Luuk 9:22 - WƖA TENIŊ

²² Ʋ bɩra bʋla pɩba, “Mɩ-na Nuhuobiine Bie maga mɩ na hɛɛŋ kɩŋkɛŋ. Juu tɩŋŋaa nɩhɩasɩŋ arɩ Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba kala jaŋ vɩamɛ. Ba jaŋ kpʋmɛ, ka dɩ mɩ sii sʋʋŋ lɛ tapʋl-torimuŋ chɛɛŋ.”

Luuk 9:22 ပူးပေါင်းရင်းမြစ်များ

WƖAA DƖ-SUOMUŊ 3:15

Mɩ jaŋ joŋ dʋndɔnnʋŋ hɛ ŋ dɩ haal-la pɛgɛ. Ŋ biiriŋ arɩ ʋ biiriŋ jaŋ ŋaa dʋndɔmɔ. Adam doho nʋʋ jaŋ ŋmoo ŋ nyuŋ yɛrɛ, ka dɩ ŋ ma ta ʋ naatilimiŋ lɛ.”

DANƖƐL 9:26

Jɩsɩŋ zɔɔ-banɛsɛ arɩ mahɩŋ banɛsɛ arɩ batori-la harɩŋ lɛ, ba jaŋ kpʋ sɩpaalaarʋ-la ba sɩ lɩɩsa arɩ ʋ kʋŋkala ta. Sɩpaalaara dɔŋɔ ma arɩ ʋ laalɩyuoroo jaŋ kʋ lɩɩ a chei tabal-la arɩ Wɩa dɩɩ-balɩŋ, a nagɛ lɩɩŋ sɩ pɛllɛ paa nɩaa. Laalɩŋ arɩ leriŋ cheyiŋ ha jaŋ hɛ nɩmɛ a kaa mʋ dɩdɛrɩŋ arɩ ŋɩɩ Wɩa sɩ daga.

ZƐKARƖYA 13:7

La TƖƖNA doluŋ kala Tɩɩna sɩ, “Tokobiiŋ, sii chɩŋ mɩ pie-daara lɛ, sii chɩŋ nɩɩ-la sɩ kpagɛmɛ lɛ. Kpʋ pie-daarʋ-la, piese-la jaŋ pɩsɛ, ka dɩ mɩ joŋ sɩaa chaasɛ pie-biisi-la.”

Matiu 17:12

Ama mɩ bʋlaa pɩma arɩ Ɩlaaja paala kɔ nɛ, ama nɩaa bɩ wuo jɩmʋ. Ba ŋaaʋ ŋɩɩ kala ba sɩɩ chɛ nɛ. Ŋɩɩ tɩtɩa nɛ ba jaŋ dɔgɩsɛ mɩ-na Nuhuobiine Bie.”

Matiu 17:22

Ŋɩɩ nɛ Yesu arɩ ʋ harɩ-tooroo kala kʋ hilimi Galilii lɛ, ʋ bʋla pɩba, “Ba jaŋ kɛŋ mɩ-na Nuhuobiine Bie a hɛ nɩaa nɩsɩŋ lɛ

Matiu 27:63

“Kʋhɩaŋ, la liisi wɩɩ nɛ. Bʋa-la lɛ wʋnyɩɛrʋ-la sɩ hɛ ʋ mɩɩsɩŋ lɛ, ʋ fa bʋla arɩ ʋ nɛ sʋba, ʋ jaŋ sii sʋʋŋ lɛ tapʋlaa batori chɛɛŋ.

Maak 8:31

Ŋɩɩ nɛ Yesu suomo dɩdagɛ ʋ harɩ-tooro-la, “Mɩ-na, Nuhuobiine Bie jaŋ na hɛɛŋ woruŋ. Nɩhɩasɩŋ arɩ Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba, ba kala jaŋ vɩamɛ aŋ ŋaa dɩ ba kpʋmɛ. Dɩ ba nɛ kpʋmɛ, mɩ jaŋ ŋaa tapʋlaa batori aŋ bɩra sii sʋʋŋ lɛ.”

Maak 9:31

bɛɛ wɩaa ʋʋ dagɛ ʋ harɩ-tooroo nɛ arɩ ba jaŋ kɛŋ ʋ-na, Nuhuobiine Bie a hɛ nɩaa nɩsɩŋ lɛ dɩ ba kpʋʋ, ka dɩ ʋ sii sʋʋŋ lɛ tapʋlaa batori chɛɛŋ a kɛŋ mɩɩsɩŋ.

Luuk 17:25

Ama mɩ jaŋ laa sɩpaaŋ na hɛɛŋ. Ma lɛɛlɛ nɩaa, ma jaŋ vɩamɛ.

Luuk 24:26

Ma bɩ jɩŋ arɩ ʋ maga dɩ Nɩɩ-la Wɩa sɩ lɩɩsa, na hɛɛŋ nɛ aŋ-na jʋʋ ʋ kuorii-la tʋɔŋ a laa yɩrɩŋ?”

Luuk 24:44

Ŋɩɩ nɛ ʋ bʋla pɩba, “Mɩ fa sɩ hɛ ma teeŋ, mɩ bʋla pɩma arɩ wɩɩ-na kala ba fa sɩ ŋmʋnsa a tɩgɛ mɩ lɛ jaŋ kʋ ŋaa wʋtɩtɩɩ: Wɩalɩŋ Mosis fa sɩ ŋmʋnsa bil dɩ nɩaa tuto arɩ wɩalɩŋ Wɩa wʋlaabʋllaa fa sɩ ŋmʋnsa, arɩ Wɩa teniŋ sɛmɛ dɔŋɔ ba sɩɩ yɩrɛ Wɩa yɩɩlaa tʋɔŋ.”

Luuk 24:7

Ʋ fa bʋla pɩma arɩ ba jaŋ joŋ ʋ-na Nuhuobiine Bie a hɛ wʋbɔŋ ŋaaraa nɩsɩŋ lɛ dɩ ba kpaasʋ daagɛsɛ nyuŋ dɩ ʋ sʋʋ, aŋ sii sʋʋŋ lɛ tapʋlaa batori chɛɛŋ.”

Luuk 9:44

“Má sɩ́ wɩɩ-la mɩ sɩ jaŋ bʋla pɩma yʋ. Ʋ nɛ ŋ-la: Ba jaŋ joŋ mɩ-na, Nuhuobiine Bie a hɛ nɩaa nɩsɩŋ lɛ.”

1 Kɔrɩntɩ Nɩaa 15:4

Ʋ sɩ sʋʋ ŋɩɩ, ba joŋu hugi, ka ʋ sii sʋʋŋ lɛ tapʋlaa batori chɛɛŋ, arɩ ba sɩ ŋmʋnsɛ ŋɩɩ Wɩa teniŋ tʋɔŋ.

1 Pɩɩta 1:11

Yesu Kirisito Dɩŋ-zɔmʋŋ fa sɩ hɛ ba lɛ, ʋ nɛ bʋla pɩba ŋɩɩ Kirisito sɩ jaŋ na hɛɛŋ, ka dɩ nɩaa-na zizilu. Ŋɩɩ nɛ ba nɩnɛrɩgɛ dɩ ba na bʋa-la lɛ wɩaa deemba sɩ jaŋ ŋaa arɩ ŋɩɩ ba sɩ jaŋ ŋaa.