Maak 10:24 - WƖA TENIŊ

²⁴ Ʋ bʋl ŋɩɩ, ʋ harɩ-tooro-la hirigi. Ʋ saa mɩɩra bʋla pɩba, “Mɩ biiri, ʋ ŋaa wʋduo nɛ arɩ nɩalɩŋ sɩ kɛŋ kɩaa sɩ jaŋ wuo jʋʋ Wɩa kuorii-la tʋɔŋ.

Maak 10:24 ပူးပေါင်းရင်းမြစ်များ

WƖA YƖƖLAA 17:14

Laamɛ ta nɩalɩŋ time kala sɩ hɛ dʋnɩa deeŋ nɩsɩŋ lɛ. Joŋ hɛɛ-la ŋ sɩ joŋo bil a gbɛrɛba a dɔgɩsɛba. Leŋ dɩ ʋ yi ba biiriŋ, aŋ ka dɩ mʋa ha ka a gbɛrɛ ba nihee ma.

WƖA YƖƖLAA 52:7

“Má bee na nɩɩ-la sɩ bɩ Wɩa joŋo ʋ ŋaa ʋ dɩ-duoŋ aŋ joŋ ʋ yɩɛlaa hɛ ʋ dʋa lɛ, a kɛŋ doluŋ a chichei ʋ dɔnsʋŋ tɩŋŋaa.”

WƖA YƖƖLAA 62:10

Má sɩ́ dol-la ma sɩɩ dii nɩaa lɛ kaa ŋmoo bɔyɛ, koo a kɛŋ gaarɩ-kɩaa dɩdagɛ ma tɩtɩa. Dɩ ma dʋa nɛ paala pʋŋa yʋgɛ ma, má sɩ́ ma yɩɛlaa joŋo hɛ ba lɛ.

NAMAGABA 11:28

Nɩɩ-la kala sɩ joŋ ʋ yɩɛlaa hɛ ʋ dʋa lɛ, ʋ jaŋ tel, ama tʋɔpʋl tɩŋŋaa wɩaa jaŋ vɩvɛŋ woruŋ a nagɛ tɩa sɩɩ waa ʋ bʋa lɛ.

NAMAGABA 18:11

Kɩaa tɩɩna teeŋ, dʋa nagɛ taŋ ba sɩ saa kɛrɛ golli nɛ. Ʋ bɩɩna dʋa-la nagɛ jebii duo nɛ a chu tɔʋ.

NAMAGABA 23:5

Ŋ jaŋ wuo na dʋa fine, ka dɩ ba lɛl. Ba jaŋ guu nyʋ kɩŋkɛnsɩŋ a file jɩl wɩa-nyuŋ a nagɛ kachuuŋ.

JƐRƖMAAYA 9:23

Wɩɩ-la La TƖƖNA bɩra sɩ bʋla nɛ ŋ-la: “Wʋjɩnna bɩ maga dɩ ʋ kɛŋ ʋ wʋjɩmɩŋ ŋmoo bɔyɛ. Nɩduoŋ ma bɩ maga ʋ kɛŋ ʋ doluŋ ŋmoo bɔyɛ. Kɩaa tɩɩna ma bɩ maga dɩ ʋ kɛŋ ʋ kɩaa ŋmoo bɔyɛ.

HABAKU 2:9

Wɩɩŋ puu nɩɩ-la sɩ bɩ wʋtɩtɩɩ lɛ to a dʋa kɩaa, a saa dɩa-la doho dʋndɔmɔ sɩ bɩ wuo jʋjʋʋ dɩ wʋbɔŋ kala sɩ́ ʋ jʋʋ.

ZEFANAAYA 1:18

Tapʋlɩɩ-la mɩ-na ba TƖƖNA sɩ jaŋ na baanɩŋ, ba warɩpʋla koo ba sɛlɩmɛ bɩ jaŋ wuo laaba ta. Mɩ yarɩ-bieri baanɩŋ jaŋ nagɛ nyiniŋ a joŋ dʋnɩa kala dii, bɛɛ wɩaa mɩ jaŋ leŋ dɩ nʋʋkala sɩ hɛ dʋnɩa lɛ guu sʋʋ.”

Matiu 19:25

Ʋ harɩ-tooro-la sɩ nɩɩ wɩaa deemba, ba faasa hirigi a pɩɛsɛ Yesu, “Dɩ ʋ nɛ nagɛ ŋ-la, kʋbɛɛ nɛ saa Wɩa jaŋ laa ta?”

Maak 1:27

Nɩalɩŋ kala mɩɩra hirigi a pɩpɩɛsɛ dɔŋɔ, “Bɛɛ nɛ ŋ-la? Wʋfalɩɩ nɛ ʋʋ dagɛ. Ʋ paala kɛŋ doluŋ a wuo jɩŋ-bɔŋŋɔɔ a bʋl wɩaa pɩba, ba tuto ʋ niiŋ.”

Maak 10:23

Ŋɩɩ nɛ Yesu beŋ nɩaa aŋ mɩɩra bʋla pɩ ʋ harɩ-tooroo, “Ʋ ŋaa wʋduo nɛ arɩ nɩalɩŋ sɩ kɛŋ kɩaa sɩ jaŋ wuo jʋʋ Wɩa kuorii-la tʋɔŋ.”

Luuk 16:14

Farisii tɩŋŋaa nɩɩ wɩɩŋ deeŋ Yesu sɩ bʋla. Ba fa cho dʋnɩa kɩaa nɛ kɩŋkɛŋ. Ŋɩɩ nɛ ba sisieri ʋ lɛ.

Jɔɔŋ 13:33

Mɩ biiriŋ, mɩ bɩra bɩ jaŋ hɛ ma teeŋ dieni. Ma jaŋ bee chɛmɛ, ama mɩ sɩ bʋl ŋɩɩ a pɩ Juu tɩŋŋaa, mɩ jaŋ bʋl ŋɩɩ a pɩ ma ma. Lee-la mɩ sɩ jaŋ mʋ, ma bɩ jaŋ wuo mʋ nɩmɛ.

Jɔɔŋ 21:5

Ŋɩɩ nɛ Yesu pɩɛsɛba, “Mɩ nandɔsʋŋ, ma kɛsɛ chenfilee nɛɛ?” Ŋɩɩ nɛ ba bʋl, “Aɩ, la bɩ kʋŋkala na.”

Jɔɔŋ 6:60

Nɩaa yʋga a faa to Yesu harɩŋ, a nɩɩ wɩalɩŋ ʋ sɩ bʋla. Ba sɩ, “Wɩaa deemba ʋ sɩɩ dagʋ, ba hɛyɛ kɩŋkɛŋ nɛ. Kʋbɛɛ nɛ jaŋ wuo sɛɩba?”

Galiisia Nɩaa 4:19

Mɩ bii chooloo, ma wɩaa ka wɩɩmɛ nɛ woruŋ, a nagɛ haala sɩɩ chɛ dɩ ʋ lʋl ʋ luoruŋ wʋwɩɩ ŋɩɩ. Ma wɩaa jaŋ wɩwɩɩmɛ ŋɩɩ halɩɩ, see dɩ ma bɩrɩma a nagɛ Kirisito sɩ nagɛ ŋɩɩ.

1 Timoti 6:17

Bʋla pɩ nɩalɩŋ sɩ kɛŋ kɩaa dʋnɩa deeŋ lɛ dɩ ba sɩ́ ba tɩtɩa dagʋ koo a joŋ ba yɩɛlaa hɛ ba dʋa lɛ, bɛɛ wɩaa nʋʋkala bɩ jɩŋ ʋ dʋa-la chie sɩ jaŋ chɩŋ ŋɩɩ. Ama ʋ maga dɩ ba joŋ ba yɩɛlaa hɛ Wɩa lɛ. Ʋ nɩɩ pɩla kʋŋkala la sɩɩ chɛ dɩ la kaa nɩnɩɩ sɩma.

1 Jɔɔŋ 2:1

Mɩ biiri, mɩ ŋmʋnsɛ wɩɩŋ deeŋ pɩpɩma dɩ ma bɩra sɩ́ wʋbɔŋŋɔɔ ŋaa, ama dɩ la kʋŋkala nɛ ŋaa wʋbɔŋ, la kɛŋ nʋʋ nɛ sɩ chɩŋ la nyuŋ Wɩa sɩpaaŋ. Ʋ jaŋ sʋla laala ʋ Nyɩmma teeŋ. Tʋɔpʋl Tɩɩna Yesu Kirisito nɛ ŋɩɩ.

1 Jɔɔŋ 4:4

Mɩ biiri, ma nɛ ŋaa nɩalɩŋ Wɩa sɩ tɩɩ. Ma nɛ lɛɛlɛ kɛŋ doluŋ a kɩɩ nɩalɩŋ sɩ nyɩɛ wɩaa arɩ ba ŋaa Wɩa wʋlaabʋlla nɛ, bɛɛ wɩaa Wɩa Dɩŋ-zɔmʋŋ sɩ hɛ ma lɛ nɛ kɛŋ doluŋ a kɩɩ dol-la dʋnɩa nɩaa sɩ kɛnɛ.

1 Jɔɔŋ 5:21

Mɩ biiri, má lɩɩsɛ ma tɩtɩa vʋɩyaa lɛ.

Jɔɔŋ Wʋnaalaa 3:17

Ma yie bigisi ma tɩtɩa lɛ arɩ ma kɛŋ kɩaa nɛ, ma bɩra bɩ kʋŋkala ka chɛ. Ama ma bɩ jɩŋ arɩ ma wɩɩŋ kɛŋ hɛɛŋ nɛ, ma ŋaa nisusu tɩmma, a ŋaa summo, a ŋaa nyʋlɩma aŋ kɛŋ yarɩ-biree.