Maak 1:45 - WƖA TENIŊ

⁴⁵ Ama baal-la kɛŋ wɩɩ-la kaa lɩɩ a bʋla gaarɛ leriŋ kala. Ŋɩɩ nɛ Yesu bɩra bɩ wuo chaasa jʋʋ taŋ kala tʋɔŋ, ama ʋ yie mʋ hɔŋ pɔkɔŋ nyuŋ, ka nɩaa lɩɩ lee na-kala a kʋkɔ ʋ teeŋ.

Maak 1:45 ပူးပေါင်းရင်းမြစ်များ

WƖA YƖƖLAA 77:11

Mɩ jaŋ liise yi wʋduoru-la La Tɩɩna sɩ ŋaa lɛ. Mɩ jaŋ liise yi wʋkpuŋkperisi-la ŋ sɩ ŋaa faafaa kala lɛ.

Matiu 28:15

Ŋɩɩ nɛ laalɩyuoro-la fa sɩ pɔ vaaŋ-la laa moribie-la aŋ nyɩɛ wɩaa arɩ Wɩɩsʋllɩ sɩpaalaaraa kʋhɩasɩŋ fa sɩ dagɛba ŋɩɩ. Wɩɩ-la Juu tɩŋŋaa fa sɩ nyɩa teeli leriŋ kala a kaa kɔ arɩ jɩnɩŋ.

Matiu 9:26

Wɩɩŋ deeŋ Yesu sɩ ŋaa teeli tintee-la kala.

Matiu 9:31

Ama ba lɩɩ a bʋl wɩɩ-la Yesu sɩ ŋaa a teeli leriŋ kala.

Maak 2:13

Ŋɩɩ nɛ Yesu sii nɩmɛ a mɩɩra tuu mʋga niiŋ. Nɩaa yʋgɛ a kʋ hilimi, ʋ dɩdagɛba.

Maak 3:20

Ŋɩɩ nɛ Yesu mʋ dɩa, nɩaa bɩra kʋ hilimi. Ʋ dɩ ʋ harɩ-tooroo paala bɩ chɩnɩŋ na dɩ ba dii kʋdiilee.

Maak 3:7

Yesu arɩ ʋ harɩ-tooroo sii a mʋ mʋgʋ-balɩŋ niiŋ. Nɩaa yʋgɛ a lɩɩ Galilii tinteeŋ a to ba harɩŋ. Dɔnsʋŋ ma lɩɩ Judiya tinteeŋ,

Maak 7:36

Ŋɩɩ nɛ Yesu bʋla pɩ nɩalɩŋ arɩ sɩɩfɩɛsɩŋ dɩ ba sɩ́ wɩɩŋ deeŋ bʋla pɩ nʋʋkala. Ŋɩɩ tɩtɩa ʋ sɩ sɩ dɩ ba sɩ́ wɩɩ-la bʋla pɩ nɩaa, ŋɩɩ tɩtɩa nɛ ba ma fɩɛsɛ sɩɩŋ a bʋl wɩɩ-la gaara bal.

Jɔɔŋ 6:2

Nɩaa yʋga a tuto ʋ harɩŋ, bɛɛ wɩaa ba fa na ʋ sɩ ŋaa wʋmagɩla-la a vaarɛ nyanyal tɩŋŋaa nɛ.

Taatɩs 1:10

Nɩalɩŋ sɩ laa Wɩa wɩaa dii yʋga a bɩ chɛ dɩ ba tuto nɩhɩasɩŋ niiŋ wʋbʋlaa, a saa wasa nyaŋ Juu tɩmma-la sɩ laa Yesu wɩaa dii. Ba ŋaa wʋbʋl deeŋ deeŋ tɩmma nɛ, aa nyɩsɛ nɩaa.