Maak 10:21 - WƖA TENIŊ

²¹ Ŋɩɩ nɛ Yesu beŋ ʋ sɩaa lɛ a chou aŋ bʋla pʋ, “Wʋbala nɛ ka, ŋ ha bɩ ŋaa. Joŋ ŋ kɩaa kala yallɛ a joŋ moribie-la a pɩ summoo aŋ kʋ tomi. Ŋ nɛ ŋaa ŋɩɩ, ŋ jaŋ kɛŋ kɩaa Wɩa-jaŋ lɛ.”

Maak 10:21 ပူးပေါင်းရင်းမြစ်များ

WƖAA DƖ-SUOMUŊ 34:19

Bapʋɔsɩ-bie deeŋ nɛ ba fa zizil woruŋ a kɩɩ nʋʋkala ʋ nyɩmma dɩa nɩaa tʋɔŋ. Ʋ-na bɩ diene aŋ ŋaa wɩalɩŋ kala ba sɩ bʋla dɩ ba ŋaa a tɩŋ ʋ sɩ cho Jekɔb tolo wɩaa.

NAMAGABA 23:23

Chɛ wʋtɩtɩɩ, a sɩ́ joŋo yallɛ. Chɛ wʋjɩmɩŋ a sɛɩ dɩ ba kɛnɩŋ tʋrɛ, arɩ ŋɩɩ ŋ sɩ jaŋ to jɩŋ wɩaa sɩaa.

Matiu 16:24

Ŋɩɩ nɛ ʋ bʋla pɩ ʋ harɩ-tooroo, “Dɩ nʋʋkala nɩɩ chɛ dɩ ʋ tomi, see dɩ ʋ vɩa ʋ tɩtɩa wombiiŋ aŋ joŋ ʋ daagɛsɛ baasɛ a to mɩ harɩŋ.

Matiu 19:21

Yesu bʋla pʋ, “Dɩ ŋ nɩɩ chɛ ŋ ŋaa nɩzɔŋ a sɩ́ wɩɩkala kɛŋ, joŋ ŋ kɩaa kala yallɛ a joŋ moribie-la a pɩ summoo aŋ kʋ tomi. Ŋ nɛ ŋaa ŋɩɩ, ŋ jaŋ kɛŋ kɩaa Wɩa-jaŋ lɛ.”

Maak 10:22

Yesu sɩ bʋl ŋɩɩ, ʋ ŋaa baal-la sɩaa biri, bɛɛ wɩaa ʋ kɛŋ kɩaa nɛ woruŋ. Ʋ tʋɔŋ chei, ʋ sii viiri.

Maak 8:34

Ŋɩɩ nɛ ʋ yɩrɛ ʋ harɩ-tooroo arɩ nɩalɩŋ kala ba kɔ, ʋ bʋla pɩba, “Dɩ nʋʋkala nɩɩ chɛ dɩ ʋ tomi, see dɩ ʋ vɩa ʋ tɩtɩa wombiiŋ aŋ joŋ ʋ daagɛsɛ baasɛ a tomi.

Luuk 10:42

Ʋ maga dɩ ŋ chɛ wʋbala dʋndʋŋ nɛ. Wɩɩ-la tɩtɩa nɛ Mɛɛrɩ lɩɩsɛ ŋɩɩ. Wɩɩ-la ba sɩ bɩ jaŋ wuo kaa laa ʋ teeŋ.”

Luuk 12:33

Má joŋ ma kɩaa kala yallɛ a joŋ moribie-la a pɩ summoo. Má chɛ kɩalɩŋ sɩ bɩ chei a bil ma tɩtɩa lɛ, a joŋ ma kɩaa bil Wɩa-jaŋ lɛ. Nɩmɛ ba bɩ jaŋ dɛrɛ, gaarʋ kala bɩ jaŋ wuo paaba, pʋgʋmaa ma bɩ jaŋ diiba.

Luuk 16:9

Ŋɩɩ nɛ Yesu bɩra bʋla pɩ ʋ harɩ-tooro-la, “Mɩ bʋlaa pɩma, má joŋ moribiee a kaa dii nandɔnsʋŋ. Dɩ moribie-la nɛ dɛrɛ, Wɩa jaŋ kɛmma kaa mʋ ʋ jaŋ a joŋ mɩɩsɩ-la sɩ bɩ dɛrɛ a pɩma.

Luuk 18:22

Yesu sɩ nɩɩ wɩalɩŋ ʋ sɩ bʋla, ʋ bʋla pʋ, “Wʋbala nɛ ka ŋ ha jaŋ ŋaa. Joŋ ŋ kɩaa kala a yallɛ, a joŋ moribie-la a pɩ summoo, aŋ kʋ tomi. Ŋ nɛ ŋaa ŋɩɩ, ŋ jaŋ kɛŋ kɩaa Wɩa-jaŋ lɛ.”

Luuk 19:41

Yesu sɩɩ mʋ ŋɩɩ, ʋ kʋ kpagɛ Jerusalɛm a na taŋ-la. Ʋ yel a tɩŋ taŋ-la nɩaa wɩaa aŋ bʋl,

Luuk 9:23

Ŋɩɩ nɛ ʋ bʋla pɩ nɩalɩŋ kala, “Dɩ nʋʋkala nɩɩ chɛ dɩ ʋ tomi, see dɩ ʋ vɩa ʋ tɩtɩa wombiiŋ aŋ joŋ ʋ daagɛsɛ baasɛ tapʋlɩɩ-na kala a to mɩ harɩŋ.

Jɔɔŋ 12:26

Nɩɩ-la kala sɩ cho dɩ ʋ tɩma pɩpɩmɛ, maga ʋ to mɩ harɩŋ. Lee-la kala mɩ sɩ hɛ, ʋ tɩɩna ma jaŋ hɛ nɩmɛ. Dɩ nʋʋkala nɛ tɩma pɩpɩmɛ, mɩ Nyɩmma jaŋ zil ʋ tɩɩna.

Jɔɔŋ 16:33

Mɩ bʋl wɩaa deemba pɩma dɩ ma wuo hɔŋ arɩ fɩɛlɩŋ nɛ. Dʋnɩa deeŋ tʋɔŋ ma jaŋ na hɛɛŋ. Ama má leŋ dɩ ma nyuŋ nyaasɛ. Mɩ yuo dii dʋnɩa nɛ.”

Tɩntɩŋŋaa 2:45

Ba yie joŋ ba kɩaa ma yallɛ a kɛŋ moribie-la a kpɩkpaa dɔŋɔ, a magɛ ŋɩɩ nʋʋkala sɩɩ chɛ.

2 Kɔrɩntɩ Nɩaa 12:15

A tɩŋ ma wɩaa mɩ paala faasa cho nɛ dɩ mɩ kɛŋ kʋŋkala mɩ sɩ kɛnɛ arɩ mɩ doluŋ a tɩma pɩma. Ŋɩɩ wɩaa, dɩ mɩ nɛ choma kɩŋkɛŋ, ʋ maga dɩ ma ma chomi nɛ.

2 Timoti 3:12

Nʋʋkala sɩɩ chɛ dɩ ʋ to Wɩa wombiiŋ dɩ ʋ dɩ Kirisito Yesu ŋaa kʋbala, nɩaa jaŋ to naasɩŋ dɔgɩsʋ.

Hiburu TƖŊŊAA 10:34

Ma fa nɩalɩŋ ba sɩ kaa tɔ dɩa Yesu wɩaa bunso nɛ. Ba sɩ fʋga laa ma kɩaa, ma sɛɩ wɩɩ-la arɩ tʋɔtɔrʋŋ, bɛɛ wɩaa ma jɩma arɩ ma kɛŋ kɩalɩŋ sɩ zɔmɔ kɩɩ dʋnɩa deeŋ kɩaa nɛ. Kɩalɩŋ-na jaŋ hɛ nɩmɛ deeŋ deeŋ.

Jeems 2:10

Dɩ nʋʋ nɛ paala tuto wɩalɩŋ kala ba sɩ ŋmʋnsa bil dɩ nɩaa tuto aŋ chei ba tʋɔŋ wʋbala ma, ʋ naga ʋ chei wɩalɩŋ kala nɛ ŋɩɩ Wɩa sɩpaaŋ.

Jɔɔŋ Wʋnaalaa 2:14

Ma ŋaa kukeri nɛ, ama wɩaa baŋmɛnɛ nɛ ma ŋaa chei. Nɩaa dɔnsʋŋ hɛ ma tʋɔŋ a tuto wɩalɩŋ baal-la ba sɩɩ yɩrɛ Balam fa sɩɩ dagʋ. Ʋ nɛ dagɛ kuoru kʋbala baa yɩrɛ Balak dɩ ʋ nyɩsɛ Iziral tɩŋŋaa dɩ ba didii vʋɩyaa kɩaa aŋ pɛ ŋɩŋaa wʋlɩɩlɩŋ.

Jɔɔŋ Wʋnaalaa 2:20

Ma ŋaa kukeri, ama wɩaa baŋmɛnɛ nɛ ma ŋaa chei. Haal kʋbala nɛ hɛ ma tʋɔŋ aa dagɛ wʋbɔŋŋɔɔ, ka ma bɩ ʋ kire. Haal-la ba sɩɩ yɩrɛ Jɛzɛbɛl nɛ ŋɩɩ. Ʋ fa joŋ ʋ tɩtɩa arɩ ʋ ŋaa Wɩa wʋlaabʋllʋ nɛ ama ʋʋ nyɩɛ nɛ. Ʋʋ dagɛ mɩ nɩaa nɛ dɩ ba ŋɩŋaa wʋlɩɩlɩŋ aŋ pɛ didii vʋɩyaa kɩaa ma.

Jɔɔŋ Wʋnaalaa 2:4

Ama wɩɩ nɛ mɩ kɛŋ a tɩgɛ ma lɛ. Ma fa sɩ chomi ŋɩɩ bumbuŋ-la, ma bɩra bɩ mɩ ŋɩɩ cho.