Luuk 9:16 - WƖA TENIŊ

¹⁶ Yesu laa boroboroba banɔŋ-la arɩ chenfilee balɩa-la a wʋla beŋ wɩa-nyuŋ aŋ chʋɔlɛ Wɩa, aŋ kaa chɔgɛ chɔgɛ a pɩ ʋ harɩ-tooroo. Ba laa kaa mʋ kpaa nɩalɩŋ.

Luuk 9:16 ပူးပေါင်းရင်းမြစ်များ

Matiu 14:19

Ʋ ŋaa nɩalɩŋ tuu hɔŋ yaŋ nyuŋ. Ŋɩɩ nɛ ʋ laa boroboroba banɔŋ-la arɩ chenfile-la balɩa a wʋla beŋ wɩa-nyuŋ aŋ lɔllɛ Wɩa aŋ kaa chɔgɛ chɔgɛ a pɩ ʋ harɩ-tooroo. Ʋ harɩ-tooroo laa kpaa nɩalɩŋ.

Matiu 15:36

Ka ʋ joŋ boroboroba-la balɩpɛ arɩ chenfile-la a lɔllɛ Wɩa aŋ kaa chɔgɛ chɔgɛ a pɩ ʋ harɩ-tooroo dɩ ba laa kpaa nɩ-daŋ-la. Ba laa kpaaba.

Maak 7:34

aŋ wʋla beŋ wɩa-nyuŋ aŋ faasa wiesi fir aŋ bʋl baal-la lɛ, “Ɛfata.” Ɛfata bʋbʋɔŋ nɛ: Kaa suri.

Luuk 22:19

Ŋɩɩ nɛ Yesu bɩra joŋ boroboro a lɔllɛ Wɩa aŋ kaa chɔgɛ chɔgɛ, a joŋo pɩba aŋ bʋl, “Mɩ yaraa nɛ ŋɩɩ, mɩ joŋo pɩ Wɩa a tɩŋ ma wɩaa, má laa dii. Maa ŋaa ŋɩɩ a liliisi mɩ wɩaa.”

Luuk 24:30

Ba sɩ hɔnɔ dɩ ba dii kʋdiilee, Yesu joŋ boroboro a chʋɔlɛ Wɩa aŋ kaa chɔgɔ pɩba dɩ ba dii.

Luuk 9:15

Ŋɩɩ nɛ ʋ harɩ-tooro-la ŋaa nɩalɩŋ kala tuu hɔŋ.

Luuk 9:17

Ba kala dii a vɔgɛ aŋ ka. Ʋ harɩ-tooro-la paa kʋkaaŋ-biisiŋ a su sinsiŋ fii arɩ balɩa.

Jɔɔŋ 6:11

Ŋɩɩ nɛ Yesu laa boroboroba-la a lɔllɛ Wɩa, aŋ kaa chɔgɔ kpaa nɩalɩŋ sɩ hɔnɔ. Ŋɩɩ nɛ ʋ kɛŋ chenfile-la ma kpaaba. Ba kʋŋkala dii a vɔgɛ.

Jɔɔŋ 6:23

Ba sɩ chɩŋ nɩmɛ ŋɩɩ, lɩɩŋ daborusuŋ dɔnsʋŋ lɩɩ Tabiiras kɔ lee-la, a kpagɛ lee-la Yesu fa sɩ lɔllɛ Wɩa aŋ joŋ boroboro pɩba ba dii.

Tɩntɩŋŋaa 27:35

Pɔɔl sɩ bʋl ŋɩɩ dɛrɛ, ʋ joŋ boroboro, a chʋɔlɛ Wɩa ba kala sɩpaaŋ, aŋ chɔgɛ didii.

Rom Tɩŋŋaa 14:6

Nɩɩ-la sɩ bɩɩna arɩ tapʋlʋŋ dɔŋɔ nɛ kɩɩ tapʋlaa kala, ʋ lɩɩsɛ tapʋlɩɩ-la dɩ ʋ zizil La Tɩɩna Yesu nɛ. Nɩɩ-la ma sɩɩ dii kʋŋkala, ʋ ma ŋaa ŋɩɩ a zizil La Tɩɩna Yesu nɛ, bɛɛ wɩaa ʋ sɩɩ dii kɩalɩŋ, ʋ yie lɔllɛ Wɩa nɛ. Nɩɩ-la ma sɩɩ kɩsɛ kɩalɩŋ dɔnsʋŋ, ʋ ma ŋaa ŋɩɩ aa zil La Tɩɩna Yesu nɛ, aa lɔllɛ Wɩa.

1 Kɔrɩntɩ Nɩaa 10:30

Dɩ mɩ nɛ lɔllɛ Wɩa aŋ-na dii kʋdiil-na kala, ɛɛ nɛ saa nʋʋ dɔŋ jaŋ wuo bʋl arɩ mɩ cheye nɛ a tɩŋ kʋdiile-la mɩ sɩ die wɩaa?

1 Kɔrɩntɩ Nɩaa 11:24

a lɔllɛ Wɩa, aŋ kaa chɔgɛ aŋ bʋl, “Mɩ yaraa nɛ ŋ-la mɩ joŋo pɩma, má laa dii. Má ŋaa ŋɩɩ a liliisi mɩ wɩaa.”

1 SAMƲƐL 9:13

Dɩ ma nɛ jʋʋ taŋ-la, ma jaŋ naʋ, ka dɩ ʋ na jɩl dundolo-la nyuŋ ba sɩɩ ŋaa Wɩɩsʋlʋŋ dɩ ba dii kɩaa. Dɩ ʋ nɛ bɩ mʋa, nɩaa bɩ jaŋ suomo dii kɩaa, bɛɛ wɩaa ʋ maga dɩ ʋ sʋl Wɩa hɛ Wɩɩsʋlʋŋ kɩalɩŋ lɛ nɛ, ka dɩ nɩalɩŋ kala ba sɩ yɩra-na dii. Dɩ ma nɛ jɩla lɛɛlɛ, ma jaŋ naʋ bʋa deeŋ lɛ.”