Maak 10:22 - WƖA TENIŊ

²² Yesu sɩ bʋl ŋɩɩ, ʋ ŋaa baal-la sɩaa biri, bɛɛ wɩaa ʋ kɛŋ kɩaa nɛ woruŋ. Ʋ tʋɔŋ chei, ʋ sii viiri.

Maak 10:22 ပူးပေါင်းရင်းမြစ်များ

ƐZƖKƖƐL 33:31

Mɩ nɩaa jaŋ yʋgɛ a kɔ ŋ teeŋ dɩ ba jegile nɩɩ ŋ niiŋ wɩaa, ama ba bɩ jaŋ kɛmba tɩŋ. Ba niiree yie bʋbʋl wʋzɔŋŋɔɔ nɛ, ama ba tʋɔŋ bɔmɔ a gɩrɩma lɩlaa nɩaa kɩaa.

Matiu 13:22

Kɩalɩŋ sɩ tel sɔsʋŋ tʋɔŋ ma nɛ ŋaa nɩalɩŋ sɩ yie nɩɩ Wɩa niiŋ wɩalɩŋ, ama dʋnɩa wɩaa arɩ dʋnɩa kɩaa wɩaa wʋwalɩmɛba, ba cho dɩ ba jige aa chɛ kʋŋkala. A tɩŋ wɩaa deemba, ba bɩ sɛɩ dɩ ba to wɩalɩŋ. Wɩalɩŋ bɩ doho kɛnɛ ba teeŋ.

Matiu 19:22

Yesu sɩ bʋl ŋɩɩ, baal-la tʋɔŋ chei, ʋ sii viiri, bɛɛ wɩaa ʋ kɛŋ kɩaa nɛ woruŋ.

Matiu 27:3

Judas zɛmbɛ tɩɩna-la sɩ nɩa dɩ baa chɛ dɩ ba kpʋ Yesu nɛ, ʋ tʋɔŋ chei arɩ ʋ sɩ yallɛ Yesu ŋɩɩ. Ʋ mɩɩra kɛŋ warɩpʋla mara arɩ fii-la a kaa mʋ Wɩɩsʋllɩ sɩpaalaaraa kʋhɩasɩŋ arɩ taŋ-la kʋhɩasɩŋ teeŋ a bʋl,

Maak 10:21

Ŋɩɩ nɛ Yesu beŋ ʋ sɩaa lɛ a chou aŋ bʋla pʋ, “Wʋbala nɛ ka, ŋ ha bɩ ŋaa. Joŋ ŋ kɩaa kala yallɛ a joŋ moribie-la a pɩ summoo aŋ kʋ tomi. Ŋ nɛ ŋaa ŋɩɩ, ŋ jaŋ kɛŋ kɩaa Wɩa-jaŋ lɛ.”

Maak 10:23

Ŋɩɩ nɛ Yesu beŋ nɩaa aŋ mɩɩra bʋla pɩ ʋ harɩ-tooroo, “Ʋ ŋaa wʋduo nɛ arɩ nɩalɩŋ sɩ kɛŋ kɩaa sɩ jaŋ wuo jʋʋ Wɩa kuorii-la tʋɔŋ.”

Maak 6:20

bɛɛ wɩaa Hɛrɔd faa fá Jɔɔŋ nɛ a ŋaa ba pɔʋ woruŋ. Ʋ jɩma dɩ Jɔɔŋ fa ŋaa tʋɔpʋl tɩɩna nɛ a bɩ wʋcheeli kala kɛnɛ. Wɩalɩŋ kala Jɔɔŋ fa sɩɩ bʋl kperu nɛ, arɩ ŋɩɩ kala ʋ ha cho dɩ ʋ jegile nɩɩba.

Maak 6:26

Kuoro sɩ nɩɩ wɩɩ-la, ʋ tʋɔŋ kala chei. Ama ʋ sɩ ŋmɩɛsa ŋɩɩ, nɩalɩŋ kala nɩɩ, ʋ bɩra bɩ ʋ niiŋ wuo bɩrɩmɛ.

Luuk 12:15

Ŋɩɩ nɛ ʋ bɩra bʋla pɩ nɩalɩŋ, “Má fɩɛlɛ ma sɩaa a sɩ́ tʋɔ-luŋuŋ kɛŋ. Dɩ nuhuobiine nɛ kɛŋ kɩaa kɩŋkɛŋ, kɩalɩŋ bɩ jaŋ wuo leŋ dɩ ʋ kɛŋ mɩɩsɩŋ.”

Luuk 18:23

Baal-la sɩ nɩɩ wɩɩŋ deeŋ, ʋ tʋɔŋ kala chei, bɛɛ wɩaa ʋ fa kɛŋ kɩaa nɛ woruŋ.

2 Kɔrɩntɩ Nɩaa 7:10

Dɩ Wɩa nɛ leŋe nʋʋ tʋɔŋ chei a tɩŋ ʋ wʋbɔŋŋɔɔ wɩaa, ʋ tɩɩna yie bɩrɩma lɩɩ ʋ wʋbɔŋŋɔɔ lɛ nɛ Wɩa laaʋ ta. Nʋʋkala tʋɔŋ bɩ maga dɩ ʋ chei ŋɩɩ lɛ. Ama dɩ dʋnɩa nɩaa wʋŋaalaa nɛ leŋe dɩ nʋʋ tʋɔŋ chei, ŋɩɩ jaŋ leŋ dɩ ʋ tɩɩna sʋʋ.

Ɛfɛsɩs Nɩaa 5:5

Ʋ maga dɩ ma jɩŋ woruŋ, arɩ nɩalɩŋ sɩɩ ŋaa wʋlɩɩlɩŋ koo nɩalɩŋ sɩɩ ŋaa disiniŋ, arɩ nɩalɩŋ sɩ kɛŋ tʋɔ-luŋuŋ [tʋɔ-luŋuŋ nagɛ vʋɩ-kpaarɩŋ nɛ], nɩaa deemba kʋŋkala bɩ jaŋ dii kɩalɩŋ Wɩa sɩ ŋaa bil ʋ nɩaa lɛ, ʋ-na Wɩa arɩ Kirisito kuorii-la tʋɔŋ.

2 Timoti 4:10

bɛɛ wɩaa Dɩmas vɩamɛ nɛ. Ʋ cho dʋnɩa kɩaa nɛ. Ŋɩɩ nɛ tɩɩ ʋ vɩamɛ ta aŋ mʋ Tɛsalonaaka. Kɩrɛsɩsɛŋ ma mʋ Galiisia, Taatɩs ma mʋ Dalɩmatɩa.