Luuk 9:1 - WƖA TENIŊ

¹ Ŋɩɩ nɛ Yesu yɩrɛ ʋ harɩ-tooroo fii arɩ balɩa a hɛ dɔŋɔ lɛ, a pɩba doluŋ dɩ ba wuo jɩŋ-bɔŋŋɔɔ aŋ vɩvaarɛ nyanyal tɩŋŋaa ma.

Luuk 9:1 ပူးပေါင်းရင်းမြစ်များ

Matiu 16:19

Mɩ jaŋ joŋ Wɩa kuorii-la boribiee pɩŋ. Wɩɩ-la ŋ sɩ vɩa dʋnɩa lɛ, ba jaŋ vɩaʋ Wɩa-jaŋ ma. Wɩɩ-la ma ŋ sɩ sɛyɛ dʋnɩa lɛ, ba jaŋ sɛyʋ Wɩa-jaŋ ma lɛ.”

Matiu 4:24

Yesu wɩaa teeli Siiria tinteeŋ kala. Ŋɩɩ nɛ nɩaa kɛŋ ba nyanyal tɩŋŋaa kɔ ʋ teeŋ arɩ nyanyal dosunuŋ, jɩŋ-bɔŋŋɔɔ fa kɛŋ dɔnsʋŋ, dɔnsʋŋ ma titel kuŋkunsuŋ, dɔnsʋŋ ma fa ŋaa gbɛrɩgɛɛ. Ŋɩɩ nɛ Yesu vaarɛ ba kala.

Matiu 8:9

Mɩ ma paalaa to mɩ laalɩyuori hɩasɩŋ niiŋ nɛ. Laalɩyuoroo dɔnsʋŋ ma tuto mɩ niiŋ. Dɩ mɩ nɛ sɩ nɩa deeŋ mʋ daha, ʋ yie mʋ nɛ, dɩ mɩ nɛ sɩ dɩ nɩa deeŋ kɔ daha, ʋ yie kɔ nɛ. Dɩ mɩ nɛ bʋla pɩ mɩ yomo dɩ ʋ ŋaa wɩɩŋ deeŋ, ʋ yie ŋaa nɛ.”

Luuk 10:1

Yesu sɩ bʋl wɩaa deemba dɛrɛ, ʋ lɩɩsɛ nɩaa mahɩŋ batori arɩ fii a kɛmba kaa kpaa balɩa balɩa, a tɩmba dɩ ba laa sɩpaaŋ mʋ lee-kala ʋ tɩtɩa sɩ jaŋ mʋ.

Luuk 10:19

Yesu bɩra bʋla pɩba, “Má jegile nɩɩ mɩ teeŋ. Mɩ pɩma doluŋ nɛ dɩ ma wuo vɩvɛŋ dɩŋŋaa arɩ nʋɔmaa tʋɔŋ, ka ba bɩ ma wuo dɩŋ. Mɩ pɩma doluŋ dɩ ma wuo Sɩtaanɩ maa. Ʋ bɩ jaŋ wuo ŋaama wʋbɔŋ kala.

Jɔɔŋ 14:12

Wʋtɩtɩɩ nɛ mɩ bʋlaa pɩma, nɩɩ-la kala sɩ laa mɩ wɩaa dii, ʋ jaŋ wuo ŋɩŋaa wɩalɩŋ mɩ sɩɩ ŋaa. Ʋ jaŋ paala wuo ŋaa kɩɩ wɩalɩŋ mɩ sɩɩ ŋaa, bɛɛ wɩaa mɩ jaŋ mɩɩra mʋ mɩ Nyɩmma teeŋ.

Tɩntɩŋŋaa 1:8

Ama dɩ Wɩa nɛ joŋ ʋ Dɩŋ-zɔmʋŋ hɛ ma lɛ, ma jaŋ kɛŋ doluŋ, a dii mɩ dansɩa a bʋl mɩ wɩaa Jerusalɛm arɩ Judiya tinteeŋ kala arɩ Samarɩa lɛ, a kaa mʋ dʋnɩa sɛmɛ kala lɛ.”

Tɩntɩŋŋaa 3:16

Yesu yɩrɩŋ lɛ nɛ baala deeŋ ma sɩ na a jɩmʋ duori. La sɩ laa Yesu wɩaa dii nɛ wuo ŋaa baala deeŋ na yarɩfɩɛlaa woruŋ ma kala sɩɩŋ lɛ ŋɩɩ.

Tɩntɩŋŋaa 4:30

Dagɛ ŋ doluŋ aŋ leŋ dɩ puwuoloo duori, dɩ la ma wuo ŋɩŋaa wʋkpuŋkperisiŋ arɩ wʋmagɩlaa ŋ tɩntɩnna Yesu sɩ bɩ disiniŋ kɛnɛ yɩrɩŋ lɛ.”

Tɩntɩŋŋaa 9:34

Ŋɩɩ nɛ Pɩɩta bʋla pʋ, “Anɩyas, Yesu Kirisito vaarɩŋ nɛ, sii chuoli ŋ bɔsɔ.” Ʋ guu sii a duori.