Luuk 8:2 - WƖA TENIŊ

² arɩ haalaa dɔnsʋŋ ma. Ba tʋɔŋ dɔnsʋŋ faa wɩɩlɛ nɛ, jɩŋ-bɔŋŋɔɔ ma fa kɛŋ dɔnsʋŋ. Yesu vaarɛ ba kala. Ba tʋɔŋ dɔŋɔ yɩrɩŋ nɛ Mɛɛrɩ Magɩdalɩŋ. Yesu fa kiri jɩŋ-bɔŋŋɔɔ balɩpɛ nɛ ʋ lɛ.

Luuk 8:2 ပူးပေါင်းရင်းမြစ်များ

Matiu 4:24

Yesu wɩaa teeli Siiria tinteeŋ kala. Ŋɩɩ nɛ nɩaa kɛŋ ba nyanyal tɩŋŋaa kɔ ʋ teeŋ arɩ nyanyal dosunuŋ, jɩŋ-bɔŋŋɔɔ fa kɛŋ dɔnsʋŋ, dɔnsʋŋ ma titel kuŋkunsuŋ, dɔnsʋŋ ma fa ŋaa gbɛrɩgɛɛ. Ŋɩɩ nɛ Yesu vaarɛ ba kala.

Maak 16:1

Ba chɛ-wiesii-la sɩ dɛrɛ, Lahadi chɛɛŋ sɩɩpʋʋraa, Mɛɛrɩ Magɩdalɩŋ arɩ Jeems naaŋ Mɛɛrɩ arɩ Salomi mʋ yɔɔ tʋlaalɩɩ dɩ ba kaa mʋ a mɩsɛ Yesu kʋsʋʋŋ.

Maak 16:9

Yesu sii sʋʋŋ lɛ Lahadi chɛɛŋ sɩɩpʋʋraa nɛ. Ʋ sɩ sie, ʋ leŋe Mɛɛrɩ Magɩdalɩŋ nɛ laa sɩpaaŋ naʋ, nɩɩ-la lɛ ʋ sɩ kiri jɩŋ-bɔŋŋɔɔ balɩpɛ ta.

Luuk 23:27

Nɩ-daŋ nɛ faa to ʋ harɩŋ, ba tʋɔŋ haalaa ma fa yʋga a yiyel Yesu wɩaa.

Luuk 23:49

Nɩalɩŋ kala fa sɩ jɩŋ Yesu, arɩ haala-la kala fa sɩɩ to ʋ harɩŋ a lɩɩ Galilii kɔ, ba chɩŋ dɩ-bolii a na wɩaa deemba kala.

Luuk 23:55

Haala-la fa sɩ to Yesu harɩŋ a lɩɩ Galilii kɔ, ba to Josɛf harɩŋ a mʋ na bʋbʋa-la, arɩ ŋɩɩ ʋ sɩ hugi Yesu.

Luuk 8:30

Ŋɩɩ nɛ Yesu pɩɛsʋ, “Ŋ yɩrɩŋ nɛ bɛɛ?” Ŋɩɩ nɛ baal-la bʋl dɩ ʋ yɩrɩŋ nɛ kʋ-kɛnɛ, bɛɛ wɩaa jɩnsɩŋ fa yʋga nɛ a kɛnʋ.

Jɔɔŋ 19:25

Nɩalɩŋ fa sɩ chɩna kpagɛ Yesu daagɛsɛ-la nɛ ŋ-la: Yesu naaŋ arɩ ʋ naaŋ ŋaana, arɩ Kilopas haala Mɛɛrɩ, arɩ Mɛɛrɩ Magɩdalɩŋ.

Tɩntɩŋŋaa 1:14

Ba dɩ haalaa dɔnsʋŋ arɩ Yesu naaŋ Mɛɛrɩ arɩ Yesu ŋaanaa, ba kala fa ŋaa nii-bala nɛ aa hilimi nɩmɛ, a fɩɛsɛ sɩɩŋ a chʋchʋɔlɛ Wɩa.