Luuk 9:11 - WƖA TENIŊ

¹¹ Nɩalɩŋ sɩ nɩɩ Yesu wɩaa dɩ ʋ mʋ Bɛtɩsaada, ba to ʋ harɩŋ mʋ. Ʋ kɛmba woruŋ a bʋl Wɩa kuorii-la wɩaa pɩba, aŋ vaarɛ nɩalɩŋ sɩɩ wɩɩlʋ.

Luuk 9:11 ပူးပေါင်းရင်းမြစ်များ

AZAAYA 61:1

La TƖƖNA Wɩɩjarɩbakɔ Dɩma hɛ mɩ lɛ nɛ. Ʋ nɛ lɩɩsɛmɛ dɩ mɩ bʋl Wɩa wʋzɔmɔ-la a pɩ summoo. Ʋ tɩmmɛ nɛ dɩ mɩ leŋ dɩ nɩalɩŋ tʋɔŋ sɩ cheye kɛŋ tʋɔtɔrʋŋ, dɩ mɩ heele bʋla pɩ nɩalɩŋ ba sɩ yuo kɛsɛ, arɩ ba jaŋ jomba ta, aŋ chaarɛ nɩalɩŋ ma sɩ hɛ birimiŋ tʋɔŋ nɩtɔɔrɩ dɩa lɛ.

Matiu 12:15

Yesu sɩ nɩa dɩ ba vʋʋra dɩ ba kpʋʋ ŋɩɩ, ʋ lɩɩ lee-la. Nɩ-daŋ to ʋ harɩŋ. Ŋɩɩ nɛ ʋ vaarɛ nɩalɩŋ fa sɩɩ wɩɩlʋ kala

Matiu 14:14

Yesu sɩ mʋ lɩɩ lɩɩŋ daboro-la lɛ, ʋ na nɩ-daŋ dɩ ba hɔnɔ gbɛrʋ. Nenige kala kɛnʋ. Ŋɩɩ nɛ ʋ vaarɛ nɩalɩŋ sɩɩ wɩɩlʋ.

Matiu 21:43

Ŋɩɩ nɛ Yesu bʋla pɩ nɩalɩŋ a bʋl, “Wɩa jaŋ kɛŋ ʋ kuorii-la laa ma teeŋ, a joŋo pɩ nɩalɩŋ sɩ jaŋ to Wɩa niiŋ woruŋ a ŋɩŋaa wɩalɩŋ sɩ jaŋ dagɛ arɩ ba bɩrɩma lɩɩ ba wʋbɔŋŋɔɔ lɛ nɛ.

Luuk 1:53

Ʋ joŋ kʋzɔŋŋɔɔ a pɩ summoo nɛ aŋ kiri nɩalɩŋ sɩ kɛŋ kɩaa ba kɛŋ nahɩllɩŋ mɩɩrɛ.

Luuk 5:31

Yesu nɩɩ ba sɩɩ bʋl ŋɩɩ, ʋ bʋla pɩba, “Nɩalɩŋ sɩ kɛŋ yarɩfɩɛlaa bɩ daaluŋ ŋaara ka chɛ, see nɩalɩŋ sɩɩ wɩɩlʋ.

Luuk 8:1

Ŋɩɩ harɩŋ Yesu gɔllɔ to tabalaa arɩ tabiisiŋ a bʋbʋl Wɩa wʋzɔmɔ-la a tɩgɛ Wɩa kuorii-la lɛ. Ʋ harɩ-tooro-la fii arɩ balɩa to ʋ harɩŋ mʋ,

Luuk 8:10

Yesu bʋla pɩba, “Ma nɩaa deemba nɛ Wɩa dagɛ ʋ kuorii-la bʋbʋɔŋ pa. Ama nɩ-daŋ kala, namagaba nɛ ʋ yie kaa dɩdagɛba. Ba yie nyilimi nyilimi aŋ bɩ kʋŋkala wuo na, a bɩra jegili jegili aŋ bɩ ba bʋbʋɔŋ wuo jɩŋ.

Luuk 9:10

Ŋɩɩ nɛ Yesu nanzɔɔba-la mɩɩra kɔ ʋ teeŋ a bʋl wɩalɩŋ kala ba sɩ ŋaa pʋ. Ŋɩɩ nɛ ʋ kɛŋ ba dʋndʋŋa mʋ taŋ kʋbala baa yɩrɛ Bɛtɩsaada.

Luuk 9:12

Wɩa sɩ suomo dɩ ʋ jʋʋ, ʋ harɩ-tooro-la fii arɩ balɩa-la kɔ ʋ teeŋ a bʋla pʋ, “Leŋ dɩ nɩaa deemba viiri a mʋ taŋ tʋɔŋ arɩ bagɩsɩŋ sɩ kpaga daha a chɛ kʋdiilee arɩ dɩpɩnɩŋ, bɛɛ wɩaa kʋŋkala tuo daha.”

Luuk 9:2

Ŋɩɩ nɛ ʋ tɩmba dɩ ba lɩɩ a bʋl Wɩa kuorii-la wɩaa aŋ pɛ vaarɛ nyanyal tɩŋŋaa.

Jɔɔŋ 4:34

Yesu bʋla pɩba, “Mɩ kʋdiilee nɛ dɩ mɩ to nɩɩ-la sɩ tɩmmɛ niiŋ, a tɩŋ tɩntɩmɩɩ-la ʋ sɩ pɩmɛ dɛrɛ.

Jɔɔŋ 6:37

Nʋʋkala mɩ Nyɩmma sɩ joŋo pɩmɛ, ʋ jaŋ kɔ mɩ teeŋ. Nɩaa deemba kala sɩ kɔ mɩ teeŋ, mɩ bɩ jaŋ kɔ dɩ mɩ kiriba ta,

Tɩntɩŋŋaa 28:31

Ʋ bʋl Wɩa kuorii-la wɩaa a pɩ nɩaa, a dagɛ La Tɩɩna Yesu Kirisito ma wɩaa arɩ nyuduoŋ a pɩ nɩaa. Nʋʋkala fa bɩ ʋ tɔ dɩ ʋ sɩ́ ŋɩɩ ŋaa.

Rom Tɩŋŋaa 10:14

Ama dɩ ba nɛ bɩ ʋ wɩaa laa dii, ɛɛ nɛ ba jaŋ ŋaa a yɩrɛ ʋ yɩrɩŋ dɩ ʋ laaba ta? Dɩ ba nɛ bɩra bɩ ʋ wɩaa nɩa, ɛɛ nɛ ba jaŋ ŋaa laa ʋ wɩaa dii? Dɩ nʋʋ ma nɛ saa bɩ ʋ wɩaa bʋla pɩba, ɛɛ nɛ ba jaŋ wuo ŋaa nɩɩ?

Rom Tɩŋŋaa 10:17

Ŋɩɩ wɩaa, ŋ yie nɩɩ wɩɩ nɛ a laa dii. Ba nɛ ŋaa wɩalɩŋ sɩ tɩgɛ Kirisito lɛ.

Rom Tɩŋŋaa 15:3

Kirisito ma bɩ ʋ tɩtɩa tʋɔtɔrɛ wɩaa ŋaa. Ba fa ŋmʋnsɛ Wɩa teniŋ tʋɔŋ a bʋl ŋ-la nɛ a tɩgɛ ʋ lɛ: “Jomo-la kala nɩalɩŋ sɩ tʋʋsɛ ŋ-na Wɩa, ba nɛ ba joŋoo tʋʋsɛ mɩ ma.”

2 Timoti 4:2

bʋl Wɩa wɩaa pɩpɩ nɩaa bʋa na-kala lɛ, dɩ wɩaa zɔmɔ koo dɩ ba lɔrɔ. Kɛmba tʋra kɩɩ, bʋl ba teeŋ, aŋ ŋaa dɩ ba nyuŋ nyaasɛ. Kɛŋ kenyiri a jɩma dɩdagɛba woruŋ.

Hiburu TƖŊŊAA 4:16

Ŋɩɩ wɩaa má leŋ dɩ la kɛŋ nyuduoŋ a wuo yi lee-la Wɩa sɩ hɔnɔ, dɩ ʋ wuo fá la nenige. Dɩ la nɛ jʋʋ wɩɩkala, ʋ jaŋ fá la nenige a pɛ la lɛ.