Maak 10:17 - WƖA TENIŊ

¹⁷ Yesu bɩra sie dɩ ʋ vɛŋ wombiiŋ. Baal kʋbala fá kʋ kpirimi ʋ sɩpaaŋ a pɩɛsʋ, “Mɩ kʋhɩa-zɔmʋŋ, ɛɛ nɛ mɩ jaŋ ŋaa a kɛŋ mɩɩsɩ-la sɩ bɩ dɛrɛ?”

Maak 10:17 ပူးပေါင်းရင်းမြစ်များ

DANƖƐL 6:10

Danɩɛl sɩ nɩa dɩ ba tɔ boŋ-la nɛ a ŋmʋnsa bil nʋʋkala jɩŋ, ʋ mɩɩra mʋ dɩa a jɩl ʋ lusuŋ nyuŋ dɩa, lee-la tokoroba sɩ suroo chaasɛ Jerusalɛm dɩɩrɩŋ. Nɩmɛ nɛ ʋ yie kpirime chʋɔlɛ Wɩa naansɩɩŋ butori tapʋlɩɩ kala, a lɔllʋ arɩ ʋ fa sɩ vɛnɛɛ ŋaa ŋɩɩ.

Matiu 17:14

Ŋɩɩ nɛ Yesu arɩ ʋ harɩ-tooroo batori-la sii lɩɩ peel-la nyuŋ a kʋ tuu nɩ-daŋ-la teeŋ. Dɩ baal kʋbala kɔ Yesu teeŋ a kpirimi ʋ sɩpaaŋ

Matiu 25:34

Ŋɩɩ nɛ mɩ-na Kuoro jaŋ bʋla pɩ nɩalɩŋ sɩ chɩŋ mɩ nadiiŋ, ‘Má kɔ. Mɩ Nyɩmma Wɩa nɛ pɛ ma lɛ. Má kʋ dii Wɩa kuorii-la ba sɩ wasa bil ma lɛ dʋnɩa dɩ-suomuŋ,

Matiu 28:8

Ŋɩɩ nɛ ba lɩɩ vaaŋ-la leriŋ aa tuosi. Fawʋllʋŋ fa kɛmba nɛ, ama ba tʋɔŋ ma tɔrɛ. Ba fá mʋ dɩ ba bʋla pɩ Yesu harɩ-tooroo wɩɩ-la sɩ ŋaa.

Maak 1:40

Ŋɩɩ nɛ gbege kʋbala ma kɔ Yesu teeŋ a tuu kpirimi a sʋlʋ, “Dɩ ŋ nɛ cho, ŋaa dɩ mɩ duori.”

Maak 10:18

Yesu pɩɛsʋ, “Bɛɛ nɛ tɩɩ ŋ yɩrɛmɛ kʋhɩa-zɔmʋŋ? Nʋʋkala bɩ zɔŋ see Wɩa dʋndʋŋa.

Maak 12:14

Ba kɔ ʋ teeŋ a bʋla pʋ, “La Kʋhɩaŋ, la jɩma dɩ ŋ kɛŋ wʋtɩtɩɩ nɛ. Ŋ sɩpaa tuo nʋʋ lɛ. Ŋ bɩ nɩbal sɩɩŋ ka fá. Ŋŋ dagɛ Wɩa wombii-tɩtɩɩ-la nɛ. Ʋ ŋaa wombiiŋ nɛ dɩ la tiŋ lampoo a pɩ Rom tinteeŋ kuoru-balɩŋ ba sɩɩ yɩrɛ Siiza koo ʋ bɩ wombii ŋaa?

Maak 9:25

Yesu sɩ na dɩ nɩ-daŋ fa kʋ hihilimiba, ʋ kpɩa jɩŋ-bɔŋ-la lɛ, “Jɩŋ-taŋɩɩ, mɩ nɛ bʋla, kʋ lɩɩ bile lɛ. Pʋpɔ dɩ ŋ maachie bɩra sɩ́ ʋ jʋʋ.”

Luuk 10:25

Ŋɩɩ nɛ Wɩa teniŋ kerichi kʋbala kɔ a wʋwalɩmɛ dɩ ʋ magɩsɛ Yesu a pɩɛsʋ, “Kʋhɩaŋ, bɛɛ kʋŋ nɛ mɩ jaŋ ŋaa a kɛŋ mɩɩsɩ-la sɩ bɩ dɛrɛ?”

Jɔɔŋ 3:2

Tɩtaŋ kʋbala ʋ sii kɔ Yesu teeŋ a bʋl, “Kʋhɩaŋ, la jɩma arɩ ŋ nɛ ŋaa Nɩɩ-la Wɩa sɩ ta dɩ ŋ dagɛ nɩaa. Nʋʋkala bɩ jaŋ wuo ŋaa wʋmagɩla-la ŋ sɩɩ ŋaa, see dɩ Wɩa pɛ tɩɩna lɛ.”

Jɔɔŋ 5:39

Ma yie fɩɛsɛ sɩɩŋ a kɩkarɩmɛ Wɩa teniŋ. Ma bɩɩna arɩ ma nɩɩ ŋaa ŋɩɩ, ma jaŋ wuo kɛŋ mɩɩsɩ-la sɩ bɩ dɛrɛ. Wɩa teŋ-la ma sɩɩ karɩmʋ ma paala bʋl mɩ wɩaa nɛ.

Jɔɔŋ 6:40

Wɩalɩŋ mɩ Nyɩmma sɩɩ chɛ nɛ ŋ-la: Dɩ nʋʋ na-kala sɩ na mɩ-na ʋ Bie a laa mɩ wɩaa dii, dɩ ʋ kɛŋ mɩɩsɩ-la sɩ bɩ dɛrɛ. Dʋnɩa dɩdɛrɩŋ ma, mɩ jaŋ chɩsʋ sʋʋŋ lɛ dɩ ʋ kɛŋ mɩɩsɩŋ.”

Tɩntɩŋŋaa 16:30

Ʋ kɛmba kaa lɩɩ a pɩɛsɛba, “Mɩ nandɔnsʋŋ, ɛɛ nɛ mɩ jaŋ ŋaa dɩ Wɩa laamɛ ta?”

Tɩntɩŋŋaa 2:37

Nɩalɩŋ sɩ nɩɩ wɩɩŋ deeŋ Pɩɩta sɩ bʋla, ʋ faasa wʋwalɩmɛba kɩŋkɛŋ. Ŋɩɩ nɛ ba pɩɛsɛ Pɩɩta arɩ Yesu nanzɔɔba-la dɔnsʋŋ, “La naambiiriŋ, bɛɛ kʋŋ nɛ saa la jaŋ ŋaa?”

Tɩntɩŋŋaa 20:32

Mɩ lɛɛlɛ jomma hɛ Wɩa nɩsɩŋ lɛ nɛ. Wɩa wʋzɔmɔ-la lahɔrɩmɔ lɛ ʋ jaŋ pɛ ma lɛ. Ʋ jaŋ wuo pɛ ma lɛ dɩ ma kɛŋ doluŋ a chɩŋ wɩalɩŋ ma sɩ laa dii lɛ. Ʋ jaŋ leŋ dɩ ma wuo dii kɩalɩŋ ʋ sɩ ŋaa bil nɩaa lɛ.

Tɩntɩŋŋaa 9:6

Sii jʋʋ tabal-la tʋɔŋ. Nɩmɛ ba jaŋ dagɩŋ wɩɩ-la ŋ sɩ jaŋ ŋaa.”

Rom Tɩŋŋaa 2:7

Nɩalɩŋ sɩ kɛŋ kenyiri a ŋɩŋaa wʋzɔŋŋɔɔ, a ŋaa ŋɩɩ a chɩchɛ dɩ ba laa yɩrɩŋ Wɩa sɩpaaŋ, a chɩchɛ mɩɩsɩ-la sɩ bɩ dɛrɛ, Wɩa jaŋ joŋo pɩba.

Rom Tɩŋŋaa 6:23

Wʋbɔŋŋɔɔ time nɛ sʋʋŋ. Ama Wɩa zile kʋ-la ʋ sɩ joŋo pɩla nɛ ŋaa mɩɩsɩ-la sɩ bɩ dɛrɛ, a tɩŋ La Tɩɩna Yesu Kirisito wɩaa.

Ɛfɛsɩs Nɩaa 1:18

Wɩa sɩ yɩrɛma dɩ ma wuo jʋʋ ʋ kuorii-la tʋɔŋ ŋɩɩ, mɩɩ sʋlʋ dɩ ʋ wuo suri ma tʋɔŋ dɩ ma wuo jɩŋ kʋ-la ma sɩɩ yɩɛlʋ nagɩsɩŋ, a bɩra jɩŋ kɩalɩŋ ma dɩ Wɩa nɩaa kala sɩ jaŋ dii zɔmʋŋ.

Taatɩs 3:7

Ʋ lahɔrɩmɔ lɛ ʋ ŋaa ŋɩɩ dɩ la kɛŋ tʋɔpʋla ʋ sɩpaaŋ, a wuo kɛŋ mɩɩsɩ-la sɩ bɩ dɛrɛ, wɩɩ-la la sɩɩ yɩɛlʋ lɛ.

Hiburu TƖŊŊAA 1:14

Wɩa tɩndaara-la kala ŋaa Wɩa tɩntɩnnaa nɛ. Wɩa yie tɩmba ba mʋ pɛ nɩalɩŋ ʋ sɩɩ chɛ ʋ laa ta lɛ nɛ.

1 Pɩɩta 1:4

a dii kʋzɔmɔ-la Wɩa sɩ ŋaa bil ʋ nɩaa lɛ ʋ jaŋ lɛ. Kɩalɩŋ bɩ jaŋ pʋa, ba bɩ jaŋ chei ma, ba zɔmʋŋ ma bɩ jaŋ lɩɩ.

1 Jɔɔŋ 2:25

Wɩɩ-la Kirisito tɩtɩa sɩ bʋla dɩ ʋ jaŋ ŋaa pɩla nɛ ŋ-la: Ʋ sɩ ʋ jaŋ joŋ mɩɩsɩ-la sɩ bɩ dɛrɛ a pɩla.