Luuk 9:18 - WƖA TENIŊ

¹⁸ Tapʋlɩɩ kʋbala Yesu dʋndʋŋa chʋchʋɔlɛ Wɩa. Ʋ harɩ-tooroo ma hɛ ʋ teeŋ. Ŋɩɩ nɛ ʋ pɩɛsɛba, “Kʋbɛɛ nɛ nɩaa sɩ mɩ ŋaa?”

Luuk 9:18 ပူးပေါင်းရင်းမြစ်များ

Matiu 14:23

Ʋ sɩ ta nɩ-daŋ-la ba viiri, ʋ mʋ jɩl peeliŋ nyuŋ dɩ ʋ chʋɔlɛ Wɩa. Ŋɩɩ nɛ wɩa tuu jʋʋ, dɩ ʋ dʋndʋŋa nɛ ha hɛ peel-la nyuŋ.

Matiu 26:36

Ŋɩɩ nɛ Yesu arɩ ʋ harɩ-tooroo mʋ jʋʋ lee kʋbala baa yɩrɛ Gɛtɩsɛmanɩ. Yesu bʋla pɩ ʋ harɩ-tooroo dɩ ba hɔŋ daha, ka ʋ mʋ chʋɔlɛ Wɩa aŋ kɔ.

Luuk 11:1

Tapʋlɩɩ kʋbala Yesu chʋchʋɔlɛ Wɩa lee kʋbala. Ʋ sɩ chʋɔlɛ Wɩa dɛrɛ, ʋ harɩ-tooroo tʋɔŋ kʋbala kɔ ʋ teeŋ a bʋla pʋ, “La Tɩɩna, dagɛla ŋɩɩ la sɩ jaŋ chʋɔlɛ Wɩa, arɩ Jɔɔŋ fa sɩ dagɛ ʋ harɩ-tooroo ŋɩɩ.”

Luuk 3:21

Bʋa-la lɛ Jɔɔŋ sɩɩ fo nɩaa kala Wɩɩchʋɔlɛ lɩɩŋ, ʋ fo Yesu ma Wɩɩchʋɔlɛ lɩɩŋ nɛ. Ʋ sɩ fou dɛrɛ, ʋ chʋchʋɔlɛ Wɩa, ŋɩɩ nɛ wɩa-nyuŋ kpaa balɩa,

Luuk 6:12

Tapʋlɩɩ kʋbala Yesu jɩl peeliŋ nyuŋ dɩ ʋ chʋɔlɛ Wɩa. Ʋ chʋɔlɛ Wɩa ŋɩɩ deeŋ deeŋ taŋ pʋl.

Luuk 9:19

Ŋɩɩ nɛ ʋ harɩ-tooro-la bʋl, “Dɔnsʋŋ sɩ ŋ ŋaa Jɔɔŋ nɛ, Wɩa lɩɩ-fooru-la. Dɔnsʋŋ ma sɩ dɩ ŋ ŋaa Ɩlaaja nɛ. Dɔnsʋŋ ma sɩ ŋ ŋaa faafaa Wɩa wʋlaabʋlla-la dɔŋɔ sɩ sii sʋʋŋ lɛ nɛ.”

Luuk 9:28

Yesu sɩ bʋl wɩaa deemba kala dɛrɛ, ʋ tapʋlaa chori chɛɛŋ ʋ sii kɛŋ Pɩɩta arɩ Jɔɔŋ arɩ Jeems ba jɩl peeliŋ nyuŋ dɩ ba chʋɔlɛ Wɩa.

Luuk 9:29

Yesu fa sɩɩ chʋɔlɛ Wɩa ŋɩɩ, ʋ sɩaa bɩrɩmɛ. Ʋ gɛnnɩŋ ma pʋllɛ a nagɛ duonuŋ sɩ lɩgɩsa.