Maak 10:29 - WƖA TENIŊ

²⁹ Yesu bʋla pʋ, “Wʋtɩtɩɩ nɛ, ma leŋ ma kɩaa kala nɛ aŋ tutomi. Mɩ saa jaŋ bʋla pɩma, nɩɩ-la kala sɩ leŋ ʋ dɩa koo ʋ naambiiriŋ koo ʋ naaŋ koo ʋ nyɩmma koo ʋ biiriŋ koo ʋ bagɩsɩŋ mɩ wɩaa arɩ Wɩa wʋzɔmɔ-la wɩaa,

Maak 10:29 ပူးပေါင်းရင်းမြစ်များ

WƖAA DƖ-SUOMUŊ 45:20

Má sɩ́ leŋe dɩ ma kɩalɩŋ ma sɩ bɩ jaŋ wuo paa wɩaa walɩmɛma, bɛɛ wɩaa Ijipiti tinteeŋ kʋzɔŋŋɔɔ kala jaŋ ŋaa ma kɩaa.”

Matiu 10:18

A tɩŋ mɩ wɩaa, ba jaŋ kɛmma kaa mʋ kuoroo arɩ taŋ nɩhɩasɩŋ sɩpaaŋ dɩ ma ŋaa mɩ pɛ-naaraa. Ba jaŋ kɛmma kaa mʋ nɩalɩŋ sɩ bɩ Juu tɩŋŋaa ŋaa ma sɩpaaŋ.

Matiu 19:29

Bɩra, nɩɩ-la kala sɩ leŋ ʋ dɩɩsɩŋ koo ʋ naambiiriŋ koo ʋ nyɩmma koo ʋ naaŋ koo ʋ biiriŋ koo ʋ bagɩsɩŋ a tɩŋ mɩ wɩaa, ʋ tɩɩna jaŋ bɩra na kɩaa deemba naansɩɩŋ zɔlɔ, aŋ pɛ kɛŋ mɩɩsɩ-la sɩ bɩ dɛrɛ.

Matiu 6:33

Ŋɩɩ wɩaa má laa sɩpaaŋ chɛ kɩalɩŋ sɩ hɛ Wɩa kuorii-la tʋɔŋ a chɛ ŋɩɩ ma sɩ jaŋ ŋaa a kɛŋ tʋɔpʋla ʋ sɩpaaŋ. Ʋ jaŋ joŋ kɩaa deemba kʋŋkala pɛ pɩma.

Maak 8:35

Nɩɩ-la kala sɩɩ chɛ dɩ ʋ laa ʋ mɩɩsɩŋ, ʋ jaŋ vɩa ʋ mɩɩsɩŋ ta. Ama nɩɩ-la sɩ vɩa ʋ mɩɩsɩŋ ta a tɩŋ mɩ wɩaa arɩ Wɩa wʋzɔmɔ-la wɩaa, ʋ jaŋ sɛnɛ laa ʋ mɩɩsɩŋ.

Luuk 18:29

Ŋɩɩ nɛ Yesu bʋla pɩba, “Wʋtɩtɩɩ nɛ mɩ bʋlaa pɩma, nɩɩ-la kala sɩ jaŋ wuo leŋ ʋ dɩa arɩ ʋ haala koo ʋ naambiiriŋ koo ʋ nyɩmma arɩ ʋ naaŋ koo ʋ biiriŋ a tɩŋ Wɩa kuorii-la wɩaa,

1 Kɔrɩntɩ Nɩaa 9:23

Wɩaa deemba kala mɩ sɩɩ ŋaa, mɩɩ ŋaaba a tɩŋ Wɩa wʋzɔmɔ-la wɩaa nɛ. Mɩ ŋaa ŋɩɩ dɩ mɩ ma wuo na kʋzɔmɔ-la nɩalɩŋ sɩ laa Wɩa wʋzɔmɔ-la dii sɩ jaŋ na Wɩa teeŋ nɛ.

Jɔɔŋ Wʋnaalaa 2:3

Ma kɛŋ kenyiri nɛ, a na hɛɛŋ mɩ wɩaa aŋ nyalɩmɛ, a ha bɩ lɔlɔ.