Maak 10:2 - WƖA TENIŊ

² Ŋɩɩ nɛ Farisii tɩŋŋaa dɔnsʋŋ ma sii kɔ ʋ teeŋ a chɩchɛ dɩ ba magɩsʋ a pɩɛsʋ, “Ŋ sɩ vɩa ŋ haala, ʋ kɛŋ wombiiŋ nɛɛ?”

Maak 10:2 ပူးပေါင်းရင်းမြစ်များ

MALAKAƖ 2:16

La TƖƖNA Iziral tɩŋŋaa Wɩa sɩ, “Mɩ-na ma TƖƖNA doluŋ kala Tɩɩna bɛrɛ haalaa vɩanɩŋ nɛ. Mɩ bɛrɛ nʋʋ na-kala sɩ kɛŋ tʋɔbɔmʋŋ ʋ haala teeŋ a vɩaʋ nɛ. Má kɛŋ ma tɩtɩa woruŋ a pʋpɔ ma sɩ́ nii-la sɩ hɛ ma dɩ ma haalaa pɛgɛ chei.”

Matiu 15:12

Ŋɩɩ nɛ Yesu harɩ-tooroo kɔ ʋ teeŋ a bʋla pʋ, “Ŋ jɩma arɩ ŋ chei Farisii tɩmma-la tʋɔŋ nɛ ŋ sɩ bʋl ŋɩɩ?”

Matiu 16:1

Ŋɩɩ nɛ Farisii tɩŋŋaa arɩ Saduusi tɩŋŋaa dɔnsʋŋ kɔ Yesu teeŋ dɩ ba magɩsʋ. Ba bʋla pʋ dɩ ʋ ŋaa wʋmagɩlɩŋ dɩ ba na a jɩŋ arɩ ʋ dol-la lɩɩ Wɩa teeŋ nɛ.

Matiu 19:3

Ŋɩɩ nɛ Farisii tɩŋŋaa dɔnsʋŋ ma sii kɔ ʋ teeŋ a chɩchɛ dɩ ba magɩsʋ a pɩɛsʋ, “Dɩ ŋ kɛŋ wɩɩ a tɩgɛ ŋ haala lɛ a chɩchɛ ŋ vɩaʋ, ʋ ŋaa wombii nɛɛ?”

Matiu 22:35

Ŋɩɩ nɛ Wɩa teniŋ kerichiba dɔŋɔ wʋwalɩmɛ dɩ ʋ magɩsɛ Yesu a pɩpɩɛsʋ wɩaa.

Matiu 23:13

Ma Wɩa teniŋ kerichiba arɩ ma Farisii tɩŋŋaa, ma kanfugi tɩmma-la, ma jaŋ na hɛɛŋ. Ma kɛŋ Wɩa kuorii-la dɩa-boro yagɛ nɛ dɩ nɩaa sɩ́ jʋʋ, bɛɛ wɩaa ma tɩtɩa bɩ chɛ dɩ ma jʋʋ, aŋ bɩra pɔ dɩ nɩalɩŋ sɩɩ walɩmɛ dɩ ba jʋʋ, dɩ ba ma sɩ́ jʋʋ. [

Matiu 9:34

Ama Farisii tɩŋŋaa bʋl arɩ jɩnsɩŋ kuoro nɛ pʋ doluŋ dɩ ʋ kikiri jɩŋ-bɔŋŋɔɔ ŋɩɩ.

Maak 10:1

Ŋɩɩ nɛ Yesu sii a lɩɩ nɩmɛ a mʋ Judiya tinteeŋ a chol Jɔdaŋ fuo-la. Nɩ-daŋ bɩra hilimi ʋ teeŋ. Ʋ bɩra dagɛba arɩ ʋ sɩ yie dagɛba ŋɩɩ.

Maak 10:3

Yesu mɩɩra pɩɛsɛba, “Ɛɛ nɛ Mosis dagɛma dɩ ma tuto?”

Maak 8:11

Ŋɩɩ nɛ Farisii tɩŋŋaa dɔnsʋŋ sii kɔ aa chɛ dɩ ba magɩsɛ Yesu a kʋ kɛŋ wɩaa lɩlɛrɛ a bʋl, “Ŋ sɩ kɛŋ doluŋ, ŋaa wʋmagɩl dɩ la na a jɩŋ arɩ ŋ dol-la lɩɩ Wɩa teeŋ nɛ.”

Maak 8:15

Ŋɩɩ nɛ Yesu bʋl arɩ sɩɩfɩɛsɩŋ, “Má pɔ ma tɩtɩa lɛ arɩ Farisii tɩŋŋaa arɩ Hɛrɔd lɛ. Ba nagɛ sɩbʋrʋŋ nɛ, dɩ ŋ joŋo hɛ kʋŋkala lɛ, ʋ yie sii pʋɔrʋ nɛ.”

Luuk 11:39

Ŋɩɩ nɛ La Tɩɩna Yesu bʋla pʋ, “Ma-na Farisii tɩŋŋaa, ma yie chɛsɛ ma gbansɩŋ arɩ ma nyʋnyʋalʋsʋŋ harɩŋ woruŋ dɩ ba zɔŋ aŋ bɩ ba tʋɔŋ ka tiisi, ka ba tʋɔŋ kala birisi. Ma nagɛ nyʋnyʋalʋsʋŋ arɩ gbansɩŋ deemba nɛ. Ma yaraa nɛ zɔmɔ, ama ma tʋɔŋ lɛ ma kɛŋ yarɩ-bieriŋ arɩ tʋɔbɔmʋŋ.

Luuk 16:14

Farisii tɩŋŋaa nɩɩ wɩɩŋ deeŋ Yesu sɩ bʋla. Ba fa cho dʋnɩa kɩaa nɛ kɩŋkɛŋ. Ŋɩɩ nɛ ba sisieri ʋ lɛ.

Luuk 5:30

Ŋɩɩ nɛ Farisii tɩŋŋaa dɔnsʋŋ arɩ Wɩa teniŋ kerichiba arɩ ba nandɔnsʋŋ sii a pɩɛsɛ Yesu harɩ-tooroo, “Bɛɛ nɛ tɩɩ ma dɩ lampoo laaraa arɩ wʋbɔŋ ŋaaraa kala hɔnɔ didii kʋdiilee?”

Luuk 6:7

Wɩa teniŋ kerichiba arɩ Farisii tɩŋŋaa dɔnsʋŋ ma fa hɛ nɩmɛ. Baa chɛ dɩ ba na wɩɩ nɛ a to ŋɩɩ lɛ a kɛŋ Yesu, a bʋl dɩ ʋ chei ba kɩsɩŋ lɛ nɛ. Ba kala chaarɛ sɩaa bibenu dɩ ba na arɩ ʋ jaŋ vaarɛ baal-la chɛ-wiesii-la chɛɛŋ.

Luuk 7:30

Ama Farisii tɩŋŋaa arɩ Wɩa teniŋ kerichiba vɩa Wɩa niiŋ wɩalɩŋ Jɔɔŋ sɩ bʋla. Ba nɛ bɩ sɛyɛ dɩ Jɔɔŋ foba Wɩɩchʋɔlɛ lɩɩŋ.)

Jɔɔŋ 11:47

Ŋɩɩ nɛ Farisii tɩmma-la arɩ Wɩɩsʋllɩ sɩpaalaaraa kʋhɩasɩŋ arɩ nɩaa dɔnsʋŋ sɩ yie hilime vʋvʋʋrɛ wɩaa bʋl, “Bɛɛ nɛ la jaŋ ŋaa? Má na wʋmagɩla-la kala baala deeŋ sɩɩ ŋaa nɛ.

Jɔɔŋ 11:57

Bʋa-la lɛ, dɩ Wɩɩsʋllɩ sɩpaalaaraa kʋhɩasɩŋ arɩ Farisii tɩŋŋaa pa niiŋ, dɩ nʋʋkala nɛ jɩŋ Yesu sɩ hɛ lee-la, dɩ ʋ dagɛ, dɩ ba wuo kɛnʋ.

Jɔɔŋ 7:32

Farisii tɩŋŋaa sɩ nɩa dɩ nɩ-daŋ-la munso bʋbʋl Yesu wɩaa ŋɩɩ, ŋɩɩ nɛ ba dɩ Wɩɩsʋllɩ sɩpaalaaraa kʋhɩasɩŋ tɩŋ nɩalɩŋ sɩɩ pɔ Wɩa dɩɩ-balɩŋ dɩ ba mʋ kɛŋ Yesu.

Jɔɔŋ 7:48

Ma ha nɩa arɩ la kʋhɩasɩŋ tʋɔŋ koo la Farisii tɩŋŋaa tʋɔŋ kʋbala laa ʋ wɩaa dii?

Jɔɔŋ 8:6

Ba bʋl ŋɩɩ dɩ ba ŋmoo Yesu fehe lɛ nɛ, a wuo na wombiiŋ a bʋl ʋ teeŋ. Ŋɩɩ nɛ Yesu kɛŋ ʋ nyuŋ chugili tinteeŋ aŋ kɛŋ ʋ neniiŋ tutuuri tinteeŋ.

1 Kɔrɩntɩ Nɩaa 10:9

Ʋ bɩ maga dɩ la magɩsɛ La Tɩɩna. Ba dɔnsʋŋ fa magɩsʋ nɛ, ŋɩɩ nɛ ʋ leŋ dɩŋŋaa dɩmba a kpʋ.