kʋ-la ʋ sɩ joŋo pɩla nɛ ŋaa mɩɩsɩ-la sɩ bɩ dɛrɛ, a tɩŋ La Tɩɩna Yesu Kirisito wɩaa.

2 Kɔrɩntɩ Nɩaa 6:10

La tʋɔŋ yie chei nɛ, aŋ ka la jʋjʋɔsɛ. La ŋaa summoo nɛ, ama la yie pɛ nɩaa lɛ dɩ ba kuori Wɩa teeŋ. La bɩ kʋŋkala kɛnɛ, ama la nɛ tɩɩ kʋŋkala.

Fɩlɩpa Nɩaa 3:8

Mɩ sɩ kʋ jɩŋ mɩ Tɩɩna Yesu Kirisito, mɩ na arɩ mɩ tele nɛ wɩaa deemba lɛ. Mɩ chaasa jɩŋ arɩ ʋ nɛ kɛŋ nyʋʋrʋŋ a kɩɩ wɩaa deemba kala mɩ fa sɩɩ to. A tɩŋ Yesu wɩaa mɩ joŋ wɩɩkala yuo ta nɛ. Mɩ na arɩ ba kala nagɛ nɩsʋrʋŋ nɛ. Mɩ ŋaa ŋɩɩ dɩ mɩ wuo na nyʋʋrʋŋ nɛ Kirisito teeŋ, aŋ pɛ kɛŋ ʋ tʋɔpʋla-la,

2 Tɛsalonaaka Nɩaa 2:16

La Tɩɩna Yesu Kirisito arɩ la Nyɩmma Wɩa sɩ chola lahɔrɩmɔ lɛ, ʋ ŋaa la tʋɔŋ pɩŋ dɩ-bala nɛ a kaa mʋ wuu, dɩ la wuo yɩyɩɛlɛ wʋzɔŋŋɔɔ.

1 Timoti 4:8

Dɩ ŋ nɛ kɛŋ ŋ yaraa hʋhʋgʋsɛ, ŋɩɩ jaŋ pɛ ŋ lɛ mʋa. Ama dɩ ŋ nɛ kɛŋ ŋ tʋɔŋ a to Wɩa wombiiŋ, ŋɩɩ jaŋ pɛ ŋ lɛ dɩ ŋ na mɩɩsɩŋ dʋnɩa deeŋ lɛ, dɩ ŋ nɛ sʋba ma, ŋ jaŋ kɛŋ mɩɩsɩ-la sɩ bɩ dɛrɛ.

1 Timoti 6:6

Wʋtɩtɩɩ, dɩ nɩaa nɩɩ to Wɩa wombiiŋ aŋ leŋ dɩ ba tʋɔŋ tɔrɛ kɩalɩŋ ba sɩ kɛnɛ nyuŋ, ŋɩɩ nyʋʋrʋŋ yʋga,

Jeems 1:12

Wɩa jaŋ pɛ nɩɩ-la wɩɩŋ sɩ jʋa lɛ, aŋ ka ʋ wuo nyalɩmɛ a chɩŋ. Ʋ sɩ wuo nyalɩmɛ ŋɩɩ, Wɩa jaŋ joŋ mɩɩsɩ-la sɩ bɩ dɛrɛ a timu, mɩɩsɩ-la ʋ sɩ sɩ ʋ jaŋ joŋo pɩ nɩalɩŋ kala sɩ chou.

Jeems 5:11

Wɩa pɛ nɩalɩŋ sɩ wuo nyalɩmɛ ŋɩɩ a mʋ dɛrɛ lɛ nɛ woruŋ. Ma nɩɩ ŋɩɩ baal kʋbala ba sɩɩ yɩrɛ Job sɩ na hɛɛŋ aŋ nyalɩmɛ nɛ, a bɩra nɩɩ ŋɩɩ Wɩa sɩ pɛ ʋ lɛ ʋ hɛɛ-la harɩŋ lɛ. Wʋtɩtɩɩ, La Tɩɩna ka fá la nenige arɩ la nisusuŋ nɛ kɩŋkɛŋ kɩŋkɛŋ.

1 Jɔɔŋ 2:25

Wɩɩ-la Kirisito tɩtɩa sɩ bʋla dɩ ʋ jaŋ ŋaa pɩla nɛ ŋ-la: Ʋ sɩ ʋ jaŋ joŋ mɩɩsɩ-la sɩ bɩ dɛrɛ a pɩla.

1 Jɔɔŋ 3:1

Ma na ŋɩɩ la Nyɩmma Wɩa sɩ chola. Ʋ chola kieli, ŋɩɩ nɛ tɩɩ ʋ kɛnla yɩyɩrɛ ʋ biiriŋ. Wʋtɩtɩɩ, la sɛnɛ ŋaa ʋ biiriŋ nɛ. Dʋnɩa nɩaa bɩ Wɩa jɩŋ, ŋɩɩ nɛ tɩɩ ba bɩ la ma jɩŋ ŋɩɩ.

Jɔɔŋ Wʋnaalaa 2:9

Mɩ jɩŋ wɩalɩŋ sɩɩ walɩmɛma nɛ, a jɩŋ ŋɩɩ ma sɩ summo, ama Wɩa teeŋ, ma ŋaa kuoroo nɛ. Nɩaa dɔnsʋŋ hɛ nɩmɛ aa chei ma yɩrɩŋ. Nɩaa deemba joŋ ba tɩtɩa arɩ ba ŋaa Juu tɩmma nɛ aŋ bɩ Juu tɩmma ŋaa. Baa to Sɩtaanɩ harɩŋ nɛ.

Jɔɔŋ Wʋnaalaa 3:18

Ŋɩɩ wɩaa mɩ bʋlaa pɩma dɩ ma yɔɔ sɛlɩmɛ-la ba sɩ chɛsɛ mɩ teeŋ, a ma wuo kɛŋ kɩaa, a yɔɔ gɛrɩ-pʋllʋŋ ma a laala tɔ ma yarɩ-biree, dɩ hɩɩsɩŋ sí ma kɛŋ. Má yɔɔ nʋʋŋ ma a hɛ ma sɩaa a wuo nɩna.