Luuk 8:3 - WƖA TENIŊ

³ Dɔŋɔ ma yɩrɩŋ nɛ Jʋana. Ʋ bala ma yɩrɩŋ nɛ Kusa. Kusa fa ŋaa nɩhɩaŋ nɛ kuoro Hɛrɔd dɩa lɛ. Haal-la ba sɩɩ yɩrɛ Suzana ma hɛ nɩmɛ a pɛ haalaa dɔnsʋŋ ma lɛ ba fa yʋga. Ba pɛ ba lɛ arɩ kɩalɩŋ kala Yesu arɩ ʋ harɩ-tooroo sɩɩ chɛ.

Luuk 8:3 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 29:14

Ama mɩ dɩ mɩ nɩaa nɛ kʋbɛɛba a magɛ dɩ la kɛŋ kɩaa kʋ ŋaa chɔgɩta pɩŋ la tɩtɩa tʋɔtɔrʋŋ lɛ. Ŋ nɛ tɩɩ kʋŋkala, kɩalɩŋ ŋ sɩ pɩla, ba nɛ la bɩra joŋo pɩŋ ŋɩɩ.

AZAAYA 23:18

Ama nyʋʋrɩ-la kala ba sɩ jaŋ na jaŋ ŋaa La TƖƖNA kɩaa, ba bɩ jaŋ joŋo bil. Nyʋʋrɩ-la nɛ ba jaŋ joŋo yɔɔ kʋdiilee yʋgɛ arɩ gɛrɩ-zɔŋŋɔɔ a pɩ nɩalɩŋ sɩ tɩma pɩpɩ La TƖƖNA.

Matiu 14:1

Bʋa-la lɛ nɛ Galilii kuoro Hɛrɔd nɩɩ Yesu wɩaa.

Matiu 14:3

Hɛrɔd-la fa sie a mʋ jaa haal kʋbala nɛ. Ʋ yɩrɩŋ nɛ Hɛrɔdɩas. Ʋ fa ŋaa ʋ ŋaana Fɩlɩp haala nɛ, ʋ laa jaa.

Matiu 14:6

Ŋɩɩ nɛ Hɛrɔd chɛ-lʋlʋŋ tapʋlʋŋ bɩra yi. Ʋ yɩrɛ ʋ nɩaa dɩ ba kʋ gbieli. Hɛrɔdɩas tolo kʋ gʋa ba kala sɩpaaŋ, Hɛrɔd tʋɔŋ tɔrɛ ʋ nyuŋ.

Matiu 2:11

Ba sɩ mʋ yi lee-la bii-mulo-la sɩ hɛ, chɛnwʋl-la chɩŋ dɩa-la nyuŋ. Ba mʋ jʋʋ dɩa-la a na bii-mulo-la arɩ Mɛɛrɩ, ʋ naaŋ. Ba tuu kpirimi ʋ sɩpaaŋ a chʋɔlʋ. Ŋɩɩ nɛ ba puri ba chʋgʋsʋŋ a lɩɩsɛ kɩaa pʋ: Sɛlɩmɛ, tɩɩ-kel-zɔŋ baa yɩrɛ fɩraŋkɩsɛŋ arɩ tɩɩ-kel-zɔŋ dɔŋɔ baa yɩrɛ mɛɛ.

Matiu 20:8

Dɩdaanɩŋ sɩ yie, ŋɩɩ nɛ baga-la tɩɩna yɩrɛ nɩɩ-la sɩɩ beŋ ʋ baga-la dɩ ʋ yɩrɛ nɩalɩŋ sɩ tɩŋ ʋ baga-la lɛ a timba, dɩ ʋ suomi nɩalɩŋ sɩ to harɩŋ mʋ baga-la a timba aŋ-na mʋ yi nɩalɩŋ sɩ laa sɩpaaŋ mʋ baga-la.

Matiu 25:40

Mɩ-na Kuoro jaŋ bʋla pɩba, ‘Wʋtɩtɩɩ nɛ mɩ bʋlaa pɩma, bʋa-la kala lɛ ma sɩ ŋaa wʋzɔmʋŋ a pɩ mɩ naambiiriŋ deemba tʋɔŋ nɩɩ-la sɩ bɩ lee kɛnɛ, ma ŋaa ŋɩɩ pɩmɛ nɛ.’

Matiu 26:11

Ma dɩ summoo jaŋ hɛ nɩmɛ bʋa na-kala lɛ, ama mɩ dɩ ma bɩ jaŋ hɛ nɩmɛ deeŋ deeŋ.

Matiu 27:55

Haalaa yʋga a ma fa chɩŋ dɩ-bolii a bibeŋ. Haala-la fa to Yesu harɩŋ nɛ a lɩɩ Galilii tinteeŋ a pɩpɛ ʋ lɛ.

Luuk 24:10

Haala-la sɩ mʋ bʋa-la leriŋ nɛ ŋ-la: Mɛɛrɩ Magɩdalɩŋ, Jʋana arɩ Jeems naaŋ Mɛɛrɩ. Ba dɩ haalaa dɔnsʋŋ nɛ bʋl wɩaa deemba sɩ ŋaa a pɩ Yesu nanzɔɔba-la.

Jɔɔŋ 12:6

Ʋ sɩ bʋl ŋɩɩ, ʋ bɩ naga dɩ ʋ cho summo-la nɛ tɩɩ, ama ʋ fa ŋaa gaarʋ nɛ. Ʋ nɛ faa kori ba moribiee a yie lɩlɩɩsɛ moribie-la a kaa ŋaa ʋ tɩtɩa wɩaa.

Tɩntɩŋŋaa 13:1

Nɩalɩŋ sɩ laa Yesu wɩaa dii aa hilimi Antɩɔk lɛ, Wɩa wʋlaabʋllaa arɩ nɩalɩŋ sɩɩ dagɛ nɩaa fa hɛ ba tʋɔŋ nɛ. Ba yɩraa nɛ: Banabas, arɩ Simioŋ ba sɩɩ yɩrɛ nɩ-bine, arɩ Lusias sɩ lɩɩ Siriini, arɩ Sɔɔl arɩ Maneyaŋ. (Tintee-la kuoro Hɛrɔd nɛ dɩɛsɛ Maneyaŋ.)

2 Kɔrɩntɩ Nɩaa 8:9

Ma jɩma, La Tɩɩna Yesu kɛŋ zile nɛ. Aŋ ka dɩ ʋ kʋ tuu dʋnɩa, ʋ fa kɛŋ kɩaa nɛ woruŋ Wɩa-jaŋ lɛ, ama a tɩŋ ma wɩaa ʋ kɛŋ ʋ tɩtɩa kaa ŋaa summu nɛ dʋnɩa lɛ. Ʋ ŋaa ŋɩɩ dɩ ma wuo to ʋ lɛ nɛ a kuori.

Fɩlɩpa Nɩaa 4:22

Wɩa nɩaa kala sɩ hɛ daha ka chʋɔlɛma, a wasa nyaŋ nɩalɩŋ ma sɩ laa Yesu wɩaa dii a hɛ kuori-bal-la ba sɩɩ yɩrɛ Siiza dɩa lɛ.

1 Timoti 5:10

Ʋ maga dɩ ʋ wʋŋaalaa zɔŋ nɛ, dɩ ʋ bibeŋ ʋ biiriŋ woruŋ, a kɩkɛŋ nʋhʋɔraa woruŋ ʋ dɩa lɛ, a hʋhʋɔrɛ Wɩa nɩaa woruŋ ʋ dɩa lɛ, a pɩpɛ nɩalɩŋ wɩaa sɩ jʋa lɛ, a joŋ ʋ tɩtɩa hɛ wʋzɔŋŋɔɔ ŋaanɩŋ lɛ.