Maak 10:14 - WƖA TENIŊ

¹⁴ Yesu sɩ na ŋɩɩ, ʋ na baanɩŋ ʋ harɩ-tooro-la nyuŋ a bʋla pɩba, “Má leŋ dɩ hambiisi-la kɔ mɩ teeŋ, má sɩ́ ba kiru. Nɩaa deemba doho nɛ hɛ Wɩa kuorii-la tʋɔŋ.

Maak 10:14 ပူးပေါင်းရင်းမြစ်များ

WƖAA DƖ-SUOMUŊ 17:7

Mɩ jaŋ leŋ dɩ nii-la mɩ sɩ bile mɩ dɩ ŋ doho nɩaa arɩ nɩalɩŋ sɩ jaŋ to ŋ harɩŋ kɔ pɛgɛ, dɩ ʋ chɩŋ kpaŋkpaŋ a kaa mʋ wuu. Mɩ jaŋ ŋaa ŋ dɩ nɩalɩŋ sɩ jaŋ to ŋ harɩŋ kɔ Wɩa.

WƖA YƖƖLAA 78:4

La bɩ jaŋ joŋo faa la biiriŋ, la jaŋ bʋl wɩalɩŋ pɩ nɩalɩŋ ba ha sɩ jaŋ lʋl, wɩalɩŋ La Tɩɩna sɩ ŋaa a magɛ dɩ la dɛnnʋ, ʋ doluŋ arɩ wʋkpuŋkperisi-la ʋ sɩ ŋaa.

AZAAYA 65:23

Ba bɩ jaŋ lɔlɔ tɩta pɛɩ, koo a lʋl ba biiriŋ dɩ ba cheŋ naabɔmʋŋ. Mɩ-na ma TƖƖNA tɩtɩa nɛ jaŋ pɛ ba dɩ ba doho nɩaa lɛ bʋa na-kala.

NAMBABA 14:31

Ma biiri-la ma fa sɩ bʋla arɩ ba jaŋ kpʋma aŋ kɛsɛ, mɩ jaŋ kɛmba jʋʋ tintee-la ma sɩ vɩa, dɩ ba-na hɔŋ nɩmɛ, a nɩnɩɩ sɩma.

Matiu 18:10

Ŋɩɩ nɛ Yesu bɩra sɩ, “Má fɩɛlɛ ma sɩaa a sɩ́ bee gʋʋnɛ hambiisiŋ deemba kʋŋkala. Mɩ bʋlaa pɩma, Wɩa ta ʋ tɩndaaraa nɛ dɩ ba bibemba. Ba hɛ Wɩa-jaŋ bʋa na-kala lɛ, mɩ Nyɩmma sɩ hɛ lee-la. [

Matiu 18:4

Nɩɩ-la sɩ kɛŋ ʋ tɩtɩa muuri a nagɛ hambie, ʋ nɛ kɩɩ ʋ dɔnsʋŋ tɩŋŋaa Wɩa kuorii-la tʋɔŋ.

Matiu 19:14

Yesu sɩ na ŋɩɩ, ʋ bʋla pɩba, “Má leŋ dɩ hambiisi-la kɔ mɩ teeŋ, má sɩ́ ba kiru! Nɩaa deemba doho nɛ jaŋ jʋʋ Wɩa kuorii-la tʋɔŋ.”

Matiu 5:10

Wɩa jaŋ pɛ nɩalɩŋ ba sɩɩ dɔgɩsʋ lɛ a tɩŋ tʋɔpʋla wɩaa. Ba jaŋ hɛ Wɩa kuorii-la tʋɔŋ.

Matiu 5:3

“Wɩa jaŋ pɛ nɩalɩŋ sɩ bene arɩ ba ha bɩ Wɩa jɩŋ woruŋ lɛ. Ba nɛ jaŋ hɛ Wɩa kuorii-la tʋɔŋ.

Maak 3:5

Ŋɩɩ nɛ Yesu na baanɩŋ ba nyuŋ a gɩɛnɛba. Ʋ tʋɔŋ chei a tɩŋ ba dɩgɩlɩŋ-bɩnɩɩ wɩaa. Ŋɩɩ nɛ ʋ bʋla pɩ na-sʋʋ-la tɩɩna, “Kɛŋ ŋ nɩsɩŋ tɩɛnɛ.” Ʋ kaa tɩɛnɛ. Ʋ nɩsɩ-la fɩɛlɛ a nagɛ ʋ nagɩŋ.

Maak 8:33

Ŋɩɩ nɛ Yesu bɩrɩma beŋ ʋ harɩ-tooroo aŋ kpɩa Pɩɩta lɛ a bʋl, “Sɩtaanɩ, mʋ nɩmɛ. Wɩalɩŋ ŋ sɩɩ bʋl, nuhuobiine wombiiŋ nɛ, Wɩa wombiiŋ dee.”

Jɔɔŋ 3:3

Ŋɩɩ nɛ Yesu bʋla pʋ, “Wʋtɩtɩɩ nɛ mɩ bʋlaa pɩŋ, nʋʋkala bɩ jaŋ wuo jʋʋ Wɩa kuorii-la tʋɔŋ, see dɩ ba wasa lʋl tɩɩna.”

Jɔɔŋ 3:5

Yesu bʋl, “Wʋtɩtɩɩ nɛ mɩ bʋlaa pɩŋ, nʋʋkala bɩ jaŋ wuo jʋʋ Wɩa kuorii-la tʋɔŋ, see dɩ Wɩa joŋ ʋ Dɩŋ-zɔmʋŋ hɛ tɩɩna lɛ, dɩ tɩɩna ma pɛ fo Wɩɩchʋɔlɛ lɩɩŋ.

Tɩntɩŋŋaa 2:39

Wɩalɩŋ Wɩa sɩ bʋla, ma nɛ ʋ bʋla pa, ma dɩ ma biiriŋ arɩ nɩalɩŋ kala sɩ lɩɩ dɩ-boluŋ, nʋʋ na-kala Wɩa sɩ yɩra dɩ ʋ kɔ ʋ teeŋ.”

Tɩntɩŋŋaa 3:25

Wɩalɩŋ Wɩa fa sɩ to ʋ wʋlaabʋllaa lɛ a bʋla pɩ ma naabalɩmaba, ma ma pɛ ba lɛ nɛ. Ʋ fa bil niiŋ nɛ ʋ dɩ ma naabalɩma Abɩraham pɛgɛ: ‘Ŋ doho nɩaa lɛ nɛ mɩ jaŋ to a pɛ dʋnɩa nɩaa kala lɛ.’

Rom Tɩŋŋaa 11:16

Dɩ ŋ nɛ buu boroboro munuŋ a laa sɩpaaŋ lɔgɛ mʋa a pɩ Wɩa, dɩ ʋ nɛ bɩ disiniŋ kɛnɛ, kʋkaanɩŋ ma bɩra bɩ disiniŋ kɛnɛ. Dɩ tɩa naapoloo ma nɛ zɔmɔ, ʋ naakelee ma zɔmɔ nɛ.

Rom Tɩŋŋaa 11:28

A tɩŋ Juu tɩŋŋaa sɩ vɩa Wɩa wʋzɔmɔ-la wɩaa nɛ tɩɩ ba ŋaa Wɩa dʋndɔmɔ, ma nɩalɩŋ saa sɩ bɩ Juu tɩŋŋaa ŋaa wɩaa nɛ tɩɩ. Ama a tɩŋ ʋ sɩ lɩɩsɛba wɩaa nɛ tɩɩ ba ŋaa ʋ nɩchooloo, a tɩŋ ba naabalɩmaba wɩaa,

1 Kɔrɩntɩ Nɩaa 14:20

Mɩ naambiiriŋ, má sɩ́ wɩaa bɩɩnʋ a nagɛ hambiisiŋ sɩɩ bɩɩnɛ ŋɩɩ. Ma wʋŋaalaa lɛ, má nagɛ bii-mulluŋ sɩ bɩ wʋbɔŋŋɔɔ jɩŋ, ama má bɩbɩɩnɛ wɩaa a nagɛ kʋhɩasɩŋ sɩɩ bɩɩnɛ ŋɩɩ.

1 Kɔrɩntɩ Nɩaa 7:14

Wɩɩ-la sɩ tɩɩ nɛ ŋ-la: Dɩ haala nɛ laa Wɩa wɩaa dii aŋ ka ʋ bala bɩ laa dii, a tɩŋ haal-la wɩaa, Wɩa yie joŋ arɩ baal-la ma bɩ disiniŋ kɛnɛ. Ŋɩɩ tɩtɩa nɛ, dɩ baal nɛ laa Wɩa wɩaa dii aŋ ka ʋ haala bɩ laa dii, a tɩŋ baal-la wɩaa, Wɩa yie joŋ arɩ haal-la ma bɩ disiniŋ kɛnɛ. Dɩ ŋɩɩ fa dee, ba biiriŋ fa jaŋ nagɛ nɩalɩŋ sɩ bɩ Wɩa ka chʋɔlɛ biiriŋ a kɛŋ disiniŋ. Ama ba biiriŋ bɩ disiniŋ kɛnɛ Wɩa teeŋ.

Ɛfɛsɩs Nɩaa 4:26

Dɩ ma nɛ na baanɩŋ, má sɩ́ leŋe dɩ ma baaŋ-la leŋ dɩ ma ŋaa wʋbɔŋ. Má sɩ́ baanɩŋ na ŋɩɩ dɩ wɩa tuu jʋʋ.

MOSIS BƖRA WULLI WƖA WOMBIIŊ 4:37

Ʋ sɩ cho ma naabalɩmaba nɛ tɩɩ ʋ lɩɩsɛma, a tɩtɩa kɛmma kaa kʋ lɩɩ Ijipiti tinteeŋ lɛ arɩ ʋ doluŋ.

2 Timoti 1:5

Mɩ liise yi ŋɩɩ ŋ sɩ laa Wɩa wɩaa dii arɩ sɩɩfɩɛsɩŋ. Ŋ nahɩma Luwis arɩ ŋ naaŋ Yunis nɛ laa sɩpaaŋ laa Wɩa wɩaa dii. Mɩ jɩma arɩ ŋ ma chɩŋ ŋɩɩ lɛ nɛ.

2 Timoti 3:15

A suomi ŋ hambiiriŋ kala lɛ a kaa kɔ, ŋ jɩŋ Wɩa teniŋ sɩ bɩ disiniŋ kɛnɛ. Ʋ nɛ pɩŋ wʋjɩmɩŋ ŋ laa Kirisito Yesu wɩaa dii dɩ ʋ laaŋ ta.

JOSUA 8:35

Wɩalɩŋ kala Mosis fa sɩ daga, Josua bɩ ba kʋŋkala kere ta. Ba kala nɛ ʋ karɩmɛ a pɩ Iziral tɩŋŋaa, ba haalaa arɩ ba biiriŋ arɩ nɩwogusu-la kala fa sɩ hɛ ba tʋɔŋ.

1 Pɩɩta 2:2

Ʋ maga dɩ ma chɩchɛ Wɩa niiŋ wɩalɩŋ nɛ a nagɛ bii-mulluŋ sɩɩ chɛ yɩlɩŋ ŋɩɩ. Dɩ ma nɩɩ chɛ Wɩa wɩaa ŋɩɩ, ma jaŋ waa woruŋ ba lɛ, a mʋ yi tapʋlɩɩ-la Wɩa sɩ jaŋ laama ta.

Jɔɔŋ Wʋnaalaa 14:5

Ba ha bɩ wɩaa nyɩɛ aŋ ka, ba bɩ cheeri kala kɛnɛ.

1 SAMƲƐL 1:11

Ŋɩɩ nɛ ʋ ta niiŋ a bʋl, “La TƖƖNA doluŋ kala Tɩɩna, mɩ ŋaa ŋ tɩntɩnnʋ nɛ, na mɩ wɩɩŋ sɩ kɛŋ hɛɛŋ ŋɩɩ. Mɩɩ sʋlʋŋ, pɩmɛ hambolibie. Dɩ ŋ nɛ pɩmɛ hambolibie, ʋ mɩɩsɩŋ kala lɛ mɩ jaŋ joŋu a hɛ ŋ nɩsɩŋ lɛ. Nyu-fʋna kala bɩ jaŋ lɔgɛ ʋ nyuŋ lɛ.”

1 SAMƲƐL 1:22

Ama Hana-na bɩ mʋa. Ʋ bʋla pɩ ʋ bala, “Dɩ bile nɛ waa dɩ mɩ kɛrʋ yɩlɩŋ lɛ, ŋɩɩ harɩŋ nɛ mɩ jaŋ kɛnʋ kaa mʋ pɩ La TƖƖNA, dɩ ʋ hɛ nɩmɛ ʋ mɩɩsɩŋ kala lɛ.”