Maak 1:5 - WƖA TENIŊ

⁵ Ʋ sɩ bʋl ŋɩɩ, Judiya tɩŋŋaa arɩ Jerusalɛm tɩŋŋaa kala lɩɩ a mʋ ʋ teeŋ, a dagɛ ba wʋbɔŋŋɔɔ aŋ tuu Jɔdaŋ fuo-la, ʋ foba Wɩɩchʋɔlɛ lɩɩŋ.

Maak 1:5 ပူးပေါင်းရင်းမြစ်များ

WƖA YƖƖLAA 32:5

Mɩ sɩ, “Mɩ jaŋ dagɛ mɩ wʋbɔŋŋɔɔ pɩ La Tɩɩna.” Ŋɩɩ nɛ mɩ dagɛ ba kala pɩŋ a bɩ kaa faaŋ. Ŋ joŋ ba kala chɛmɛ.

NAMAGABA 28:13

Nɩɩ-la kala sɩ joŋ ʋ wʋbɔŋŋɔɔ faa, ʋ wɩaa bɩ sɩpaaŋ ka mʋ, ama nɩɩ-la kala sɩ suri ʋ niiŋ a dagɛ ʋ kɩaa aŋ vɩaba, Wɩa jaŋ fá ʋ nisusuŋ.

Matiu 4:25

Nɩ-daŋ nɛ fa to Yesu harɩŋ. Dɔnsʋŋ lɩɩ Galilii tinteeŋ arɩ tasɩŋ fii. Dɔnsʋŋ ma lɩɩ Jerusalɛm sɩ hɛ Judiya tinteeŋ lɛ, dɔnsʋŋ ma lɩɩ Jɔdaŋ fuoŋ cholo sɛmɛ dɔŋɔ.

Maak 1:4

Ŋɩɩ nɛ baal kʋbala kɔ baa yɩrɛ Jɔɔŋ a fufo nɩaa Wɩɩchʋɔlɛ lɩɩŋ. Ʋ heele bʋl tintee-hɩlɩŋ lɛ, “Má bɩrɩma lɩɩ ma wʋbɔŋŋɔɔ lɛ, ka dɩ mɩ foma Wɩɩchʋɔlɛ lɩɩŋ, dɩ Wɩa joŋ ma wʋbɔŋŋɔɔ chɛma.”

Maak 1:6

Bʋntaŋŋa pʋnaa gɛnnɩŋ nɛ Jɔɔŋ fa laalɛ a kɛŋ tembiiŋ vɔɔ ʋ tɩŋa. Ʋ kʋdiilee nɛ fa nyaŋgɩrɩgɛba arɩ tʋʋŋ.

Jɔɔŋ 1:28

Ba pɩɛsɛ Jɔɔŋ wɩaa deemba kala Bɛtanɩ lɛ nɛ, Jɔdaŋ fuo-la sɛmɛ dɔŋɔ, lee-la Jɔɔŋ fa sɩɩ fo nɩaa Wɩɩchʋɔlɛ lɩɩŋ.

Jɔɔŋ 3:23

Jɔɔŋ ma fa hɛ lee kʋbala baa yɩrɛ Aanɔŋ lɛ nɛ a kpagɛ Salɩm aa fo nɩaa Wɩɩchʋɔlɛ lɩɩŋ, bɛɛ wɩaa lɩɩŋ fa yʋga kɩŋkɛŋ nɩmɛ. Nɩaa mʋmʋ ʋ teeŋ bʋa kala ʋ fufoba Wɩɩchʋɔlɛ lɩɩŋ.

Jɔɔŋ 5:35

Jɔɔŋ fa nagɛ chaanɩŋ nɛ a chaanɛ, ma fa cho dɩ ma nɩɩ ʋ chaaŋ-la sɩma mʋapɩlɩɩ.

Tɩntɩŋŋaa 19:18

Nɩalɩŋ ma dɔnsʋŋ sɩ laa Yesu wɩaa dii yʋga kɔ, a dagɛ ba wʋbɔmɔ-la ba sɩ ŋaa a pɩ Pɔɔl, nɩaa tʋɔŋ.

Tɩntɩŋŋaa 2:38

Ŋɩɩ nɛ Pɩɩta bʋla pɩba, “Má bɩrɩma lɩɩ ma wʋbɔŋŋɔɔ lɛ, aŋ leŋ dɩ ba foma Wɩɩchʋɔlɛ lɩɩŋ Yesu Kirisito yɩrɩŋ lɛ, dɩ Wɩa joŋ ma wʋbɔŋŋɔɔ chɛma, aŋ joŋ ʋ Dɩŋ-zɔmʋŋ dii zile ma lɛ.

Jeems 5:16

Ŋɩɩ wɩaa, má dagɛ ma wʋbɔŋŋɔɔ a pɩ dɔŋɔ a sʋl Wɩa a pɩpɩ dɔŋɔ, dɩ Wɩa wuo ŋaa dɩ ma duori. Dɩ tʋɔpʋl tɩɩna nɛ sʋl Wɩa, ʋ Wɩɩsʋlʋŋ yie faasa kɛŋ doluŋ nɛ a ŋaa wɩɩ-la ʋ sɩɩ chɛ pʋ.

JOSUA 7:19

Ŋɩɩ nɛ Josua bʋla pɩ Ekaŋ, “Mɩ bii, mɩɩ sʋlʋŋ, bʋl wʋtɩtɩɩ La TƖƖNA Iziral tɩŋŋaa Wɩa sɩpaaŋ. Dagɛ wɩɩ-la ŋ sɩ cheye pɩmɛ, sɩ́ joŋo faamɛ.”