Luuk 9:20 - WƖA TENIŊ

²⁰ Ŋɩɩ nɛ Yesu mɩɩra pɩɛsɛ ʋ harɩ-tooroo maa, “Ka ma maa, ma sɩ mɩ ŋaa kʋbɛɛ nɛ?” Pɩɩta sɩ, “Ŋ nɛ ŋaa Kirisito, Nɩɩ-la Wɩa sɩ lɩɩsa.”

Luuk 9:20 ပူးပေါင်းရင်းမြစ်များ

Matiu 22:42

“Bɛɛ nɛ maa bɩɩnɛ a mʋʋ tɩgɛ Kirisito, nɩɩ-la Wɩa sɩ lɩɩsa wɩaa? Kʋbɛɛ doho nʋʋ nɛ ʋ ŋaa?” Ŋɩɩ nɛ ba bʋl dɩ ʋ ŋaa Devit doho nʋʋ nɛ.

Matiu 26:63

Yesu tɔrɛ ʋ niiŋ. Ŋɩɩ nɛ Wɩɩsʋllɩ sɩpaalaaraa kʋhɩaŋ bʋla pʋ, “Wɩa-la sɩ weye yɩrɩŋ lɛ, bʋla pɩla, ŋ nɛ ŋaa Kirisito, nɩɩ-la Wɩa sɩ lɩɩsaa? Ŋ nɛ Wɩa Biee?”

Matiu 5:47

Dɩ ŋ nɛ tʋɔsɛ ŋ naambiiriŋ dʋndʋŋa chʋchʋɔlɛ, ŋ bɩ woruŋ ka ŋaa. Nɩalɩŋ sɩ bɩ Wɩa jɩŋ ma paala ŋɩŋaa ŋɩɩ nɛ.

Maak 14:61

Ŋɩɩ nɛ Yesu tɔrɛ ʋ niiŋ. Ʋ bɩ wɩɩkala bʋla. Ŋɩɩ nɛ baal-la bɩra pɩɛsʋ, “Ŋ nɛ ŋaa Kirisito, Nɩɩ-la Wɩa sɩ lɩɩsa? Ŋ nɛ Wɩa Biee?”

Maak 8:29

Ŋɩɩ nɛ Yesu bɩra pɩɛsɛ ʋ harɩ-tooroo ma a bʋl, “Ka ma ma, ma sɩ mɩ ŋaa kʋbɛɛ nɛ?” Pɩɩta sɩ, “Ŋ nɛ ŋaa Kirisito, nɩɩ-la Wɩa sɩ lɩɩsa.”

Luuk 22:67

Ŋɩɩ nɛ ba pɩɛsʋ, “Dagɛla, ŋ nɛ ŋaa nɩɩ-la Wɩa sɩ lɩɩsaa?” Ŋɩɩ nɛ Yesu bʋla pɩba, “Dɩ mɩ nɛ bʋla pɩma ma, ma bɩ jaŋ laa dii.

Luuk 9:19

Ŋɩɩ nɛ ʋ harɩ-tooro-la bʋl, “Dɔnsʋŋ sɩ ŋ ŋaa Jɔɔŋ nɛ, Wɩa lɩɩ-fooru-la. Dɔnsʋŋ ma sɩ dɩ ŋ ŋaa Ɩlaaja nɛ. Dɔnsʋŋ ma sɩ ŋ ŋaa faafaa Wɩa wʋlaabʋlla-la dɔŋɔ sɩ sii sʋʋŋ lɛ nɛ.”

Jɔɔŋ 1:41

Ŋɩɩ nɛ Anduru ma chɛ ʋ malɩma Saamɔŋ leriŋ, a bʋla pʋ, “La na Kirisito nɛ, nɩɩ-la Wɩa sɩ lɩɩsa.”

Jɔɔŋ 1:49

Ŋɩɩ nɛ Natanɩal bʋla pʋ, “Kʋhɩaŋ, ŋ nɛ ŋaa Wɩa Bie. Ŋ nɛ ŋaa Iziral tɩŋŋaa kuoro ma.”

Jɔɔŋ 11:27

Ŋɩɩ nɛ Maata bʋl, “Oo, mɩ Tɩɩna. Mɩ laa dii arɩ ŋ nɛ ŋaa Kirisito, Wɩa Bie, Nɩɩ-la sɩ maga dɩ ʋ kɔ dʋnɩa deeŋ.”

Jɔɔŋ 20:31

Ama mɩ ŋmʋnsɛ wɩaa deemba dɩ ma wuo laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa aŋ pɛ ŋaa Wɩa Bie ma. Dɩ ma nɛ laa wɩaa deemba dii, ma jaŋ kɛŋ mɩɩsɩŋ ʋ yɩrɩŋ lɛ.

Jɔɔŋ 4:29

“Má kʋ na baal kʋbala sɩ wuo dagɛ wɩalɩŋ kala mɩ sɩ ŋaa. Nɩa deeŋ nɛ saa ŋaa Kirisito, Nɩɩ-la Wɩa sɩ lɩɩsa, koo?”

Jɔɔŋ 4:42

Ŋɩɩ nɛ nɩalɩŋ bʋla pɩ haal-la, “Lɛɛlɛ la laa ʋ wɩaa dii a tɩŋ la tɩtɩa sɩ nɩɩ ʋ niiŋ wɩaa nɛ, ʋ bɩ naga wɩɩ-la ŋ sɩ bʋla pɩla nɛ tɩɩ. La jɩma arɩ ʋ nɛ sɛnɛ ŋaa dʋnɩa Laataara.”

Jɔɔŋ 7:41

Dɔnsʋŋ ma sɩ, “Ʋ nɛ ŋaa Kirisito, Nɩɩ-la Wɩa sɩ lɩɩsa.” Ama dɔnsʋŋ ma sɩ, “Nɩɩ-la Wɩa sɩ lɩɩsa bɩ jaŋ lɩɩ Galilii tinteeŋ.

Tɩntɩŋŋaa 17:3

Ʋ karɩmɛ Wɩa teniŋ aŋ dagɛba arɩ Kirisito, Nɩɩ-la Wɩa sɩ lɩɩsa maga dɩ ʋ na hɛɛŋ a sʋʋ aŋ sii sʋʋŋ lɛ. Pɔɔl bɩra sɩ, “Yesu deeŋ wɩaa ʋ sɩ bʋlaa pɩma nɛ ŋaa Kirisito.”

Tɩntɩŋŋaa 8:36

Ba fa sɩ joŋ wombii-la a mʋmʋ, ba mʋ yi lee kʋbala dɩ ʋ kɛŋ lɩɩŋ. Ŋɩɩ nɛ baal-la bʋla pɩ Fɩlɩp, “Na lɩɩŋ nɛ ŋ-la. Bɛɛ nɛ jaŋ kɛrɛmɛ dɩ ŋ sɩ́ mɩ Wɩɩchʋɔlɛ lɩɩŋ fo?”

Tɩntɩŋŋaa 9:22

Sɔɔl fa sɩɩ bʋl wɩalɩŋ ŋɩɩ, ʋ wasa kɛŋ doluŋ a kɩɩ bumbuŋ-la. Ʋ wuo dagɛ arɩ Yesu nɛ ŋaa Kirisito, nɩɩ-la Wɩa sɩ lɩɩsa. Ʋ paala faasa bʋl ŋɩɩ, Juu tɩŋŋaa sɩ hɛ Damasɩkʋs lɛ, ba nandaasɩŋ kala yʋɔrɛ.

1 Jɔɔŋ 5:1

Nɩɩ-la kala sɩ laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa, ʋ ŋaa Wɩa bii nɛ. Nɩɩ-la kala sɩ cho nʋʋ, ʋ cho nɩɩ-la bie ma nɛ.