Luuk 9:51 - WƖA TENIŊ

⁵¹ Ŋɩɩ nɛ tapʋlɩɩ-la kpagɛ dɩ ba joŋ Yesu a kaa jɩl Wɩa-jaŋ. Ʋ ŋaa siri a sii, a joŋ wombiiŋ a mʋmʋ Jerusalɛm.

Luuk 9:51 ပူးပေါင်းရင်းမြစ်များ

2 KUOROO 2:11

Ɩlaaja arɩ Elaasa ha sɩ vɛnɛ aŋ bʋbʋl wɩaa ŋɩɩ, dɩ laalɩŋ janɩŋ lɛrɛ toruko arɩ nyiniŋ a guu kʋ to ba pɛgɛ, a kɛmba pɔrɛ dɔŋɔ lɛ. Ɩlaaja to pel-vinvilimiŋ lɛ a jɩl Wɩa-jaŋ.

Maak 16:19

La Tɩɩna Yesu sɩ bʋl wɩalɩŋ dɛrɛ, Wɩa joŋu a kaa mʋ Wɩa-jaŋ, ʋ hɔŋ Wɩa nadiiŋ, nɩduoŋ dɩhɔnʋŋ.

Luuk 12:50

Mɩ jaŋ jʋʋ hɛɛŋ dɩ ʋ nagɛ ba sɩ fomi Wɩɩchʋɔlɛ lɩɩŋ. Mɩ tʋɔŋ bɩ jaŋ pɩŋ dɩ-bala see dɩ mɩ na hɛɛ-la dɛrɛ.

Luuk 13:22

Ŋɩɩ nɛ Yesu mʋmʋ Jerusalɛm dɩɩrɩŋ, a gɔllɛ tabalaa arɩ tabiisiŋ a dɩdagɛ nɩaa.

Luuk 17:11

Ŋɩɩ nɛ Yesu bɩra sii mʋ Jerusalɛm dɩɩrɩŋ. Ʋ to Samarɩa tinteeŋ arɩ Galilii tinteeŋ bʋa nɛ a mʋ.

Luuk 18:31

Ŋɩɩ nɛ Yesu kɛŋ ʋ harɩ-tooroo fii arɩ balɩa-la a kaa sʋʋsa lɩɩ a bʋla pɩba, “Má bee na, laa mʋ Jerusalɛm nɛ. Nɩmɛ wɩalɩŋ kala Wɩa wʋlaabʋllaa sɩ ŋmʋnsa a mʋ tɩgɛ mɩ-na Nuhuobiine Bie lɛ jaŋ ŋaa.

Luuk 19:11

Ŋɩɩ nɛ Yesu magɛ namaga a pɩ nɩalɩŋ sɩ nɩɩ wɩalɩŋ ʋ sɩ bʋla. Bʋa deeŋ lɛ ʋ ka mʋa ka dɩ ʋ yi Jerusalɛm. Ŋɩɩ nɛ tɩɩ nɩalɩŋ bɩɩnɛ arɩ bʋa-la lɛ Wɩa kuorii-la sɩ jaŋ guu kɔ kpaga nɛ.

Luuk 19:28

Yesu sɩ bʋl wɩaa deemba dɛrɛ, ʋ joŋ ʋ wombiiŋ a laa ʋ harɩ-tooroo sɩpaaŋ ba mʋmʋ Jerusalɛm.

Luuk 24:51

Ʋ ha sɩ chʋɔlɛ Wɩa pɩpɩba ŋɩɩ, ŋɩɩ nɛ ʋ sii ba teeŋ (ka Wɩa joŋu kaa jɩl Wɩa-jaŋ).

Luuk 9:57

Ba sɩ lɩɩ joŋ ba wombiiŋ, baal kʋbala bʋla pɩ Yesu, “Mɩ ŋaa siri dɩ mɩ to ŋ harɩŋ a mʋ lee-na kala ŋ sɩɩ mʋ.”

Jɔɔŋ 13:1

Ʋ fa ka tapʋl-bala nɛ, ka dɩ Juu tɩŋŋaa dɩɩsɩŋ kiele bal gbiele-la yi. Yesu jɩma arɩ bʋa-la lɛ sɩ maga dɩ ʋ lɩɩ dʋnɩa deeŋ lɛ a mʋ ʋ Nyɩmma teeŋ yie nɛ. Ʋ cho nɩalɩŋ sɩɩ to ʋ harɩŋ nɛ dʋnɩa deeŋ lɛ. Bʋa deeŋ lɛ nɛ ʋ chaasa dagɛ chono-la kɩŋkɛŋ ʋ sɩ kɛnɛ arɩ ʋ harɩ-tooroo.

Jɔɔŋ 16:28

Mɩ lɩɩ mɩ Nyɩmma teeŋ nɛ a kʋ tuu dʋnɩa. Lɛɛlɛ mɩ saa jaŋ leŋ dʋnɩa aŋ mɩɩra mʋ mɩ Nyɩmma teeŋ.”

Jɔɔŋ 16:5

Ama lɛɛlɛ mɩɩ mʋ Nɩɩ-la sɩ tɩmmɛ teeŋ nɛ, aŋ ka ma kʋŋkala bɩ mɩ pɩɛsa arɩ nɩɩ nɛ mɩɩ mʋ.

Jɔɔŋ 17:11

Lɛɛlɛ mɩɩ kɔ ŋ teeŋ nɛ, mɩ bɩra bɩ jaŋ hɛ dʋnɩa lɛ, ama ba-na jaŋ hɛ dʋnɩa lɛ. Mɩ Nyɩmma, ŋ nɛ ŋaa Nɩɩ-la sɩ bɩ disiniŋ kɛnɛ. Beŋ nɩalɩŋ ŋ sɩ lɩɩsa pɩmɛ nyuŋ woruŋ ŋ doluŋ lɛ, a leŋ dɩ ba ŋaa kʋbala, arɩ mɩ dɩŋ kala sɩ ŋaa kʋbala ŋɩɩ.

Jɔɔŋ 6:62

Ka dɩ ma nɛ saa fa na mɩ-na Nuhuobiine Bie dɩ mɩ mɩɩraa mʋ lee-la mɩ sɩ lɩa?

Tɩntɩŋŋaa 1:2

a kaa mʋ tapʋlɩɩ-la Wɩa sɩ joŋu a kaa jɩl Wɩa-jaŋ. Wɩa Dɩŋ-zɔmʋŋ doluŋ lɛ ʋ dagɛ ʋ nanzɔɔba-la ʋ sɩ tʋɔsa tɩntɩmɩɩ-la ba sɩ jaŋ tɩtɩŋ nɛ aŋ-na jɩl Wɩa-jaŋ.

Tɩntɩŋŋaa 1:9

Yesu sɩ bʋl ŋɩɩ dɛrɛ, Wɩa joŋu kaa jɩl Wɩa-jaŋ, ka ba chɩna bibeŋ. Ŋɩɩ nɛ duoŋ-bɩlɩmbaanɩŋ kʋ tɔʋ, ba bɩra bɩ ʋ na.

Ɛfɛsɩs Nɩaa 1:20

Dol-la tɩtɩa nɛ ʋ kaa chɩsɛ Kirisito sʋʋŋ lɛ a leŋ ʋ hɔŋ ʋ nadiiŋ Wɩa-jaŋ lɛ, nɩduoŋ dɩhɔnʋŋ.

Fɩlɩpa Nɩaa 3:14

Ŋɩɩ wɩaa, mɩ joŋ mɩ sɩaa chaasɛ sɩpaaŋ nɛ a yige mʋmʋ dɩ mɩ na kʋ-la Wɩa sɩ to Yesu Kirisito lɛ a yɩrɛmɛ dɩ ʋ joŋo pɩmɛ ʋ jaŋ lɛ.

1 Timoti 3:16

Wʋtɩtɩɩ, Wɩɩchʋɔlɛ wombii-la la sɩɩ to ŋaa wʋbal nɛ nʋʋkala bɩ jaŋ wuo kaa lɛrɛ. Wɩɩ-la fa faa nɛ ka Wɩa joŋo dagɛla lɛɛlɛ. Ʋ nɛ ŋ-la: Wɩa bɩrɩmɛ nuhuobiine nɛ a kʋ tuu dʋnɩa. Wɩa Dɩŋ-zɔmʋŋ ma dagɛ arɩ ʋ ŋaa tʋɔpʋl Tɩɩna nɛ. Wɩa tɩndaaraa ma naʋ. Nɩaa bʋl ʋ wɩaa dʋnɩa sɛmɛ-na kala lɛ. Dʋnɩa nɩaa laa ʋ wɩaa dii nɛ, aŋ ka Wɩa joŋu kaa jɩl Wɩa-jaŋ, ʋ laa yɩrɩŋ.

Hiburu TƖŊŊAA 12:2

Má leŋ la joŋ la sɩaa pɛ Yesu lɛ, bɛɛ wɩaa wɩalɩŋ la sɩ laa dii kala tɩgɛ ʋ lɛ nɛ a lɩɩ dɩ-suomuŋ a kaa mʋ dɩdɛrɩŋ. Ʋ fa jɩma arɩ ʋ jaŋ na hɛɛŋ, ama ʋ bɩ wɩɩ-la ʋ sɩ laa dii leŋe ta, bɛɛ wɩaa ʋ jɩma arɩ ʋ sɩ ŋaa ŋɩɩ, Wɩa jaŋ leŋ dɩ ʋ tʋɔŋ tɔrɛ. Ŋɩɩ nɛ tɩɩ ʋ sɛɩ ba kpaasʋ mɛrɛ daagɛsɛ nyuŋ. Ʋ sɩ dii hɩɩsɩŋ ŋɩɩ, ʋ sɩpaa tuo. Ʋ sɩ na hɛɛ-la a dɛrɛ, ʋ jɩl Wɩa-jaŋ a lɛɛlɛ hɔŋ Wɩa kuoru kpasa nadiiŋ, nɩduoŋ dɩhɔnʋŋ.

Hiburu TƖŊŊAA 6:20

Yesu nɛ laa sɩpaaŋ jʋʋ dɩ-zɔŋ-la a tɩŋ la wɩaa, dɩ la ma wuo to ʋ harɩŋ a jʋʋ. Yesu nɛ ŋaa nɩalɩŋ sɩ laa nɩaa nyuŋ a tɩma pɩpɩ Wɩa kʋhɩaŋ a kaa mʋ wuu, arɩ Mɛlɩkɩzɛdɛk fa sɩ ŋaa nɩalɩŋ sɩ laa nɩaa nyuŋ a tɩma pɩpɩ Wɩa kʋhɩaŋ ŋɩɩ.

1 Pɩɩta 3:22

Ʋ nɛ lɩɩ dʋnɩa lɛ a jɩl Wɩa-jaŋ a hɔŋ Wɩa nadiiŋ, nɩduoŋ dɩhɔnʋŋ. Ʋ nɛ kɛŋ doluŋ a bibeŋ Wɩa tɩndaaraa arɩ kʋŋkala sɩ kɛŋ doluŋ a hɛ Wɩa-jaŋ lɛ.